ലോക്സഭാ- നിയമസഭാ ഉപതിരഞ്ഞെടുപ്പിനുള്ള തിയ്യതി പ്രഖ്യാപിച്ച് കമ്മീഷൻ: 15 സംസ്ഥാനങ്ങളിൽ ഉപതിരഞ്ഞെടുപ്പ്

Updated: Tuesday, September 28, 2021, 14:27 [IST]

ദില്ലി: രാജ്യത്ത് ലോക്സഭാ- നിയമസഭാ തിരഞ്ഞെടുപ്പിനുള്ള തിയ്യതികൾ പ്രഖ്യാപിച്ച് തിരഞ്ഞെടുപ്പ് കമ്മീഷൻ. മധ്യപ്രദേശ്, ബിഹാർ, ഹരിയാന, മഹാരാഷ്ട്ര, പശ്ചിമ ബംഗാൾ എന്നിവയുൾപ്പെടെ നിരവധി സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും കേന്ദ്രഭരണ പ്രദേശങ്ങളിലെയും ലോക്സഭാ, നിയമസഭാ സീറ്റുകളിലേക്കുള്ള ഉപതിരഞ്ഞെടുപ്പാണ് തിരഞ്ഞെടുപ്പ് കമ്മീഷൻ ചൊവ്വാഴ്ച പ്രഖ്യാപിച്ചിട്ടുള്ളത്. കൊവിഡ് സാഹചര്യം അവലോകനം ചെയ്ത് ബന്ധപ്പെട്ട സംസ്ഥാനങ്ങളിൽ നിന്നും കേന്ദ്രഭരണപ്രദേശങ്ങളിൽ നിന്നുമുള്ള പ്രതികരണം ലഭിച്ചതിന് ശേഷമാണ് ഉപതിരഞ്ഞെടുപ്പ് നടത്താൻ തീരുമാനിച്ചത്. ഉപതിരഞ്ഞെടുപ്പ് ഒക്ടോബർ 30-നും വോട്ടെണ്ണൽ നവംബർ 2-നും നടക്കുമെന്നാണ് വോട്ടെടുപ്പ് സമിതി അറിയിച്ചിട്ടുള്ളത്.

കൊവിഡ് വ്യാപനം, വെള്ളപ്പൊക്കം, ഉത്സവങ്ങൾ, ചില പ്രദേശങ്ങളിലെ കാലാവസ്ഥായുമായി ബന്ധപ്പെട്ട പ്രശ്നങ്ങൾ എന്നിവയുള്ള സംസ്ഥാനങ്ങൾ / കേന്ദ്രഭരണ പ്രദേശങ്ങൾ എന്നിവയിൽ നിന്നുള്ള അഭിപ്രായങ്ങൾ കമ്മീഷൻ അവലോകനം ചെയ്യുകയും എല്ലാ വസ്തുതകളും സാഹചര്യങ്ങളും കണക്കിലെടുക്കുകയും മൂന്ന് ഒഴിവുകൾ നികത്തുന്നതിന് വേണ്ടി ഉപതിരഞ്ഞെടുപ്പ് നടത്താൻ തീരുമാനിക്കുകയും ചെയ്തിട്ടുണ്ട്. കേന്ദ്ര ഭരണ പ്രദേശങ്ങളിൽ ദാദ്ര & നഗർ ഹവേലി, ഡാമൻ & ദിയു, എന്നിവിടങ്ങളിൽ ഉപതിരഞ്ഞെടുപ്പ് നടക്കുന്നതിന് പുറമേ മധ്യപ്രദേശ്, ഹിമാചൽ പ്രദേശ് എന്നീ സംസ്ഥാനങ്ങളിലെ ഒഴിവുള്ള ലോക്സഭാ മണ്ഡലങ്ങളിലെയും വിവിധ സംസ്ഥാനങ്ങളിലെ നിയമസഭാ മണ്ഡലങ്ങളിലെയും അടക്കം ഒഴിവുവന്നിട്ടുള്ള 30 സീറ്റുകളിലേക്കുള്ള തിരഞ്ഞെടുപ്പാണ് നടക്കാനിരിക്കുന്നത്.

എന്തൊരു ലുക്കാണ് കാണാന്‍; ബിഗ് ബോസ് താരം അലസാന്‍ഡ്രയുടെ ഫോട്ടോഷൂട്ട് ഏറ്റെടുത്ത് ആരാധകര്‍

മധ്യപ്രദേശ് - ഖണ്ഡ്വ, ഹിമാചൽ പ്രദേശ് - മണ്ടി എന്നീ ലോക്സഭാ സീറ്റുകളിലേക്കാണ് ഉപതിരഞ്ഞെടുപ്പ് നടക്കാനിരിക്കുന്നത്.
ആന്ധ്രാപ്രദേശ് - ബാദ്‌വെൽ (എസ് സി), അസം - ഗോസ്സൈഗാവ്, അസം - ഭബാനിപൂർ, അസം - തമുൽപൂർ, അസം - മരിയാനി,
അസം - തോറ, ബീഹാർ - കുശേശ്വർ ആസ്താൻ (എസ് സി), ബീഹാർ - താരാപൂർ, ഹരിയാന - എല്ലെനാബാദ്, ഹിമാചൽ പ്രദേശ് - ഫത്തേപൂർ, ഹിമാചൽ പ്രദേശ് - ആർക്കൈവ്, ഹിമാചൽ പ്രദേശ് - ജുബ്ബാൽ- കോട്ഖായ്, കർണാടക - സിന്ദ്ഗി, കർണാടക - ഹംഗൽ, മധ്യപ്രദേശ് - പൃഥ്വിപൂർ, മധ്യപ്രദേശ് -റായ്ഗാവ് (എസ് സി), മധ്യപ്രദേശ് -ജോബത് (എസ് ടി), മഹാരാഷ്ട്ര -ദെഗ്ലൂർ (എസ് സി), മേഘാലയ - മാവറിംഗ്നെംഗ് (എസ് ടി), മേഘാലയ - മൗഫ്ലാങ് (എസ് ടി), മേഘാലയ - രാജബാല, മിസോറാം - തുയീരിയൽ (എസ് ടി), നാഗാലാൻഡ് - ഷാംടോർ -ചെസ്സോർ (എസ് ടി),
രാജസ്ഥാൻ - വല്ലഭനഗർ, രാജസ്ഥാൻ - ധരിയവാഡ് (എസ് ടി), തെലങ്കാന - ഹുസുരാബാദ്, പശ്ചിമ ബംഗാൾ - ദിൻഹട്ട, പശ്ചിമ ബംഗാൾ - ശാന്തിപൂർ, പശ്ചിമ ബംഗാൾ -ഖർദഹ, പശ്ചിമ ബംഗാൾ - ഗോസബ (എസ് സി) എന്നീ നിയമസഭാ സീറ്റുകളിലേക്കുമാണ് ഉപതിരഞ്ഞടുപ്പ് നടക്കുക.