താക്കറെയ്ക്ക് തീപ്പന്തം.. ഷിന്ഡെയ്ക്ക് തിരിച്ചടി; ശിവസേന വിഭാഗങ്ങള്ക്ക് പുതിയ പേരായി
മുംബൈ: ശിവസേനയിലെ അധികാര തര്ക്കത്തിന് താല്ക്കാലിക വിരാമം. ശിവസേനയിലെ ഇരുവിഭാഗങ്ങള്ക്കും തെരഞ്ഞെടുപ്പ് കമ്മീഷന് താല്ക്കാലികമായി പേര് അനുവദിച്ചു. ഉദ്ധവ് താക്കറെയുടെ നേതൃത്വത്തിലുള്ള ശിവസേന വിഭാഗത്തിന് തിരഞ്ഞെടുപ്പ് കമ്മീഷന് പുതിയ തെരഞ്ഞെടുപ്പ് ചിഹ്നവും അനുവദിച്ചിട്ടുണ്ട്.
ഏക്നാഥ് ഷിന്ഡെ വിഭാഗത്തോട് നാളെ തന്നെ ചിഹ്നങ്ങളുടെ ഓപ്ഷന് സമര്പ്പിക്കാനും തെരഞ്ഞെടുപ്പ് കമ്മീഷന് ആവശ്യപ്പെട്ടിട്ടുണ്ട്. നിലവിലെ ഉപതെരഞ്ഞെടുപ്പിലും നിലവിലെ തര്ക്കത്തില് അന്തിമ ഉത്തരവ് പുറപ്പെടുവിക്കുന്നത് വരെയും തെരഞ്ഞെടുപ്പ് കമ്മീഷന് അനുവദിച്ച പേരും ചിഹ്നവും ഇരുകക്ഷികള്ക്കും ഉപയോഗിക്കാം.
ഉദ്ധവ് താക്കറെ വിഭാഗം ഇനി ശിവസേന ഉദ്ധവ് ബാലാസാഹേബ് താക്കറെ എന്നാണ് അറിയപ്പെടുക. ജ്വലിക്കുന്ന പന്തമാണ് താക്കറെ വിഭാഗത്തിന്റെ ചിഹ്നം. ഏക്നാഥ് ഷിന്ഡെ വിഭാഗത്തിന് ബാലാസാഹെബാഞ്ചി ശിവസേന എന്ന പേരാണ് നല്കിയിരിക്കുന്നത്. അതേസമയം ഷിന്ഡെ വിഭാഗം നല്കിയ ചിഹ്നങ്ങളുടെ ഓപ്ഷന് തെരഞ്ഞെടുപ്പ് കമ്മീഷന് അനുവദിച്ചില്ല.
മതപരമായ അര്ത്ഥങ്ങള് ചൂണ്ടിക്കാട്ടി 'ത്രിശൂല്', 'ഉദയ സൂര്യന്', 'ഗദ' എന്നീ ചിഹ്നങ്ങള് അനുവദിക്കാന് തെരഞ്ഞെടുപ്പ് കമ്മീഷന് വിസമ്മതിച്ചു. ഉദ്ധവ് താക്കറെയും ഏക്നാഥ് ഷിന്ഡെയും നയിക്കുന്ന വിഭാഗങ്ങള് തമ്മിലുള്ള തര്ക്കത്തിനിടെ ശിവസേനയുടെ 'അമ്പും വില്ലും' ചിഹ്നം തെരഞ്ഞെടുപ്പ് കമ്മീഷന് ശനിയാഴ്ച മരവിപ്പിച്ചിരുന്നു.
അതേസമയം തെരഞ്ഞെടുപ്പ് കമ്മീഷന് അനുവദിച്ച പുതിയ പാര്ട്ടി ചിഹ്നവും പേരും തങ്ങളുടെ വിജയമാണ് എന്ന് ഉദ്ധവ് താക്കറെ വിഭാഗം പറഞ്ഞു. 'ഞങ്ങള്ക്ക് സന്തോഷമുണ്ട്, ഞങ്ങള്ക്ക് ഏറ്റവും പ്രധാനപ്പെട്ട മൂന്ന് പേരുകള് - ഉദ്ധവ് ജി, ബാലാസാഹെബ്, താക്കറെ -എന്നിവ നിലനിര്ത്താനായി, പുതിയ പേര് അനുവദിച്ചതിന് ശേഷം ഭാസ്കര് ജാദവ് പറഞ്ഞു.
ഉദ്ധവ് താക്കറെയുടെ നേതൃത്വത്തിലുള്ള വിഭാഗത്തിന് പുതിയ തിരഞ്ഞെടുപ്പ് ചിഹ്നം വരും ദിവസങ്ങളില് 'വലിയ വിപ്ലവം' കൊണ്ടുവരുമെന്ന് സഞ്ജയ് റാവത്ത് പറഞ്ഞു. മഹാരാഷ്ട്രയിലെ മഹാ വികാസ് അഘാഡി സര്ക്കാരിനെ അട്ടിമറിച്ചാണ് ഏക്നാഥ് ഷിന്ഡെ ബി ജെ പിയോടൊപ്പം ചേര്ന്ന് മുഖ്യമന്ത്രിയായത്. ഇതിന് പിന്നാലെയാണ് പാര്ട്ടിയില് അധികാര തര്ക്കം ഉടലെടുത്തത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google