Click it and Unblock the Notifications
Just In
Don't Miss
-
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
'പ്രതീക്ഷിച്ചതിലും വളരെ ദുര്‍ബലം' ഇന്ത്യയുടെ സാമ്പത്തിക വളര്‍ച്ചയെ കുറിച്ച് പ്രതികരണവുമായി ഐഎംഎഫ്
നിയന്ത്രണത്തിലെ അനിശ്ചിതത്വവും ചില ബാങ്ക് ഇതര ധനകാര്യ കമ്പനികളില്‍ (എന്‍ബിഎഫ്സി) നിലനില്‍ക്കുന്ന ബലഹീനതയും കാരണം ഇന്ത്യയുടെ സാമ്പത്തിക വളര്‍ച്ച പ്രതീക്ഷിച്ചതിലും വളരെ ദുര്‍ബലമാണെന്ന് അന്താരാഷ്ട്ര നാണയ നിധി (ഐഎംഎഫ്) അഭിപ്രായപ്പെട്ടു. ഐഎംഎഫ് വക്താവ് ജെറി റൈസ് മാധ്യമങ്ങളെ അഭിസംബോധന ചെയ്ത് സംസാരിക്കവെയാണ് പ്രതികരണം.
ഇന്ത്യയിലെ സമീപകാല സാമ്പത്തിക വളര്‍ച്ച പ്രതീക്ഷിച്ചതിലും ദുര്‍ബലമാണെന്ന് അദ്ദേഹം പറഞ്ഞു. പ്രധാനമായും കോര്‍പ്പറേറ്റ്, പാരിസ്ഥിതിക നിയന്ത്രണ അനിശ്ചിതത്വവും ചില ബാങ്ക് ഇതര ധനകാര്യ കമ്പനികളിലെ നീണ്ടുനില്‍ക്കുന്ന ബലഹീനതയുമാണ് ഇതിന് കാരണമെന്നും കേന്ദ്രസര്‍ക്കാരിന്റെ നിലവിലെ കാഴ്ചപ്പാട് അപകടകരമാം വിധം ദോഷത്തിലേക്ക് നയിക്കുന്നുവെന്നും അദ്ദേഹം കൂട്ടിച്ചേര്‍ത്തു.
നിലവിലെ സാമ്പത്തിക വര്‍ഷത്തിന്റെ ആദ്യ പാദത്തില്‍ (ഏപ്രില്‍-ജൂണ്‍) രാജ്യത്തെ ജിഡിപി വളര്‍ച്ച ആറ് വര്‍ഷത്തെ ഏറ്റവും താഴ്ന്ന നിരക്കിലേക്ക് എത്തിയതായി നാഷണല്‍ സ്റ്റാറ്റിസ്റ്റിക്കല്‍ ഓഫീസ് (എന്‍എസ്ഒ) പുറത്തുവിട്ട കണക്കുകള്‍ വ്യക്തമാക്കുന്നു. ജിഡിപി വളര്‍ച്ചാ നിരക്ക് തുടര്‍ച്ചയായ അഞ്ചാം പാദത്തില്‍ കുറഞ്ഞു. 2013 മാര്‍ച്ചിലെ 4.3 ശതമാനമായിരുന്നു ഇതിന് മുന്‍പേയുള്ള ഏറ്റവും കുറഞ്ഞ നിരക്ക്.
അതേസമയം, 2024 ഓടെ ഇന്ത്യയെ 5 ട്രില്യണ്‍ ഡോളര്‍ സമ്പദ്വ്യവസ്ഥയാക്കുകയെന്ന കേന്ദ്രസര്‍ക്കാരിന്റെ ലക്ഷ്യത്തെ മുന്‍ പ്രധാനമന്ത്രി മന്‍മോഹന്‍ സിംഗ് വിമര്‍ശിച്ചു. ഇപ്പോഴത്തെ അവസ്ഥയെക്കുറിച്ചുള്ള അപകടകരമായ കാര്യം, ഒരു വലിയ സാമ്പത്തിക മാന്ദ്യത്തിനിടയിലാണെന്ന് തിരിച്ചറിയാന്‍ കഴിയാത്തവിധം സര്‍ക്കാര്‍ അലംഭാവം കാണിക്കുന്നു എന്നതാണെന്ന് അദ്ദേഹം പറഞ്ഞു. ഉന്നത കോണ്‍ഗ്രസ് നേതാക്കളുടെ യോഗത്തെ അഭിസംബോധന ചെയ്ത് സംസാരിക്കവെയാണ് മന്‍മോഹന്‍ സിംഗിന്റെ പ്രതികരണം.
