റെയിഡിനിടെ ക്രിമിനല് സംഘത്തിന്റെ വെടിവെപ്പ്; 8 പൊലീസുകാര് കൊല്ലപ്പെട്ടു; സംഭവിച്ചത്
ലഖനൗ: ഉത്തര്പ്രദേശില് റെയിഡിനിടെ അക്രമികള് പൊലീസിന് നെരെ വെടിവെച്ചു. ഡിവൈഎസ്പിയടക്കം എട്ട് പൊലീസുകാര് കൊല്ലപ്പെട്ടു. സംഭവത്തില് 12 പൊലീസുകാര്ക്ക് പരിക്കേറ്റിട്ടുണ്ട്. ഇവരെ ആശുപത്രിയില് പ്രവേശിപ്പിച്ചിരിക്കുകയാണ്.
ഡിവൈഎസ്പി ദേവേന്ദ്ര മിശ്ര, സ്റ്റേഷന് ഓഫീസര് ശിവാജ്പൂര് മഹേഷ് യാദവ്, എസ്ഐ, അഞ്ച് കോണ്സ്റ്റബിള് എന്നിവരാണ് ഏറ്റുമുട്ടലില് കൊല്ലപ്പെട്ടത്.
നിരവധി കേസുകളില് പ്രതിയായ വികാസ് ദുബെയെ തേടിയെത്തിയ പൊലീസ് സംഘത്തിന് നേരെയാണ് വെടിവെപ്പുണ്ടായത്. കാണ്പൂര് ദേഹട്ടിലെ ശിവ്ലി പൊലീസ് സ്റ്റേഷന് പരിസരത്തെ ബിക്രു ഗ്രാമത്തിലാണ് പൊലീസ് സംഘം റെയിഡ് നടത്തിയത്.
2001 ല് ശിവ്ലി പൊലീസ് സ്റ്റേഷനില് വെച്ച് മുന് മന്ത്രി സന്തോഷ് ശുക്ലയെ കൊലപ്പെടുത്തിയ കേസിലെ പ്രതിയാണ് ദുബേ. രാജ്നാഥ് സിംഗ് സര്ക്കാരില് മന്ത്രിയായിയരുന്നു സന്തോഷ് ശുക്ല. വികാസ് സിങിനെതിരെ നിലവില് 57 കേസുകളാണ് രജിസ്റ്റര് ചെയ്തിട്ടുള്ളത്.
Recommended Video
വെടിവെപ്പിന് പിന്നാലെ ഉന്നത ഉദ്യോഗസ്ഥരുടെ സംഘം സ്ഥലത്തെത്തി സംഭവസ്ഥലത്തെത്തി പൊലീസ് ഉദ്യോഗസ്ഥരടക്കമുള്ളവര് പരിശോധന നടത്തി വരികയാണ്. സംഭവത്തില് അഡിഷണല് ചീഫ് സെക്രട്ടറിയോടും ഡിജിപിയോടും ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് റിപ്പോര്ട്ട് തേടിയിട്ടുണ്ട്. കുറ്റവാളികള്ക്കെതിരെ കര്ശന നടപടി സ്വീകരിക്കാന് നിര്ദേശം നല്കി.
ഉത്തര്പ്രദേശില് കൊവിഡ് കേസുകളും അനുദിനം വര്ധിച്ചുവരികയാണ്. ഇന്നലെ മാത്രം 735 പുതിയ കൊവിഡ് കേസുകളാണ് റിപ്പോര്ട്ട് ചെയ്തത്. 17 പേര് കൊവിഡ് ബാധയെ തുടര്ന്ന് മരണപ്പെടുകയും ചെയ്തു. വ്യാഴാഴ്ച്ച ഉത്തര്പ്രദേശിലെ ഗാസിയാബാദില് മാത്രം റിപ്പോര്ട്ട് ചെയ്തത് 129 കൊവിഡ് കേസുകള്. തൊട്ട് പിന്നാലെ നോയിഡയില് 116 പേര്ക്ക് കൊവിഡ് സ്ഥിരീകരിച്ചു. ഇക്കഴിഞ്ഞ 24 മണിക്കൂറില് ഉത്തര്പ്രദേശില് 593 പേര് ആശുപത്രി വിട്ടു.
കടുവ ചത്തിട്ടില്ല! മാസ് ഡയലോഗടിച്ച് സിന്ധ്യയുടെ റീഎൻട്രി! ചൗഹാന് ചങ്കിടിപ്പ്, പരിഹസിച്ച് കോൺഗ്രസ്!
രാഹുലിന്റെ വരവ് ഒറ്റയ്ക്കല്ല... 3 പടത്തലവന്മാര്, മുന്നിലുള്ളത് സീനിയര്, ഒരാള് ഔട്ട്, വെല്ലുവിളി!
രാഹുൽ ഗാന്ധിയെത്തും; നിർണായക നീക്കവുമായി കോൺഗ്രസ്, പുത്തൻ ടീം!! സോണിയ ബ്രിഗേഡ് തെറിക്കും