Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മുഹമ്മദ് ഫൈസലിന്റെ അയോഗ്യത നീങ്ങി, ലക്ഷദ്വീപ് ഉപതിരഞ്ഞെടുപ്പ് മരവിപ്പിച്ച് തിരഞ്ഞെടുപ്പ് കമ്മീഷന്‍
ദില്ലി: ലക്ഷദ്വീപിലെ ലോക്‌സഭാ ഉപതിരഞ്ഞെടുപ്പ് മരവിപ്പിച്ച് ഉത്തരവിറക്കി തിരഞ്ഞെടുപ്പ് കമ്മീഷന്‍. കഴിഞ്ഞ ദിവസം കേരള ഹൈക്കോടതി വധശ്രമക്കേസില്‍ സിറ്റിംഗ് എംപി മുഹമ്മദ് ഫൈസലിന്റെ ശിക്ഷ മരവിപ്പിച്ചിരുന്നു. ഇതോടെയാണ് തിരഞ്ഞെടുപ്പ് കമ്മീഷന്റെ തീരുമാനം. അടുത്തിടെയാണ് ലക്ഷദ്വീപില്‍ തിരഞ്ഞെടുപ്പ് കമ്മീഷന്‍ ഉപതിരഞ്ഞെടുപ്പ് പ്രഖ്യാപിച്ചത്. ഫെബ്രുവരി 27ന് ആയിരുന്നു തിരഞ്ഞെടുപ്പ് നടക്കേണ്ടിയിരുന്നത്.
വധശ്രമക്കേസില്‍ കവരത്തി കോടതി മുഹമ്മദ് ഫൈസലിനെ കുറ്റക്കാരനായി കണ്ടെത്തി ശിക്ഷിച്ചിരുന്നു. ഇതോടെ മുഹമ്മദ് ഫൈസല്‍ അയോഗ്യനായി. തുടര്‍ന്നായിരുന്നു ഉപതിരഞ്ഞെടുപ്പ് പ്രഖ്യാപനം. പിന്നാലെ മുഹമ്മദ് ഫൈസല്‍ കോടതി വിധിക്കെതിരെ ഹൈക്കോടതിയെ സമീപിക്കുകയായിരുന്നു. വിധി ഹൈക്കോടതി മരവിപ്പിച്ചതോടെ മുഹമ്മദ് ഫൈസലിന് എംപിയായി തുടരാം. ജനപ്രാതിനിധ്യ നിയമത്തിലെ എട്ടാമത്തെ വകുപ്പ് പ്രകാരം ക്രിമനല്‍ കേസില്‍ അകപ്പെട്ട ജനപ്രതിനിധിയുടെ ശിക്ഷ സ്റ്റേ ചെയ്താല്‍ തിരഞ്ഞെടുപ്പിലെ അയോഗ്യത മാറിക്കിട്ടും.
2009ല്‍ തിരഞ്ഞെടുപ്പ് പ്രചാരണത്തിനിടെ കോണ്‍ഗ്രസ് പ്രവര്‍ത്തകനെ വധിക്കാന്‍ ശ്രമിച്ചെന്ന കേസിലാണ് മുഹമ്മദ് ഫൈസല്‍ ശിക്ഷിക്കപ്പെട്ടിരുന്നത്. എംപിക്കൊപ്പം മറ്റ് രണ്ട് പ്രതികളുമുണ്ട്. പ്രതികള്‍ക്ക് 10 വര്‍ഷം തടവ് ശിക്ഷയാണ് കവരത്തി കോടതി വിധിച്ചത്. പിന്നാലെ അറസ്റ്റ് ചെയ്യപ്പെട്ട മുഹമ്മദ് ഫൈസലിനെ കണ്ണൂര്‍ സെന്‍ട്രല്‍ ജയിലിലേക്ക് മാറ്റി. മുഹമ്മദ് ഫൈസലിന്റെ അമ്മാവന്‍ പടിപ്പുര ഹുസൈന്‍, സഹോദരന്‍ മുഹമ്മദ് അമീന്‍ എന്നിവരാണ് ശിക്ഷിക്കപ്പെട്ടത്. ലോക്‌സഭാ തിരഞ്ഞെടുപ്പ് പ്രചാരണത്തിനിടെ പ്രതികളും മുന്‍ കോണ്‍ഗ്രസ് നേതാവ് പിഎം സയീദിന്റെ മകളുടെ ഭര്‍ത്താവായ കോണ്‍ഗ്രസ് പ്രവര്‍ത്തകനും തമ്മില്‍ ഏറ്റുമുട്ടിരുന്നു. ഈ സംഭവത്തിലാണ് കേസ്.
മുഹമ്മദ് ഫൈസലിനെ കുറ്റക്കാരനായി കണ്ടെത്തിയ വിധിയും ശിക്ഷാ വിധിയും അപ്പീല്‍ പരിഗണിച്ച ഹൈക്കോടതി സ്റ്റേ ചെയ്തു. അതിനിടെ ഉപതിരഞ്ഞെടുപ്പ് പ്രഖ്യാപിച്ച തിരഞ്ഞെടുപ്പ് കമ്മീഷന്റെ നടപടിയെ ചോദ്യം ചെയ്ത് കൊണ്ട് മുഹമ്മദ് ഫൈസല്‍ സുപ്രീം കോടതിയെ സമീപിച്ചു. തിടുക്കപ്പെട്ടുളള നടപടിയാണ് തിരഞ്ഞെടുപ്പ് കമ്മീഷന്റേത് എന്ന് എംപി സുപ്രീം കോടതിയില്‍ വ്യക്തമാക്കി. തിരഞ്ഞെടുപ്പുമായി ബന്ധപ്പെട്ട തീരുമാനമെടുക്കുമ്പോള്‍ ഹൈക്കോടതി വിധി പരിഗണിക്കണമെന്ന് തിരഞ്ഞെടുപ്പ് കമ്മീഷനോട് സുപ്രീം കോടതി നിര്‍ദേശിച്ചിരുന്നു. തിരഞ്ഞെടുപ്പ് വിജ്ഞാപനം നാളെ ആയിരുന്നു പുറത്തിറങ്ങേണ്ടിയിരുന്നത്.
