തമിഴ്നാട്ടിൽ പടക്ക നിർമ്മാണശാലയിൽ സ്ഫോടനം; 11 മരണം

ചെന്നൈ; തമിഴ്നാട്ടിൽ പടക്ക നിർമ്മാണശാലയിലെ സ്ഫോടനത്തിൽ 11 മരണം.വിരുദുനഗറിലെ സതൂറിലെ അച്ചന്‍ഗുളത്തിന് സമീപത്തുള്ള ശ്രീ മരിയമ്മൻ ഫയർവർക്സ് എന്ന പടക്ക നിർമ്മാണശാലയിലാണ് അപകടമുണ്ടായത്.അപകടത്തിൽ 14 ലധികം പേർക്ക് പരിക്കേറ്റിട്ടുണ്ട്. പരിക്കേറ്റവരെ ശിവകാശിലെ സർക്കാർ ആശുപത്രിയിലേക്ക് മാറ്റി. ഇവിടെ രക്ഷാപ്രവർത്തനം പുരോഗമിക്കുകയാണ്.

വെള്ളിയാഴ്ച ഉച്ചയ്ക്ക് ശേഷമാണ് ഇവിടെ പൊട്ടിത്തെറി ഉണ്ടായത്. പടക്കങ്ങൾ നിർമ്മിക്കാനുള്ള രാസവസ്തുക്കൾ കൈകാര്യം ചെയ്യുന്നതിനിടയിലായിരുന്നു അപകടം. സ്ഫോടനത്തിൽ നാല് ഷെഡുകൾ പൂർണമായും തർന്നിട്ടുണ്ട്. 100 ലധികം പേർ തൊഴിലെടുക്കുന്നതാണ് ഫാക്ടറി. കെട്ടിടത്തിനുള്ളിൽ കൂടുതൽ പേർ കുടുങ്ങി കിടക്കുന്നുണ്ടോയെന്നറിയാൻ തിരച്ചിൽ തുടരുകയാണ്. 10 യൂണിറ്റ് അഗ്നിരക്ഷാ സേന സ്ഥലത്തെത്തിയിട്ടുണ്ട്.

സംഭവത്തിൽ പ്രധാനമന്ത്രി അനുശോചനം അറിയിച്ചു.മരിച്ചവരുടെ കുടുംബത്തിന് രണ്ട് ലക്ഷം രൂപ നഷ്ടപരിഹാരം പ്രഖ്യാപിച്ചിട്ടുണ്ട്, പരിക്കേറ്റവർക്ക് 50,000 രൂപയും അനുവദിച്ചു.

English summary

Explosion at fireworks factory in Tamil Nadu; Eight died