മോദി ഇഫക്ട് അല്ല, നോട്ട് ബന്ദി ഇഫ്ടും അല്ല; എല്ലാം ഭരണവിരുദ്ധ വികാരം... ഇതാ തെളിവുകള്
ദില്ലി: ഉത്തര് പ്രദേശില് മൂന്നൂറിലധികം സീറ്റുകള് നേടി ബിജെപി അധികാരത്തിലെത്തുകയാണ്. ഉത്തരാഖണ്ഡില് കോണ്ഗ്രസിന്റെ ഹരീഷ് റാവത്ത് സര്ക്കാരിനെ കടപുഴക്കി ബിജെപി അധികാരത്തിലെത്തുന്നു.
കേള്ക്കുമ്പോള് ഒരു മോദി ഇഫക്ട് എന്നോ, ബിജെപി തരംഗമെന്നോ തോന്നാം. രാജ്യം മുഴുവന് പ്രതിഷേധങ്ങള് ആളിക്കത്തിയ നോട്ട് നിരോധനം തിരഞ്ഞെടുപ്പില് ഒരു പ്രതിഫലനവും ഉണ്ടാക്കിയില്ലെന്നും കണ്ടെത്താം.
എന്നാല് രണ്ട് സംസ്ഥാനങ്ങളിലെ തിരഞ്ഞെടുപ്പ് ഫലം വച്ച് മാത്രം ഇതെല്ലാം അങ്ങ് തീരുമാനിക്കാന് പറ്റുമോ. പറ്റില്ലെന്ന് ഉറപ്പ്. ഇതാ തെളിവുകള് കാണൂ...
ഉത്തര് പ്രദേശില് ബിജെപി നേടിയത് തിളക്കമാര്ന്ന വിജയമാണ്. എതിരാളികളെ ബഹുദൂരം പിന്നിലാക്കിയ അപ്രമാദിത്തം. പക്ഷേ അവിടെ ആരായിരുന്നു ഭരിച്ചിരുന്നത്?
സമാജ് വാദി പാര്ട്ടിക്കെതിരെ ഉയര്ന്ന ശക്തമായ ജന വികാരമാണ് ബിജെപിയ്ക്ക് തുണയായത് എന്നും പറയാം. തിരഞ്ഞെടുപ്പിന് മുമ്പ് എസ്പിയില് ഉണ്ടായ അടിപിടികള് ജനങ്ങള്ക്ക് അങ്ങനെ മറക്കാന് പറ്റില്ലല്ലോ.
നരേന്ദ്ര മോദിയും അമിത് ഷായും ഒക്കെ ആയിരുന്നു ഉത്തര് പ്രദേശിലെ ബിജെപിയുടെ പ്രചാരണ നായകര്. എന്നാല് നോട്ട് നിരോധനത്തെ കുറിച്ച് അധികം പറയാതിരിക്കാന് മോദിയും അമിത് ഷായും പ്രത്യേകം ശ്രദ്ധിച്ചിരുന്നു എന്ന കാര്യം മറക്കാന് പറ്റുമോ?
രാജ്യം മൊത്തം ബിജെപി തരംഗം എന്ന് എങ്ങനെ പറയാന് കഴിയും? ബിജെപിയും ശിരോമണി അകാലിദളും ചേര്ന്ന് ഭരിച്ചിരുന്ന പഞ്ചാബിലെ സ്ഥിതി കൂടി പരിഗണിക്കേണ്ടേ... അവിടെയാണെങ്കില് മൂന്നാം സ്ഥാനത്താണ് ബിജെപി സഖ്യം. അതുക്കും മേലെയുണ്ട് പുതുമക്കാരായ ആം ആദ്മി. ഇവിടേയും സംഭവിച്ചത് ഭരണ വിരുദ്ധ വികാരം തന്നെ.
ഉത്തരാഖണ്ഡും ഇത്തവണം ബിജെപി കൈയ്യടക്കിയിട്ടുണ്ട്. ഹരീഷ് റാവത്തിന്റെ നേതൃത്വത്തിലുള്ള കോണ്ഗ്രസ് സര്ക്കാരിനെ ആണ് അട്ടിമറിച്ചത്. ഇവിടെ സംഭവിച്ചതും ഭരണ വിരുദ്ധ വികാരം തന്നെ ആണ്.
ഗോവയില് ബിജെപി സര്ക്കാരായിരുന്നു അധികാരത്തിലുണ്ടായിരുന്നത്. ഇപ്പോഴത്തെ കേന്ദ്ര പ്രതിരോധ മന്ത്രിയായ മനോഹര് പരീക്കര് ആയിരുന്നു മുഖ്യമന്ത്രി. എന്നിട്ട് ഇപ്പോഴെന്താണ് സംഭവിക്കുന്നത്? മുന്തൂക്കം കോണ്ഗ്രസ്സിനല്ലേ... അപ്പോള് അവിടെ സംഭവിച്ചതും ഭരണവിരുദ്ധ വികാരം തന്നെ.
മണിപ്പൂരില് ഇഞ്ചോടിഞ്ച് പോരാട്ടമാണ് നടന്നത്. ഭരണം കോണ്ഗ്രസ് നിലനിര്ത്തുമോ അതോ ബിജെപി പിടിച്ചടക്കുമോ എന്നതായിരുന്നു ചോദ്യം. പക്ഷേ ഇവിടെ അതിശക്തമായ ഒരു ഭരണ വിരുദ്ധ വികാരം കാണാനും കഴിയുന്നില്ല.
മേല് പറഞ്ഞ കണക്കുകള് നോക്കുമ്പോള് അഞ്ച് സംസ്ഥാനങ്ങളിലും ബിജെപി തരംഗം ഉണ്ട് എന്ന് തോന്നുന്നുണ്ടോ? അപ്പോള് സത്യത്തില് അത് തന്നെയാണ് സംഭവിച്ചത്, തരംഗമല്ല, ഭരണവിരുദ്ധ വികാരം തന്നെ.
-
'കറുപ്പിന്റെ ഭീകരത കണ്ടാൽ പെറ്റ തള്ള പോലും സഹിക്കില്ല'; ആ കളിയാക്കൽ..ആർഎൽവി രാമകൃഷ്ണൻ -
സ്വർണത്തിന് വീഴാനുള്ള പ്ലാനൊന്നും അല്ല..പവൻ വിലയിൽ 40,000ത്തിൻ്റെ വർധനവ് ഉണ്ടാകും..പ്രവചനം -
ദിലീപിനെ വിട്ടിറങ്ങിയത് പത്ത് പൈസയില്ലാതെ, ഇന്ന് മഞ്ജു ഒരു സിനിമയ്ക്ക് വാങ്ങുന്നത്! കയ്യിൽ വമ്പൻ ബ്രാൻഡുകളും -
‘നാല് മന്ത്രിമാർ തോൽക്കും’- 80 സീറ്റ് ഉറപ്പെന്ന് യുഡിഎഫ് ജില്ലാ കമ്മിറ്റികളുടെ റിപ്പോർട്ട് -
ഗജകേസരി യോഗം അക്ഷയ തൃതീയയിൽ; സ്വർണം വാങ്ങും, ഈ രാശിക്കാർക്ക് ബമ്പർ നേട്ടം, പണം ഒഴുകും! -
'മഞ്ചേശ്വരത്ത് ബിജെപി ജയിക്കാതിരിക്കാൻ നിലപാട് എടുത്തു, നേമത്ത് പിന്തുണ ശിവൻകുട്ടിക്ക്'; എസ്ഡിപിഐ -
വൈദ്യുതി ബില്ല് കണ്ട് ഷോക്കടിച്ചോ? സ്മാർട്ട് മീറ്ററിലെ ഈ രഹസ്യ വിദ്യയിലൂടെ ബില്ല് പകുതിയായി കുറയ്ക്കാം! -
തമിഴ്നാട്ടിൽ വിജയ്ക്കും ടിവികെയ്ക്കും ഒരു സ്വാധീനവുമില്ലെന്ന് ശരത് കുമാർ; 'പോരാട്ടം അവർ തമ്മിൽ' -
കുടുംബസ്വത്ത് അനുഭവയോഗത്തില് വരും, വസ്തു,വാഹനാദികള് സമ്പാദിക്കും, കച്ചവടക്കാര്ക്കു ലാഭം വര്ധിക്കും, നാൾഫലം -
ചരിത്രത്തിലാദ്യമായി ബീഹാറിന് ബിജെപി മുഖ്യമന്ത്രി, സാമ്രാട്ട് ചൗധരിയുടെ സത്യപ്രതിജ്ഞ ബുധനാഴ്ച -
ഏഴ് വർഷത്തിന് ശേഷം ഇറാനിൽ നിന്ന് ഇന്ത്യയിലേക്ക് എണ്ണയെത്തി; 15 കപ്പലുകൾ ഹോർമുസിൽ കുടുങ്ങി കിടക്കുന്നു -
പ്രായം തോൽക്കും, നിങ്ങൾ തിളങ്ങും; യുവത്വം തിരിച്ചുകിട്ടാൻ ഇതാ 5 വഴികൾ!
Click it and Unblock the Notifications
Sign in with Google