മേഘാലയയിൽ തൂക്കുസഭയക്ക് സാധ്യത; തൃണമൂലിന് 14 സീറ്റുവരെ ലഭിച്ചേക്കുമെന്ന് ജൻ കി ബാത്ത് എക്‌സിറ്റ് പോൾ

മേഘാലയയിൽ ഇത്തവണ തൂക്കുസഭയ്ക്ക് സാധ്യത പ്രവചിച്ച് ജൻ കി ബാത്ത് എക്‌സിറ്റ് പോൾ. ടിഎംസിക്ക് 14-9 സീറ്റുകളും യുഡിപിക്ക് 10-14 സീറ്റുകളും എൻപിപിക്ക് 11-16 സീറ്റുകളും ബിജെപിക്ക് 3-7 സീറ്റുകളും പിഡിഎഫിന് 11-6 സീറ്റുകളും ഐൻെസിക്ക് 11-16 സീറ്റുകളും ആണ് പ്രവചിക്കുന്നത്.

സീ ന്യൂസ് മാട്രിക്സ് എക്സിറ്റ് പോൾ സർവ്വേ ഫലവും മേഘാലയയിൽ ഇത്തവണ തൂക്കുസഭയ്ക്ക് സാധ്യത പ്രവചിച്ചിരുന്നു . 60 അംഗ നിയമസഭയിൽ എൻ പി പിക്ക് 21 മുതൽ 26 സീറ്റുകൾ വരെയാണ് സർവ്വേ പ്രവചിക്കുന്നത്. തൃണമൂൽ കോൺഗ്രസിന് 8 മുതൽ 13 സീറ്റ് വരെയും ബി ജെ പിക്ക് 6 മുതൽ 11 സീറ്റ് വരെയുമാണ് പ്രവചനം.

അതേസമയം 2018 ൽ ഏറ്റവും വലിയ ഒറ്റകക്ഷിയായിരുന്ന കോൺഗ്രസ് ഇത്തവണ തകർന്ന് അടിയുമെന്നും സർവ്വേ പറയുന്നു. കോൺഗ്രസിന് 3 മുതൽ ആറ് സീറ്റുകൾ വരെയാണ് പ്രവചനം. 60 അംഗ സഭയിൽ 31സീറ്റുകളാണ് കേവല ഭൂരിപക്ഷത്തിന് ആവശ്യം.

English summary

Exitpoll: Jan Ki Baath exit poll predicts possibility of hung assembly in Meghalaya this time