യൂറോപ്യൻ കൗൺസിൽ യോഗം: പ്രത്യേക ക്ഷണിതാവായി പ്രധാനമന്ത്രി നരേന്ദ്ര മോദി പങ്കെടുക്കും

ദില്ലി: മെയ് 08 ന് നടക്കുന്ന യൂറോപ്യൻ കൗൺസിൽ യോഗത്തിൽ പ്രത്യേക ക്ഷണിതാവായി പ്രധാനമന്ത്രി നരേന്ദ്ര മോദി പങ്കെടുക്കും. യൂറോപ്യൻ കൗൺസിൽ പ്രസിഡന്റ് ശ്രീ ചാൾസ് മിഷേലിന്റെ ക്ഷണപ്രകാരമാണ് മോദി യോഗത്തില്‍ പങ്കെടുക്കുന്നത്. ഇന്ത്യ-യൂറോപ്യൻ യൂണിയൻ നേതാക്കളുടെ യോഗത്തിന് ആതിഥേയത്വം വഹിക്കുന്നത് പോർച്ചുഗൽ പ്രധാനമന്ത്രി അന്റോണിയോ കോസ്റ്റയാണ്. നിലവിൽ പോർച്ചുഗലാണ് യൂറോപ്യൻ യൂണിയന്റെ കൗൺസിലിന്റെ അധ്യക്ഷപദത്തിലുള്ളത്.

യൂറോപ്യൻ യൂണിയനിലെ എല്ലാ 27 അംഗരാജ്യങ്ങളുടെയും രാഷ്ട്രത്തലവന്മാരുമൊത്തായിരിക്കും പ്രധാനമന്ത്രി യോഗത്തിൽ പങ്കെടുക്കുക . ഇ യു + 27 ഈ രൂപത്തിൽ മുമ്പ് ഒരു തവണ മാത്രമേ ഈ വർഷം മാർച്ചിൽ, യുഎസ് പ്രസിഡന്റുമായി യോഗം ചേർന്നിട്ടുള്ളൂ .കോവിഡ് -19 മഹാമാരി യുമായി ബന്ധപ്പെട്ട ആരോഗ്യ പരിചരണ സഹകരണത്തെക്കുറിച്ച് നേതാക്കൾ അഭിപ്രായങ്ങൾ കൈമാറും; സുസ്ഥിരവും സമഗ്രവുമായ വളർച്ച പരിപോഷിപ്പിക്കുക ; ഇന്ത്യ-യൂറോപ്യൻ യൂണിയൻ സാമ്പത്തിക പങ്കാളിത്തം ശക്തിപ്പെടുത്തൽ , ഉഭയകക്ഷി താല്പര്യമുള്ള പ്രാദേശിക , ആഗോള പ്രശ്‌നങ്ങൾ തുടങ്ങിയവ സംബന്ധിച്ചും നേതാക്കൾ ആശയങ്ങൾ കൈമാറും.

യൂറോപ്യൻ യൂണിയൻ അംഗരാജ്യങ്ങളിലെ എല്ലാ നേതാക്കളുമായി ചർച്ച ചെയ്യാനുള്ള അഭൂതപൂർവമായ അവസരമാണിത് . 2020 ജൂലൈയിൽ നടന്ന 15-ാമത് ഇന്ത്യ-യൂറോപ്യൻ യൂണിയൻ ഉച്ചകോടിക്ക് ശേഷം ഉഭയ കക്ഷി ബന്ധത്തിൽ ഗതിവേഗം സൃഷ്ടിക്കുന്ന ഒരു സുപ്രധാന രാഷ്ട്രീയ നാഴികകല്ല് കൂടിയാണിത്.

English summary

European Council meeting: Prime Minister Narendra Modi will attend as a special guest