Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കള്ളപ്പണം വെളുപ്പിച്ചു; സാക്കിര്‍ നായികിനെ തേടി അന്വേഷണ സംഘം, ഈ മാസം ഹാജരാവണമെന്ന് നിര്‍ദേശം
സാക്കിര്‍ നായികിനും ഐആര്‍എഫിനുമെതിരേ കഴിഞ്ഞ മാസമാണ് എന്‍ഫോഴ്‌സ്‌മെന്റ് ഡയറക്ട്രേറ്റ് കേസെടുത്തത്.
മുംബൈ: കള്ളപ്പണം വെളുപ്പിച്ച കേസില്‍ വിവാദ ഇസ്ലാമിക പണ്ഡിതന്‍ സാക്കിര്‍ നായികിന് പിന്നാലെ എന്‍ഫോഴ്‌സ്‌മെന്റ് ഡയറേ്രക്ടറ്റ്. ഈ മാസം തീരുംമുമ്പ് അന്വേഷണ സംഘത്തിന് മുമ്പാകെ ഹാജരാവണമെന്ന് സാക്കിര്‍ നായിക്കിന് ഇഡി നിര്‍ദേശം നല്‍കി. വിദേശത്തുള്ള അദ്ദേഹം ഇന്ത്യയില്‍ തിരിച്ചെത്തുമോ എന്ന് വ്യക്തമല്ല.
സാക്കിര്‍ നായിക് ഇപ്പോള്‍ വിദേശത്താണ്. കേസില്‍ അദ്ദേഹത്തിന്റെ മൊഴിയെടുക്കല്‍ അനിവാര്യമായതിനാലാണ് വിളിപ്പിക്കുന്നതെന്ന് ഇഡി വൃത്തങ്ങള്‍ പറഞ്ഞു. അദ്ദേഹത്തിന്റെ സംഘടനയായ ഇസ്ലാമിക് റിസര്‍ച്ച് ഫൗണ്ടേഷന്‍ (ഐആര്‍എഫ്) അധികൃതരും ഹാജരാവണമെന്ന് അന്വേഷണ സംഘം ആവശ്യപ്പെട്ടിട്ടുണ്ട്.
സാക്കിര്‍ നായികിനും ഐആര്‍എഫിനുമെതിരേ കഴിഞ്ഞ മാസമാണ് എന്‍ഫോഴ്‌സ്‌മെന്റ് ഡയറക്ട്രേറ്റ് കേസെടുത്തത്. യുഎപിഎ നിയമപ്രകാരം ദേശീയ അന്വേഷണ ഏജന്‍സി കേസെടുത്തതിന് പിന്നാലെയായിരുന്നു ഇത്.
വിദേശത്ത് നിന്നു രേഖയില്ലാതെ കോടികളുടെ ഫണ്ട് സ്വീകരിച്ചുവെന്നാണ് സാക്കിര്‍ നായികിനും അദ്ദേഹത്തിന്റെ സംഘടനക്കുമെതിരായ ആരോപണം. ഇവരുടെ ബാങ്ക് രേഖകള്‍ ഇഡി വൃത്തങ്ങള്‍ പരിശോധിച്ചിരുന്നു. ഇതില്‍ ചില രേഖകളില്‍ സംശയമുണ്ടെന്ന് ഉദ്യോഗസ്ഥര്‍ പറഞ്ഞു.
മതസ്പര്‍ദയുണ്ടാക്കാന്‍ ശ്രമിച്ചെന്നാരോപിച്ച് കഴിഞ്ഞമാസമാണ് എന്‍ഐഎ സാക്കിര്‍ നായികിനും ഐആര്‍എഫിനുമെതിരേ കേസെടുത്തത്. തുടര്‍ന്ന് മുംബൈ നഗരത്തില്‍ സാക്കിര്‍ നായികുമായി ബന്ധപ്പെട്ട പത്ത് സ്ഥലങ്ങളിലാണ് എന്‍ഐഎയും പോലിസും തിരച്ചില്‍ നടത്തിയത്. സാക്കിര്‍ നായിക് ഇപ്പോള്‍ സൗദി അറേബ്യയിലാണ്.
