ഡൊമിനോസ് പിസ ഡെലിവറി ബോയ് 5വയസ്സുകാരിയെ പീഡിപ്പിച്ചു
ദില്ലി: തലസ്ഥാന നഗരമായ ദില്ലിയില് പെണ്കുട്ടിയെ പീഡിപ്പിച്ചയാളെ പോലീസ് അറസ്റ്റ് ചെയ്ചതു. ഡൊമിനോസ് പിസ ഡെലിവറി ചെയ്യാനെത്തിയ യുവാവാണ് അറസ്റ്റിലായത്. ഞായറാഴ്ച രാവിലെയായിരുന്നു സംഭവം. ബില്ഡിംഗിന്റെ മൂന്നാം നിലയില് പിസ ഡെലിലറി ചെയ്യാനാണ് ആവശ്യപ്പെട്ടിരുന്നത്. പിസ കഴിക്കാന് വേണ്ടി മറ്റ് കുടുംബാംഗങ്ങളെക്കൂടി വിളിക്കാന് വേണ്ടി താഴത്തെ നിലയിലേക്ക് പോയതായിരുന്നത്രെ അഞ്ചുവയസ്സുകാരിയായ പെണ്കുട്ടി.
പെണ്കുട്ടിയുടെ മുത്തശ്ശിയുടെ കയ്യില് പിസ നല്കിയതിന് ശേഷം തിരിച്ചുവരവേ ഡെലിവറി ബോയ് പെണ്കുട്ടിയെ കയറിപ്പിടിക്കുകയായിരുന്നു. കുട്ടി പേടിച്ചാണ് വീട്ടിലേക്ക് ഓടിക്കയറിവന്നതെന്ന് മുത്തശ്ശി പറഞ്ഞു. വീട്ടില് കയറിയതും കുട്ടി അമ്മയെ കെട്ടിപ്പിടിച്ച് കരയുകയായിരുന്നത്രെ. ഒന്നാം ക്ലാസിലാണ് ഈ കുട്ടി പഠിക്കുന്നത്.
കുടുംബാംഗങ്ങള് ഉടന്തന്നെ താഴെയെത്തി ഡെലിവറി ചെയ്യാന് വന്ന ആളെ തിരഞ്ഞെങ്കിലും കണ്ടുകിട്ടിയില്ല. പിന്നീട് ഇവര് ലജ്പത് നഗറിലുള്ള ഡൊമിനോസ് പിസ ഔട്ട്ലെറ്റില് പോയി സംഭവം അറിയിക്കുകയായിരുന്നു. എന്നാല് ഇയാള് അവിടെയും ഉണ്ടായിരുന്നില്ല. ഇയാളുടെ രാജിക്കത്ത് തങ്ങള്ക്ക് കിട്ടിയതായി ഡൊമിനോസ് പിസ അധികൃതര് പെണ്കുട്ടിയുടെ വീട്ടുകാരെ അറിയിച്ചു.
തുടര്ന്ന് പെണ്കുട്ടിയുടെ വീട്ടുകാര് പോലീസ് സ്റ്റേഷനിലെത്തി പരാതി നല്കി. വൈകാതെ അക്രമിയെ പോലീസ് അറസ്റ്റു ചെയ്തു. മജിസ്ട്രേറ്റിന്റെ സാന്നിധ്യത്തില് പെണ്കുട്ടിയുടെ മൊഴിയെടുക്കുമെന്ന് പോലീസ് അറിയിച്ചു. പെണ്കുട്ടിയെ പീഡിപ്പിച്ച ആള്ക്കെതിരെ ബലാത്സംഗക്കുറ്റത്തിന് പോലീസ് കേസെടുത്തു.