കേരളം ഉള്പ്പെടെ നാല് സംസ്ഥാനങ്ങളിലെയും പുതുച്ചേരിയിലെയും എക്സിറ്റ് പോള് ഫലം അറിയാം. കേരളത്തില് യുഡിഎഫിന് മേല്കൈ എന്നാണ് മിക്ക സര്വെകളും പറയുന്നത്. തമിഴ്നാട്ടില് ഡിഎംകെ സഖ്യവും അസമില് ബിജെപി സഖ്യവും ജയിക്കുമെന്നാണ് പ്രവചനങ്ങള്. അതേസമയം, ബംഗാളില് തൃണമൂല് തുടരുമെന്നും ബിജെപി ഭരണം പിടിക്കുമെന്നുമുള്ള രണ്ട് തരം പ്രവചനങ്ങളുണ്ട്. പുതുച്ചേരിയില് എന്ഡിഎ അധികാരത്തില് തുടരുമെന്നാണ് ഫലങ്ങള്.
എക്സിറ്റ് പോള് ഫലം തെറ്റാനുള്ള സാധ്യതയുമുണ്ട്. എങ്കിലും പൊതുവേയുള്ള ട്രെന്ഡ് അറിയാം. ഏറ്റവും പുതിയ വിവരങ്ങള് അറിയാം...
അമ്പലപ്പുഴയില് എല്ഡിഎഫ് സ്ഥാനാര്ഥി എച്ച് സലാം ജയിക്കുമെന്ന് മനോരമ എക്സിറ്റ് പോള്. ജി സുധാകരന് പിന്നില്. ആലപ്പുഴ ജില്ലയില് യുഡിഎഫിന് 5-7 സീറ്റുകള് കിട്ടിയേക്കും. എല്ഡിഎഫിന് 2-4 സീറ്റ് വരെ കിട്ടിയേക്കും.
Apr 29, 2026, 9:08 pm IST
പൂഞ്ഞാര് മണ്ഡലത്തില് യുഡിഎഫിന്റെ എംജെ സെബാസ്റ്റ്യന് ജയിക്കുമെന്ന് മനോരമ എക്സിറ്റ് പോള്. പിസി ജോര്ജ് ജയിക്കില്ല. ഇത് ശരിയാണെങ്കില് ഷോണ് ജോര്ജും പിസി ജോര്ജും ഈ തിരഞ്ഞെടുപ്പില് തോല്ക്കുമെന്ന കാര്യവും എടുത്തു പറയണം. കോട്ടയം ജില്ലയില് യുഡിഎഫിന് 7-9 സീറ്റ് കിട്ടിയേക്കും. എല്ഡിഎഫിന് 0-2 സീറ്റുകള് കിട്ടിയേക്കും.
Apr 29, 2026, 9:00 pm IST
പാലായില് നേരിയ മുന്തൂക്കം യുഡിഎഫ് സ്ഥാനാര്ഥി മാണി സി കാപ്പനാണ് എന്ന് മനോരമ ന്യൂസ് എക്സിറ്റ് പോള്. ജോസ് കെ മാണി തൊട്ടുപിന്നിലുണ്ട്. ഷോണ് ജോര്ജ് തോല്ക്കും.
Apr 29, 2026, 8:51 pm IST
ഇടുക്കി മണ്ഡലത്തില് റോഷി അഗസ്റ്റില് തോല്ക്കുമെന്ന് മനോരമ-സി വോട്ടര് എക്സിറ്റ് പോള്. യുഡിഎഫ് സ്ഥാനാര്ഥി റോയ് കെ പൗലോസ് ജയിക്കുമെന്നാണ് ഫലം. ആറാമൂഴത്തില് റോഷി വീഴുമെന്നാണ് പറയുന്നത്.
Apr 29, 2026, 8:44 pm IST
പി രാജീവും വിഇ അബ്ദുല് ഗഫൂറും ഏറ്റുമുട്ടിയ കളമശേരിയില് ബലാബലം ആണെന്ന് മനോരമ ന്യൂസ് എക്സിറ്റ് പോള്. ഇവിടെ പ്രവചനത്തിന് അതീതമാണ് കാര്യങ്ങള്. തൃപ്പൂണിത്തുറയില് യുഡിഎഫിനാണ് മേല്ക്കൈ പ്രവചിക്കുന്നത്. ദീപക് ജോയ്ക്ക് മുന്തൂക്കം എന്ന് ഫലം. കുന്നത്തുനാട് മണ്ഡലത്തില് യുഡിഎഫിന്റെ വിപി സജീന്ദ്രന് ജയിക്കുമെന്നാണ് പ്രവചനം. എറണാകുളം ജില്ലയില് എല്ഡിഎഫിന് 0-2 സീറ്റ് മാത്രമേ കിട്ടുകയുള്ളൂ. യുഡിഎഫിന് 12-14 സീറ്റ് കിട്ടിയേക്കാമെന്നും സര്വ്വെ പറയുന്നു.
Apr 29, 2026, 8:36 pm IST
തമിഴ്നാട്ടില് നിന്ന് വേറിട്ട വാര്ത്ത. വിജയ് മുഖ്യമന്ത്രി സ്ഥാനത്തേക്കോ?
Apr 29, 2026, 8:23 pm IST
പശ്ചിമ ബംഗാളിലെ എക്സിറ്റ് പോള് ഫലങ്ങള് ഒറ്റനോട്ടത്തില്
Apr 29, 2026, 8:21 pm IST
തൃശൂര് മണ്ഡലത്തില് പത്മജ വേണുഗോപാല് ജയിക്കില്ലെന്ന് മനോരമ എക്സിറ്റ് പോള്. മണ്ഡലം യുഡിഎഫിനൊപ്പം നില്ക്കുമെന്ന് പ്രവചനം. നാട്ടിക മണ്ഡലത്തില് എല്ഡിഎഫിന്റെ ഗീത ഗോപി ജയിക്കുമെന്നും ഫലം. തൃശൂരിലെ 13 ല് 9-11 സീറ്റ് എല്ഡിഎഫിന് കിട്ടുമെന്നും യുഡിഎഫിന് 2-4 സീറ്റുകള് വരെ കിട്ടിയേക്കുമെന്നും പ്രവചിക്കുന്നു.
Apr 29, 2026, 8:20 pm IST
എക്സിറ്റ് പോള് അവസാന വാക്കല്ല എന്ന് സിപിഐ സംസ്ഥാന സെക്രട്ടറി ബിനോയ് വിശ്വം. മുഖവിലക്കെടുക്കേണ്ടത് ജനങ്ങളെ ആണെന്നും അദ്ദേഹത്തിന്റെ പ്രതികരണം.
Apr 29, 2026, 8:13 pm IST
തമിഴ്നാട്ടില് വിജയ് ഭരിക്കും? വേറിട്ട പ്രവചനവുമായി ആക്സിസ് മൈ ഇന്ത്യ എക്സിറ്റ് പോള് ഫലം.
Apr 29, 2026, 8:07 pm IST
പാലക്കാട് ജില്ലയില് എല്ഡിഎഫിന് മേല്ക്കൈ എന്ന് മനോരമ ന്യൂസ് എക്സിറ്റ് പോള്. 7-9 സീറ്റുകള് എല്ഡിഎഫിന് കിട്ടും. 3-5 യുഡിഎഫിന് കിട്ടും. ബിജെപിക്ക് സീറ്റില്ല.
Apr 29, 2026, 8:07 pm IST
ബംഗാളില് തൃണമൂല് കോണ്ഗ്രസിന് മുന്തൂക്കം പ്രവചിച്ച് രണ്ട് എക്സിറ്റ് പോള് ഫലങ്ങള്. പീപ്പിള്സ് പള്സ് എക്സിറ്റ് പോള് പറയുന്നത് 177-187 സീറ്റുകള് തൃണമൂലിന് കിട്ടുമെന്നാണ്. ജെവിസി പറയുന്നത് 131-152 സീറ്റുകള് കിട്ടുമെന്ന്.
Apr 29, 2026, 8:03 pm IST
പാലക്കാട് മണ്ഡലത്തില് യുഡിഎഫ് സ്ഥാനാര്ഥി രമേഷ് പിഷാരടി ജയിക്കുമെന്നാണ് മനോരമ എക്സിറ്റ് പോള് ഫലം പറയുന്നത്. ബിജെപിയുടെ ശോഭ സുരേന്ദ്രന് പരാജയപ്പെടും.
Apr 29, 2026, 8:02 pm IST
മേജര് രവി ബിജെപിക്ക് വേണ്ടി മല്സരിച്ച ഒറ്റപ്പാലം മണ്ഡലത്തില് സിറ്റിങ് എംഎല്എ കെ പ്രേംകുമാറിലൂടെ എല്ഡിഎഫ് നിലനിര്ത്തുമെന്ന് മനോരമ ന്യൂസ് എക്സിറ്റ് പോള്. നേരിയ മുന്തൂക്കമാണ് എല്ഡിഎഫിന് പറയുന്നത്.
Apr 29, 2026, 7:58 pm IST
തൃത്താലയില് ജയസാധ്യത വിടി ബല്റാമിന് എന്ന് മനോരമ ന്യൂസ് സര്വ്വെ. യുഡിഎഫ് മണ്ഡലം തിരിച്ചുപിടിച്ചേക്കും.
Apr 29, 2026, 7:55 pm IST
മലബാറില് യുഡിഎഫിന് മുന്നേറ്റം എന്ന് മനോരമ ന്യൂസ്-സി വോട്ടര് എക്സിറ്റ് പോള്. അഞ്ച് ജില്ലകളില് യുഡിഎഫിന് 33-37 സീറ്റുകള്. എല്ഡിഎഫിന് 11-15 സീറ്റുകള് വരെ. ബേപ്പൂരില് എല്ഡിഎഫിന് മുന്തൂക്കം എന്നും ഫലം.
Apr 29, 2026, 7:53 pm IST
മലപ്പുറത്തും കോഴിക്കോടും യുഡിഎഫ് ആധിപത്യം എന്ന് മനോരമ ന്യൂസ്-സി വോട്ടര് എക്സിറ്റ് പോള്.
Apr 29, 2026, 7:49 pm IST
തമിഴ്നാട്ടിലെ എക്സിറ്റ് പോള് ഫലങ്ങള് ഒറ്റനോട്ടത്തില് അറിയാം
Apr 29, 2026, 7:48 pm IST
തമിഴ്നാട്ടില് വിജയ് തരംഗം എന്ന് ആക്സിസ് മൈ ഇന്ത്യ
ഡിഎംകെ- 92-110
എഐഎഡിഎംകെ- 22-32
ടിവികെ-98-120
Apr 29, 2026, 7:45 pm IST
കേരളത്തില് പിണറായി വിജയന് മൂന്നാമൂഴം ലഭിക്കില്ലെന്ന് എക്സിറ്റ് പോള് ഫലങ്ങള്.
Apr 29, 2026, 7:44 pm IST
ബംഗാളില് മൂന്ന് എക്സിറ്റ് പോളുകള് ബിജെപി അധികാരത്തിലെത്തുമെന്ന് പറയുന്നു. പീപ്പിള്സ് പള്സ്, മാട്രിസ്, പി മാര്ക്യു സര്വ്വെകളാണ് ബിജെപി ഭരണം പിടിക്കുമെന്ന് പ്രവചിച്ചത്. ഏകദേശം 142-175 സീറ്റുകള് ലഭിക്കുമെന്നാണ് ഫലങ്ങള് വ്യക്തമാക്കുന്നത്.
കേരളത്തില് ഭരണം മാറുമെന്ന് മിക്ക എക്സിറ്റ് പോള് ഫലങ്ങളും പ്രവചിക്കുന്നു. യുഡിഎഫിന് പ്രതീക്ഷ വര്ധിപ്പിക്കുന്നതാണിത്. എന്നാല് വമ്പന് ഭൂരിപക്ഷം പ്രവചിക്കുന്നുമില്ല.
Apr 29, 2026, 7:31 pm IST
കേരളത്തില് ബിജെപിക്ക് 14 സീറ്റ് വരെ കിട്ടുമെന്ന് പീപ്പിള്സ് ഇന്സൈറ്റ് എക്സിറ്റ് പോള് ഫലം. ഈ ഏജന്സി മാത്രമാണ് ബിജെപിക്ക് ഇത്രയും സീറ്റ് പ്രവചിച്ചിട്ടുള്ളത്.
Apr 29, 2026, 7:27 pm IST
യുഡിഎഫിന് പ്രതീക്ഷ വര്ധിപ്പിച്ച് എക്സിറ്റ് പോള് ഫലങ്ങള്. എല്ഡിഎഫിന് കേവല ഭൂരിപക്ഷം കിട്ടില്ല.
Apr 29, 2026, 7:26 pm IST
കേരളത്തിലെ വിവിധ എക്സിറ്റ് പോള് ഫലങ്ങള് ഒറ്റനോട്ടത്തില്
Apr 29, 2026, 7:24 pm IST
വയനാട്ടില് യുഡിഎഫിന് 2-3 സീറ്റുകള് കിട്ടുമെന്ന് മനോരമ ന്യൂസ്. എല്ഡിഎഫിന് 0-1.
Apr 29, 2026, 7:23 pm IST
മഞ്ചേശ്വരം മണ്ഡലത്തില് ശക്തമായ മല്സരം എന്ന് മനോരമ ന്യൂസ് സര്വ്വെ. യുഡിഎഫ് ജയിക്കും. കാസര്കോട് ജില്ലയില് യുഡിഎഫ് 2-4, എല്ഡിഎഫ് 1-3.
READ MORE
4:49 PM, 29 Apr
പശ്ചിമ ബംഗാളിലെ രരണ്ടാംഘട്ട വോട്ടെടുപ്പ് സമയം ആറ് മണിക്ക് അവസാനിക്കും. എങ്കിലും പോളിങ് പൂര്ത്തിയാകാന് വീണ്ടും സമയമെടുത്തേക്കും. അതുകൊണ്ടുതന്നെ ആറരയ്ക്ക് ശേഷമാകും എക്സിറ്റ് പോള് ഫലങ്ങള് വിവിധ ഏജന്സികള് പരസ്യമാക്കുക.
4:49 PM, 29 Apr
പശ്ചിമ ബംഗാള്
ബംഗാളില് അധികാരം നിലനിര്ത്താനുള്ള ശ്രമത്തിലാണ് തൃണമൂല് കോണ്ഗ്രസ്. ഇത്തവണ എന്തുവന്നാലും അധികാരം പിടിക്കുമെന്ന് ബിജെപി പറയുന്നു. സിപിഎം, കോണ്ഗ്രസ് എന്നിവര് ഭേദപ്പെട്ട പ്രകടനം കാഴ്ചവയ്ക്കണം എന്ന ലക്ഷ്യത്തോടെയാണ് ഇറങ്ങിയിട്ടുള്ളത്.
4:57 PM, 29 Apr
അസം രാഷ്ട്രീയ ചിത്രം
അസമില് തുടര്ഭരണം ഉറപ്പിച്ചാണ് ബിജെപിയുടെ നീക്കം. ഹിമന്ത ബിശ്വ ശര്മയുടെ നേതൃത്വത്തില് വീണ്ടും സര്ക്കാര് രൂപീകരിക്കാമെന്ന് ബിജെപി കരുതുന്നു. എന്നാല് ഇത്തവണ ഭരണം തിരിച്ചുപിടിക്കാനാകുമെന്ന വിശ്വാസത്തിലാണ് കോണ്ഗ്രസ്. അസം ഗണ പരിഷത്ത്, എഐയുഡിഎഫ് എന്നിവരുടെ പ്രകടനവും ഭരണത്തെ സ്വാധീനിക്കും.
5:14 PM, 29 Apr
തമിഴ്നാട്ടിലെ കാര്യങ്ങള്
തമിഴ്നാട്ടില് ഇത്തവണ ചതുഷ്കോണ മല്സരമാണ്. ഡിഎംകെ സഖ്യം, അണ്ണാഡിഎംകെ സഖ്യം, ടിവികെ, എന്ടികെ എന്നിവരാണ് പോര്ക്കളത്തില്. വിജയുടെ ടിവികെയുടെ പ്രകടനം ഇത്തവണ നിര്ണായകമാണ്. പ്രധാന കക്ഷികളുടെ വോട്ട് ടിവികെ ചോര്ത്തുമെന്ന് ഉറപ്പാണ്.
5:15 PM, 29 Apr
കേരളം പ്രതീക്ഷയോടെ
പത്ത് വര്ഷമായി ഭരിക്കുന്ന എല്ഡിഎഫ് സര്ക്കാരിനെതിരായ വികാരമുണ്ട് എന്ന് യുഡിഎഫ് പറയുന്നു. എന്നാല് ഭരണവിരുദ്ധ വികാരമില്ല എന്ന നിലപാടാണ് ഇടതുപക്ഷത്തിന്. ഭരണം നിലനിര്ത്താന് സാധിക്കുമെന്ന് അവര് പ്രതീക്ഷിക്കുന്നു. വമ്പിച്ച ജയമാണ് യുഡിഎഫ് പ്രതീക്ഷിക്കുന്നത്. ബിജെപിക്ക് ഇത്തവണ സീറ്റ് കിട്ടുമോ എന്നതും നിര്ണായകമാണ്.
5:24 PM, 29 Apr
നിയമസഭാ സീറ്റുകളുടെ എണ്ണം
കേരളം-140
തമിഴ്നാട്- 234
പശ്ചിമ ബംഗാള്- 294
അസം- 126
പുതുച്ചേരി-30
പകുതിയില് അധികം സീറ്റുകള് നേടുന്ന പാര്ട്ടിക്കോ മുന്നണിക്കോ ഭരിക്കാന് സാധിക്കും.
5:29 PM, 29 Apr
എക്സിറ്റ് പോളും ഒപീനിയന് പോളും
വോട്ടെടുപ്പിന് ശേഷം വോട്ടര്മാരില് നിന്നുള്ള പ്രതികരണം അടിസ്ഥാനമാക്കിയാണ് എക്സിറ്റ് പോള് ഫലം പ്രഖ്യാപിക്കുക. വോട്ടെടുപ്പിന് ശേഷമാണ് ഇത് പ്രസിദ്ധീകരിക്കുക. എന്നാല് ഒപീനിയന് പോള് അഥവാ അഭിപ്രായ സര്വ്വെ എന്നത് പ്രചാരണ കാലത്തും മറ്റും ജനാഭിപ്രായം തേടിയ ശേഷം വിവിധ ഏജന്സികള് പ്രസിദ്ധീകരിക്കുന്ന ഫലങ്ങളാണ്. ഇവ രണ്ടും യഥാര്ഥ ഫലവുമായി ഒത്തുപോകണം എന്നില്ല. പ്രവചനങ്ങള് ശരിയാകാനും സാധ്യതയുണ്ട്.
5:41 PM, 29 Apr
എന്തുകൊണ്ട് എക്സിറ്റ് പോള് 6.30വരെ തടയുന്നു?
ജനപ്രാതിനിധ്യ നിയമത്തിലെ 126എ വകുപ്പ് പ്രകാരം വോട്ടെടുപ്പ് പൂര്ത്തിയാകുന്നത് വരെ എക്സിറ്റ് പോള് പ്രസിദ്ധീകരിക്കാന് പാടില്ല. വോട്ടര്മാരെ സ്വാധീനിക്കുന്ന ഒരു കാര്യവും സംഭവിക്കരുത് എന്നതാണ് ഉദ്ദേശം.
5:53 PM, 29 Apr
അസം എക്സിറ്റ് പോള് 2021
അസമില് കഴിഞ്ഞ തിരഞ്ഞെടുപ്പ് മൂന്ന് ഘട്ടമായിട്ടായിരുന്നു. 82 ശതമാനം പോളിങ്. മിക്ക ഏജന്സികളും പ്രവചിച്ചത് ബിജെപി സഖ്യം അധികാരം പിടിക്കുമെന്നാണ്. യഥാര്ഥ ഫലം വന്നപ്പോള് 126ല് 75 സീറ്റ് നേടി ഇവര് അധികാരത്തിലെത്തി. ബിജെപി 60 സീറ്റ് പിടിച്ചു. കോണ്ഗ്രസ് സഖ്യം 50 സീറ്റ് നേടി.
5:57 PM, 29 Apr
തമിഴ്നാട് എക്സിറ്റ് പോള് ഫലം 2021
മിക്ക ഏജന്സികളും 2021ല് എക്സിറ്റ് പോളില് പ്രവചിച്ചത് എംകെ സ്റ്റാലിന് നയിക്കുന്ന ഡിഎംകെ സഖ്യം അധികാരത്തിലെത്തുമെന്നാണ്. 160ല് അധികം സീറ്റ് നേടുമെന്നായിരുന്നു പ്രവചനങ്ങള്. യഥാര്ഥ ഫലം വന്നപ്പോള് 159 സീറ്റ് ഡിഎംകെ സഖ്യം നേടി. അണ്ണാഡിഎംകെ സഖ്യം 75 സീറ്റ് നേടി. ഇതില് അണ്ണാഡിഎംകെ മാത്രം 66 സീറ്റില് ജയിച്ചു.
6:03 PM, 29 Apr
പശ്ചിമ ബംഗാള് എക്സിറ്റ് പോള് ഫലം 2021
വ്യത്യസ്തമായ ഫലങ്ങള് ആയിരുന്നു വിവിധ ഏജന്സികള് 2021ല് എക്സിറ്റ് പോളില് പരസ്യപ്പെടുത്തിയത്. തൃണമൂല് കോണ്ഗ്രസ് അധികാരം പിടിക്കുമെന്ന് സി വോട്ടര് പ്രവചിച്ചപ്പോള് ബിജെപി അധികാരത്തിലെത്തുമെന്നായിരുന്നു റിപബ്ലിക്-സിഎന്എക്സ് കണ്ടെത്തിയത്. അന്ന് എട്ട് ഘട്ടങ്ങളായിട്ടായിരുന്നു വോട്ടിങ്. യഥാര്ഥ ഫലം വന്നപ്പോള് 294ല് 215 സീറ്റ് തൃണമൂല് നേടി. ബിജെപി സഖ്യം 77 സീറ്റില് ഒതുങ്ങി.
6:17 PM, 29 Apr
യഥാര്ഥ തിരഞ്ഞെടുപ്പ് ഫലം
കേരളം, തമിഴ്നാട്, പുതുച്ചേരി, ബംഗാള്, അസം എന്നിവിടങ്ങളിലെ നിയമസഭാ തിരഞ്ഞെടുപ്പ് ഫലം തിരഞ്ഞെടുപ്പ് കമ്മീഷന് പുറത്തുവിടുന്നത് മെയ് നാലിനാണ്. രാവിലെ എട്ട് മണി മുതല് വോട്ടെണ്ണല് ആരംഭിക്കും. ആറ് സംസ്ഥാനങ്ങളില് എട്ട് നിയമസഭാ സീറ്റുകളിലേക്ക് നടന്ന ഉപതിരഞ്ഞെടുപ്പിന്റെ ഫലവും അന്ന് അറിയാം.
6:32 PM, 29 Apr
ആദ്യ എക്സിറ്റ് പോള് ഫലം വന്നു
ബംഗാളില് ബിജെപി എന്ന് പി മാട്രിസ് എക്സിറ്റ് പോള്. 146-161 സീറ്റുകള് ബിജെപി നേടുമെന്ന് ഫലം. തൃണമൂല് കോണ്ഗ്രസ് 120-140 സീറ്റുകള് നേടും.
6:33 PM, 29 Apr
തമിഴ്നാട്ടില് ഡിഎംകെ സഖ്യം
തമിഴ്നാട്ടില് ഡിഎംകെ-കോണ്ഗ്രസ് സഖ്യം അധികാരം നിലനിര്ത്തുമെന്ന് പി മാട്രിസ് എക്സിറ്റ് പോള്. 122-132 സീറ്റുകള് സഖ്യം നേടും. എന്ഡിഎ 87-100, ടിവികെ 10-12 സീറ്റുകള് നേടും.
6:38 PM, 29 Apr
കേരളത്തില് യുഡിഎഫ് ഭരണം പിടിക്കുമെന്ന് പീപ്പിള്സ് പള്സ് സര്വ്വെ. 85 സീറ്റ് വരെ യുഡിഎഫ് നേടാം. എല്ഡിഎഫിന് 55-65 സീറ്റുകള്.
6:40 PM, 29 Apr
യുഡിഎഫിന് മേല്ക്കൈ എന്ന് സിഎന്എന് ന്യൂസ് 18 വോട്ട് വൈബ് എക്സിറ്റ് പോള്. യുഡിഎഫ് 78-80, എല്ഡിഎഫ് 58-68, എന്ഡിഎ 0-4.
6:41 PM, 29 Apr
തമിഴ്നാട്ടിൽ ഡിഎംകെയ്ക്ക് ഭരണത്തുടർച്ച പ്രവചിച്ച് പീപ്പിൾസ് പൾസ് സർവ്വെ. 125-145 സീറ്റുകൾ ലഭിക്കും. എഐഎഡിഎംകെയ്ക്ക് 65-80 സീറ്റുകൾ. വിജയിയുടെ ടിവികെയ്ക്ക് 18 മുതൽ 24 സീറ്റുകൾ.
അസമില് എന്ഡിഎക്ക് തന്നെ ഭരണം എന്ന് പീപ്പിള്സ് പള്സ് എക്സിറ്റ് പോള്. 68-72 സീറ്റുകള് കിട്ടും. കോണ്ഗ്രസിന് 26 സീറ്റ് വരെ. എഐയുഡിഎഫിന് 5 സീറ്റ് വരെ സാധ്യത.
6:49 PM, 29 Apr
അസമില് ബിജെപി സഖ്യത്തിന് 100 സീറ്റ് വരെ പ്രവചിച്ച് ആക്സിസ് മൈ ഇന്ത്യ. കോണ്ഗ്രസിന് 24-36.
Click it and Unblock the Notifications
Sign in with Google