മനക്കട്ടിയില്ലാത്തവര്‍ ഈ വീഡിയോ കാണരുത്... ലോകത്തിലെ ഏറ്റവും ക്രൂരയായ അമ്മ

Updated: Tuesday, June 7, 2016, 16:10 [IST]

ഗ്വാട്ടിമാല: അമ്മ എന്നാല്‍ ലോകത്തിലെ ഏറ്റവും നന്മയുള്ള, സ്‌നേഹമുള്ള ആളാണ്. എന്നാല്‍ ചില വാര്‍ത്തകള്‍ കേട്ടാള്‍ നാം ഞെട്ടിത്തരിയ്ക്കാറുണ്ട്. അത്തരത്തിലുള്ള ഒരു വാര്‍ത്ത, അല്ല ദൃശ്യമാണ് ഇപ്പോള്‍ സോഷ്യല്‍ മീഡിയയില്‍ പ്രചരിയ്ക്കുന്നത്.

കുട്ടിയെ നിലത്തിട്ട് ചവിട്ടുന്ന ഒരു അമ്മ, കാലില്‍ കെട്ടിപ്പിടിയ്ക്കുന്ന കുട്ടിയെ വലിച്ചിഴയ്ക്കുന്ന ഒരു അമ്മ... തൊണ്ടപൊട്ടുമാറ് ചീത്ത വിളിയ്ക്കുന്ന ഒരു അമ്മ...

വീഡിയോയില്‍ കാണുന്ന സ്ത്രീ കുഞ്ഞിന്റെ അമ്മ തന്നെയാണ് എന്നാണ് കരുതുന്നത്. ഇവരെ ഇതുവരെ കണ്ടെത്താന്‍ കഴിഞ്ഞിട്ടില്ല.

ഗ്വാട്ടിമാല

ഗ്വാട്ടിമാലയിലെ എസ്‌ക്യുന്റല നഗരത്തില്‍ വച്ചാണ് ഈ ദൃശ്യങ്ങള്‍ ചിത്രീകരിച്ചിരിക്കുന്നത് എന്നാണ് കരുതുന്നത്.

ഈവിള്‍ മദര്‍

ഈവിള്‍ മദര്‍ എന്ന പേരിലാണ് ഇപ്പോള്‍ ഈ വീഡിയോ സോഷ്യല്‍ മീഡിയകളില്‍ പ്രചരിയ്ക്കുന്നത്. ലക്ഷക്കണക്കിന് ആളുകള്‍ ഇതിനകം തന്നെ വീഡിയോ കണ്ടുകഴിഞ്ഞു.

കണ്ടെത്താന്‍

ഈ ക്രൂരകൃത്യം ചെയ്ത സ്ത്രീയേയും പീഡനത്തിന് ഇരയായ കുഞ്ഞിനേയും കണ്ടെത്തുന്നതിന് വേണ്ടി ഗ്വാട്ടിമാലയിലെ ഹ്യൂമന്‍ റൈറ്റ്‌സ് സ്റ്റേറ്റ് അറ്റോണി ജനറലിന്റെ ഓഫീസ് ആണ് വീഡിയോ പുറത്ത് വിട്ടത്.