• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഇതാവര്‍ത്തിക്കില്ലെന്ന് ഉറപ്പുവരുത്തണം: രാജ്യസഭാംഗങ്ങളുടെ അഭാവത്തില്‍ താക്കീതുമായി അമിത് ഷാ

ദില്ലി: രാജ്യസഭയില്‍ ഹാജരാകാതെ മുങ്ങിനടന്ന ബിഎംപി എംപിമാര്‍ക്ക് താക്കീതുമായി പാര്‍ട്ടി ദേശീയാധ്യക്ഷന്‍ അമിത് ഷാ. സര്‍ക്കാരിനെ പ്രതിരോധത്തിലാക്കിക്കൊണ്ട് പ്രതിപക്ഷത്തിന്‍റെ പ്രതിഷേധത്തിലാക്കിയ സാഹചര്യത്തില്‍ ഹാജരാകാതിരുന്ന എംപിമാരോട് ഈ പ്രവണത ആവര്‍ത്തിക്കില്ലെന്ന് ഉറപ്പുവരുത്താനും അമിത് ഷാ ആവശ്യപ്പെട്ടിട്ടുണ്ട്. മന്ത്രിമാര്‍, എംപിമാര്‍ എന്നിവരുള്‍പ്പെടെ മുപ്പതോളം എംപിമാരാണ് തിങ്കളാഴ്ച സഭയില്‍ ഹാജരാവാതെ വിട്ടുനിന്നത്. അമിത് ഷായ്ക്ക് പുറമേ പ്രധാനമന്ത്രി നരേന്ദ്രമോദിയും എംപിമാരുടെ നടപടിയില്‍ എതിര്‍പ്പ് പ്രകടിപ്പിച്ച് രംഗത്തെത്തിയിരുന്നു.

പിന്നാക്ക വിഭാഗ കമ്മീഷനുമായി ബന്ധപ്പെട്ട ഭരണഘടനാ ഭേദഗതി പരിഗണിച്ച തിങ്കളാഴ്ച ബിജെപി എംപിമാര്‍ വിട്ടുനിന്നതോടെ കോണ്‍ഗ്രസ് കൊണ്ടുവന്ന ഭേദഗതികളോടെ പാസായിരുന്നു. ദേശീയ പിന്നാക്ക വിഭാഗ കമ്മീഷന് ഭരണഘടനാ പദവി നല്‍കുന്നത് സംബന്ധിച്ചുള്ളതായിരുന്നു രാജ്യസഭയില്‍ പാസാക്കിയ ബില്‍. ബില്‍ പരിഗണിച്ചതോടെ പ്രതിപക്ഷം ഭേദഗതികള്‍ ഉന്നയിച്ച് രംഗത്തെത്തിയതോടെ വോട്ടെടുപ്പ് നടത്തുകയും ഭരണപക്ഷത്തേക്കാള്‍ അംഗങ്ങള്‍ പ്രതിപക്ഷത്തുണ്ടായിരുന്നതിനാല്‍ ബില്‍ പാസാവുകയായിരുന്നു. ഇതാണ് അമിത് ഷായെ പ്രകോപിപ്പിച്ചത്.

പിന്നാക്ക വിഭാഗങ്ങള്‍ക്ക് നേരെയുണ്ടാകുന്ന അതിക്രമങ്ങളെക്കുറിച്ച് അന്വേഷിക്കുന്നതിനും നടപടി സ്വീകരിക്കുന്നതിനും ദേശീയ പിന്നാക്ക വിഭാഗ കമ്മീഷന് കോടതിയ്ക്ക് തുല്യമായ പദവി നല്‍കാനാണ് ബില്ലില്‍ ആവശ്യപ്പെടുന്നത്. വോട്ടെടുപ്പില്‍ പ്രതിപക്ഷം 74 വോട്ടുകള്‍ നേടിയപ്പോള്‍ എന്‍ഡിഎയ്ക്ക് 52 വോട്ടുകള്‍ മാത്രമാണ് നേടാന്‍ കഴിഞ്ഞത്. പാസായ ബില്‍ വീണ്ടും ലോക്സഭയുടെ പരിഗണനയ്ക്കായി അയയ്ക്കും.

English summary
Bhartiya Janata Party chief Amit Shah on Tuesday took a serious view of absence of party MPs from Rajya Sabha, after the government was left red-faced as it failed to pass key bill granting constitutional status to the OBC Commission.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more