രാജ്യത്ത് എവിടെയായാലും സ്വന്തം മണ്ഡലത്തില്‍ വോട്ട് ചെയ്യാം; നിര്‍ണായക നീക്കം, പദ്ധതി ഇങ്ങനെ

Updated: Thursday, December 29, 2022, 14:13 [IST]

ദില്ലി: ഇന്ത്യയിലെ വോട്ടര്‍മാര്‍ക്ക് രാജ്യത്ത് എവിടെ നിന്നും വോട്ട് ചെയ്യാനുള്ള പദ്ധതിക്ക് തുടക്കം കുറിക്കുന്നു. വോട്ടിംഗ് മെഷനിനില്‍ പുതിയ സംവിധാനം ഒരുക്കാനാണ് തിരഞ്ഞെടുപ്പ് കമ്മിഷന്റെ നിര്‍ദ്ദേശം. ഈ നിര്‍ദ്ദേശം രാജ്യത്തെ രാഷ്ട്രീയ പാര്‍ട്ടികള്‍ക്ക് മുന്നില്‍ അവതരിപ്പിക്കാനാണ് തിരഞ്ഞെടുപ്പ് കമ്മിഷന്റെ നീക്കം. ജനുവരി 16ന് ചേരുന്ന എല്ലാ രാഷ്ട്രീയ പാര്‍ട്ടികളുടെ യോഗത്തില്‍ തിരഞ്ഞെടുപ്പ് കമ്മിഷന്‍ ഈ നിര്‍ദ്ദേശം അവതിപ്പിക്കും.

എട്ട് അംഗീകൃത ദേശീയ, 57 സംസ്ഥാന രാഷ്ട്രീയ പാര്‍ട്ടികളുടെ പ്രതിനിധികളെ യോഗത്തിന് ക്ഷണിച്ചിട്ടുണ്ട്. യുവാക്കളുടെ നിസ്സംഗത, കുടിയേറ്റക്കാര്‍ക്ക് വോട്ടുചെയ്യാനുള്ള അവസരമില്ലായ്മ എന്നിവ പരിഹരിക്കുകയാണ് പുതിയ ആശയത്തിന്റെ ലക്ഷ്യമെന്ന് മുഖ്യ തിരഞ്ഞെടുപ്പ് കമ്മീഷണര്‍ രാജീവ് കുമാര്‍ പറഞ്ഞു.

ആഭ്യന്തര കുടിയേറ്റക്കാര്‍ക്ക് അവരുടെ താമസ സ്ഥലങ്ങളില്‍ നിന്ന് വിവിധ മണ്ഡലങ്ങളില്‍ റിമോട്ട് വോട്ടിംഗ് ചെയ്യാന്‍ സാധിക്കുമെന്ന് തിരഞ്ഞെടുപ്പ് കമ്മിഷന്‍ അറിയിച്ചു. ''ഇവിഎമ്മിന്റെ ഈ പരിഷ്‌കരിച്ച രൂപത്തിലുള്ള ഒരു വിദൂര പോളിംഗ് ബൂത്തില്‍ നിന്ന് 72 ഒന്നിലധികം മണ്ഡലങ്ങള്‍ വരെ കൈകാര്യം ചെയ്യാന്‍ കഴിയുമെന്നും തിരഞ്ഞെടുപ്പ് കമ്മിഷന്‍ അറിയിച്ചു.

റിമോട്ട് വോട്ടിംഗിനായി നിയമനിര്‍മ്മാണത്തിലും ഭരണപരമായ നടപടിക്രമങ്ങളിലും ആവശ്യമായ മാറ്റങ്ങളുമായി ബന്ധപ്പെട്ട വിഷയങ്ങളില്‍ ജനുവരി 31-നകം നിര്‍ദ്ദേശങ്ങള്‍ സമര്‍പ്പിക്കാന്‍ രാഷ്ട്രീയ പാര്‍ട്ടികളോടും തിരഞ്ഞെടുപ്പ് കമ്മിഷന്‍ ആവശ്യപ്പെട്ടിട്ടുണ്ട്. വിവിധ പങ്കാളികളില്‍ നിന്ന് ലഭിച്ച ഫീഡ്ബാക്കിന്റെയും പ്രോട്ടോടൈപ്പിന്റെ പ്രകടനത്തിന്റെയും അടിസ്ഥാനത്തില്‍, കമ്മീഷന്‍ നടപ്പിലാക്കുന്നതിനുള്ള നടപടിക്രമം ഉചിതമായി മുന്നോട്ട് കൊണ്ടുപോകും.

2020ല്‍, റിമോട്ട് വോട്ടിംഗ് പ്രാപ്തമാക്കുന്നതിനുള്ള സാങ്കേതികവിദ്യ വിലയിരുത്തുന്നതിന് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയില്‍ നിന്നും നാഷണല്‍ ഇന്‍ഫോര്‍മാറ്റിക്സ് സെന്ററില്‍ നിന്നുമുള്ള നാലംഗ വിദഗ്ധ സമിതിയെ തിരഞ്ഞെടുപ്പ് കമ്മിഷന്‍ രൂപീകരിച്ചിട്ടുണ്ട്. തിരഞ്ഞെടുപ്പ് നടത്തിപ്പില്‍ സാങ്കേതികവിദ്യയെ ആശ്രയിക്കുന്നതിനുള്ള ഒരു ആശയ പദ്ധതി പാനല്‍ അവതരിപ്പിച്ചിട്ടുണ്ട്.

എല്ലാ സാമൂഹിക-സാമ്പത്തിക തലങ്ങളിലുമുള്ള കുടിയേറ്റക്കാരുടെ തിരഞ്ഞെടുപ്പ് പങ്കാളിത്തം സുഗമമാക്കുന്നതിന് സമഗ്രമായ പരിഹാരങ്ങള്‍ കണ്ടെത്താന്‍ തിരഞ്ഞെടുപ്പ് കമ്മിഷന്റെ ഒരു ടീം ദീര്‍ഘനാളായി ആലോചിച്ചുവരികയാണ്. കൂടാതെ ടൂ-വേ ഫിസിക്കല്‍ ട്രാന്‍സിറ്റ് പോസ്റ്റല്‍ ബാലറ്റുകള്‍, വണ്‍-വേ തുടങ്ങിയ ബദല്‍ വോട്ടിംഗ് രീതികളെ കുറിച്ചും ആലോചിച്ചിട്ടുണ്ട്.