Click it and Unblock the Notifications
Just In
-
-
-
Don't Miss
-
ബിഗ് ബോസ് മെറ്റീരിയലാവാന് മുഴുവന് സമയവും വായിട്ടടിക്കണം എന്നില്ല! സായി മൈന്ഡ് ഗെയിമറെന്ന് പ്രേക്ഷകര് -
തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി
കേന്ദ്രഫണ്ട് വിഷയം: ബിജെപിക്കെതിരെ ആഞ്ഞടിച്ച് സിദ്ധരാമയ്യ, ബിജെപി നേതാക്കള്‍ ഉറങ്ങുകയായിരുന്നോ?
ബെംഗളൂരു: ബിജെപി ദേശീയാധ്യക്ഷന്‍ അമിത് ഷായ്ക്ക് മറുപടിയുമായി കര്‍ണാടക മുഖ്യമന്ത്രി. കര്‍ണാടകത്തിന് നല്‍കിയിട്ടുള്ള കേന്ദ്രഫണ്ട് സംബന്ധിച്ച് കണക്കുകള്‍ സമര്‍പ്പിക്കണമെന്ന നിര്‍ദേശത്തിന് പിന്നാലെയാണ് കര്‍ണാടക മുഖ്യമന്ത്രി മറുപടിയുമായി രംഗത്തെത്തുന്നത്. കേന്ദ്രഫണ്ടില്‍ അനുവദിച്ച ഓരോ രൂപയും കര്‍ണാടകത്തിന്റെ വികസനത്തിന് വേണ്ടി ഉപയോഗിച്ചുവെന്നും സിദ്ധരാമയ്യ മറുപടിയില്‍ ചൂണ്ടിക്കാണിക്കുന്നു. കേന്ദ്രസഹായം വിനിയോഗിച്ചതിന്റെ കണക്കുകള്‍ നിയമസഭയില്‍ പ്രതിപക്ഷ നേതാവ് ജഗദീഷ് ഷെട്ടാറിന് മുമ്പാകെ സമര്‍പ്പിച്ചിട്ടുണ്ടെന്നും അദ്ദേഹത്തിന് അതേക്കുറിച്ച് അറിയാമെന്നും സിദ്ധരാമയ്യ വ്യക്തമാക്കുന്നു. ഞായറാഴ്ചയാണ് അമിത് ഷായുടെ പ്രസ്താവനക്കുള്ള മറുപടിയുമായി സിദ്ധരാമയ്യ രംഗത്തെത്തുന്നത്.
കഴിഞ്ഞ അ‍ഞ്ച് വര്‍ഷത്തിനിടെ കേന്ദ്രസര്‍ക്കാര്‍ കര്‍ണാടകത്തിന് നല്‍കുന്ന കേന്ദ്രഫണ്ട് 88,583 കോടിയില്‍ നിന്ന് 2,19,506 കോടിയായി ഉയര്‍ത്തിയെന്നും വിവിധ കേന്ദ്രപദ്ധതികള്‍ അനുവദിച്ചുവെന്നും ബിജെപി തലവന്‍ അമിത് ഷാ വ്യക്തമാക്കിയിരുന്നു. സര്‍ക്കാര്‍ ചെലവഴിച്ച കേന്ദ്രഫണ്ടുകളുടെ വിശദമായ കണക്കുകള്‍ മുഖ്യമന്ത്രിയോട് അമിത് ഷാ ആവശ്യപ്പെടുകയായിരുന്നു. ട്വീറ്റിലാണ് സിദ്ധരാമയ്യ മറുപടി നല്‍കിയത്.
ആ പണം എവിടെപ്പോയി? സംസ്ഥാനത്തെ ജലസേചനത്തിനും സ്കൂളൂകള്‍, ആശുപത്രികള്‍, റോഡ്- ഹൈവേ, റെയില്‍വേ ലൈനുകള്‍, കാര്‍ഷിക വിള ഇന്‍ഷ്വറന്‍സ്, കാര്‍ഷിക വായ്പ, ലോണ്‍ എഴുതിത്തള്ളല്‍ എന്നിങ്ങനെ ചെലവഴിച്ചുവെന്നും സിദ്ധരാമയ്യ ട്വീറ്റില്‍ കുറിച്ചു. ചെലവഴിച്ച ഓരോ രൂപയുടേയും കണക്കുകള്‍ നിയമസഭയില്‍ സമര്‍പ്പിച്ചിട്ടുണ്ടെന്നും സിദ്ധരാമയ്യ ചൂണ്ടിക്കാണിക്കുന്നു. പ്രതിപക്ഷ നേതാവ് ജഗദീഷ് ഷെട്ടാറിന് ഇതേക്കുറിച്ച് അറിയാമെന്നും മുഖ്യമന്ത്രി കൂട്ടിച്ചേര്‍ക്കുന്നു. എന്നാല്‍ ഈ ഫണ്ടുകള്‍ ഒന്നും പ്രത്യേക കര്‍ണാടകയ്ക്കുള്ള സ്പെഷ്യല്‍ ഫണ്ടുകള്‍ ആയിരുന്നില്ലെന്നും ഇതെല്ലാം സംസ്ഥാന ബജറ്റില്‍ അനുവദിച്ച തുകയായിരുന്നുവെന്നും സിദ്ധരാമയ്യ വ്യക്തമാക്കി.
15ഓളം നിയമസഭാ സമ്മേളനങ്ങള്‍ നടക്കുമ്പോള്‍ ബിജെപി ഉറങ്ങുകയായിരുന്നോ? ഫണ്ടുകള്‍ ചെലവഴിച്ചതിന്റെ ഓരോ കണക്കുകളും നിയമസഭയില്‍ സമര്‍പ്പിച്ചിട്ടുണ്ടെന്നും ഇത് ചര്‍ച്ച ചെയ്യപ്പെടുകയും അംഗീകരിക്കുകയും ചെയ്തിട്ടുണ്ടെന്നും അദ്ദേഹം കൂട്ടിച്ചേര്‍ക്കുന്നു. അതിനാല്‍ ജനങ്ങളെ വിഡ്ഢികളാക്കുന്ന നീക്കങ്ങള്‍ അവസാനിപ്പിക്കാനും അദ്ദേഹം ആവശ്യപ്പെടുന്നു. കള്ളങ്ങള്‍ ആവര്‍ത്തിച്ചാല്‍ ശരികളാവില്ലെന്നും സിദ്ധരാമയ്യ ചൂണ്ടിക്കാണിക്കുന്നു.
