Click it and Unblock the Notifications
Just In
Don't Miss
-
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ -
കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
ഹൃദയം തകർത്ത് ഓഹരി വിപണി, ഇന്നും ഇടിവോടെ തുടക്കം, നാല് ദിവസത്തെ നഷ്ടം 9 ലക്ഷം കോടി -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
എട്ട് ജീവനക്കാര്‍ക്ക് കൊവിഡ്, ഒപ്പോ ഇന്ത്യയിലെ ഫാക്ടറി അടച്ചു; 3000 ജീവനക്കാരില്‍ പരിശോധന നടത്തും
നോയിഡ: ചൈനീസ് മൊബൈല്‍ ഫോണ്‍ നിര്‍മ്മാതാക്കളായ ഒപ്പോയുടെ ഇന്ത്യയിലെ ഫാക്ടറി അടച്ചു. എട്ട് ജീവനക്കാര്‍ക്ക് കൊറോണ സ്ഥിരീകരിച്ചതിന്റെ പശ്ചാത്തലത്തിലാണ് ഉത്തര്‍പ്രദേശിലെ ഗ്രേറ്റര്‍ നോയിഡയിലെ ഫാക്ടറി അടച്ചതെന്ന് കമ്പനി വക്താക്കള്‍ അറിയിച്ചു, ഫാക്ടറിയിലെ എല്ലാ നിര്‍മ്മാണ പ്രവര്‍ത്തനങ്ങളും താല്‍ക്കാലികമായി നിര്‍ത്തിവച്ചെന്നും കമ്പനി അറിയിച്ചു. ജീവനക്കാരുടെ സുരക്ഷ കണക്കിലെടുത്താണ് അടിയന്തരമായി നടപടി സ്വീകരിച്ചത്. ഫാക്ടറി മുഴുവന്‍ അണുനശീകരണം നടത്തിയതിന് ശേഷം മാത്രമേ പ്രവര്‍ത്തനം പുനരാരംഭിക്കുമെന്നും കമ്പനി വക്താക്കള്‍ അറിയിച്ചു.
ലോക്ക് ഡൗണിനെ തുടര്‍ന്ന് മേയ് മാസത്തിന്റെ ആദ്യ വാരത്തോടെയാണ് കമ്പനി തുറന്നു പ്രവര്‍ത്തിക്കാന്‍ സംസ്ഥാന സര്‍ക്കാര്‍ അനുമതി നല്‍കിയത്. ആഭ്യന്തരമന്ത്രാലയം പുറത്തുവിട്ട കൊറോണ മാര്‍ഗനിര്‍ദ്ദേശങ്ങള്‍ പാലിച്ചാണ് ഫാക്ടറി തുറന്നു പ്രവര്‍ത്തിച്ചത്. മുന്‍ കരുതലിന്റെ ഭാഗമായി 3000 ജീവനക്കാര്‍ക്ക് കൊവിഡ് പരിശോധന നടത്തും. ഇവരില്‍ നെഗറ്റീവായവരെ മാത്രമേ ഇനി ജോലിയില്‍ പ്രവേശിപ്പിക്കുകയുള്ളൂ. ഫാക്ടറി തുറന്നുപ്രവര്‍ത്തിക്കുന്ന അവസരത്തില്‍ എല്ലാവിധ സുരക്ഷ മാനദണ്ഡങ്ങളും പാലിക്കുമെന്നും കമ്പനി വക്താവ് അറിയിച്ചു. അതേസമയം, ഇപ്പോള്‍ കൊവിഡ് സ്ഥിരീകരിച്ചവരുടെ വിവരങ്ങളോ ഏത് ആശുപത്രിയിലാണ് ഐസലേറ്റ് ചെയ്തത് എന്നിവ സംബന്ധിച്ചൊന്നും കമ്പനി പുറത്തുവിട്ടിട്ടില്ല. എന്നാല്‍ ഇക്കാര്യങ്ങള്‍ ജില്ലാ ഭരണകൂടത്തെ അറിയിച്ചെന്നും കമ്പനി വക്താക്കള്‍ വ്യക്തമാക്കി.
മേയ് എട്ട് മുതല്‍ സ്മാര്‍ട്ട് ഫോണ്‍ നിര്‍മ്മാതാക്കളായ ഒപ്പോ, വിവോ എന്നീ കമ്പനികള്‍ 30 ശതമാനം ജീവനക്കാരുമായി പ്രവര്‍ത്തനം ആരംഭിച്ചിരുന്നു. പതിനായിരത്തോളം ജീവനക്കാരുള്ള ഒപ്പൊ കമ്പനിയില്‍ 3000 ജീവനക്കാരാണ് സമയക്രമത്തിന്റെ അടിസ്ഥാനത്തില്‍ ജോലി ചെയ്തിരുന്നത്. ഫാക്ടറി സ്ഥിതി ചെയ്യുന്ന ഗൗതം ബുദ്ധ നഗര്‍ ജില്ലയില്‍ എട്ട് പുതിയ കൊവിഡ് കേസുകളാണ് ഞായറാഴ്ച സ്ഥിരീകരിച്ചത്. ജില്ലയില്‍ ആകെ രോഗം ബാധിച്ചവരുടെ എണ്ണം 255 ആയി. ഇവരില്‍ 191 പേര്‍ രോഗം ഭേദമായി ആശുപത്രിവിട്ടു. അഞ്ച് പേരാണ് ഇവിടെ നിന്നും രോഗം ബാധിച്ച് മരണപ്പെട്ടത്. നിലവില്‍ 59 പേര്‍ ജില്ലയിലെ വിവിധ ആശുപത്രികളില്‍ ചികിത്സയില്‍ കഴിയുകയാണ്.
Recommended Video
്അതേസമയം, രാജ്യത്ത് അനുദിനം വര്‍ധിച്ചു വരുന്ന കെറോണ വൈറസ് ബാധിതരുടെ എണ്ണം ആശങ്കപ്പെടുത്തുന്നതാണ്. ഇക്കഴിഞ്ഞ 24 മണിക്കൂറിനിടെ രേഖപ്പെടുത്തിയത് രോഗബാധിതരുടെ നിരക്ക് ഇതുവരെയുള്ളതില്‍ ഏറ്റവും ഉയര്‍ന്ന തോതിലാണ്. അഞ്ചായിരത്തിലധികം പേര്‍ക്ക് ഒറ്റ ദിവസം രോഗം സ്ഥിരീകരിച്ചത്. ഇന്ത്യയില്‍ ആകെ രോഗ ബാധിതര്‍ ഒരു ലക്ഷത്തിനടുത്തെത്തിയിരിക്കുകയാണ്. കൊറോണ പ്രതിരോധ നടപടികളുടെ ഭാഗമായി ദേശിയതലത്തില്‍ പ്രഖ്യാപിച്ച ലോക്ക്ഡൗണ്‍ നിയന്ത്രണം നാലാംഘട്ടത്തിലും തുടരുമ്പോഴും കൊറോണ രോഗ നിരക്ക് വര്‍ധിക്കുന്നുവെന്നാണ് കൂടുതല്‍ ഭയപ്പെടുത്തുന്നത്.
