'സർക്കാരിനെ പുറത്താക്കിയത് ചട്ടവിരുദ്ധം'; പുതുച്ചേരി പ്രതിസന്ധിയിൽ കോൺഗ്രസ് സുപ്രീം കോടതിയിലേക്ക്

പോണ്ടിച്ചേരി; പുതുച്ചേരിയിൽ വിശ്വാസ വോട്ടെടുപ്പിൽ പരാജയപ്പെട്ട കോൺഗ്രസ് നിയമപോരാട്ടത്തിലേക്ക്. നടപടി ചട്ടവിരുദ്ധമാണെന്ന് ചൂണ്ടിക്കാട്ടി നോമിനേറ്റഡ് എംഎൽഎമാർക്കെതിരെ സുപ്രീം കോടതിയെ സമീപിക്കാനാണ് കോൺഗ്രസ് നീക്കം. പ്രതിപക്ഷം ഗവർണറെ കാണും മുൻപ് കോടതിയിൽ ഹർജി നൽകാനാണ് കോൺഗ്രസ് ആലോചന.

അതേസമയം പുതുച്ചേരിയിൽ രാഷ്ട്രപതി ഭരണത്തിന് ലഫ് ഗവർണർ തമിഴിസൈ സൗന്ദരരാജൻ ശുപാർശ ചെയ്തേക്കുമെന്നാണ് സൂചന. എൻ രംഗസ്വാമിയുടെ നേതൃത്വത്തിലുള്ള പ്രതിപക്ഷത്തെ സർക്കാർ ഉണ്ടാക്കാൻ സൗന്ദരരാജൻ ക്ഷണിച്ചേക്കുമെങ്കിലും നിയമസഭ തിരഞ്ഞെടുപ്പ് നടക്കാൻ രണ്ട് മാസം മാത്രം ശേഷിക്കേ സർക്കാർ ഉണ്ടാക്കിനില്ലെന്ന നിലപാടിലാണ് പ്രതിപക്ഷം. അത്തരത്തിൽ അധികാരത്തിലേറിയാൽ തന്നെ അത് തിരിച്ചടിയാകുമെന്ന ഭയം ബിജെപിക്കുണ്ട്.

തിരഞ്ഞെടുപ്പ് നടന്നാൽ കോൺഗ്രസ്-ഡിഎംകെ സഖ്യം സഹതാപ തരംഗത്തിലൂടെ അധികാരത്തിലേറും എന്ന ആശങ്കയും ബിജെപിക്കുണ്ട്. അതേസമയം
രാഷ്ട്രപതി ഭരണം ഏർപ്പെടുത്തുന്നതോടെ കൂടുതൽ വികസന പ്രവർത്തനങ്ങൾ നടപ്പാക്കി ജനപിന്തുണ നേടിയെടുക്കുകയെന്നാണ് ബിജെപി ലക്ഷ്യം. നിലവിൽ 14 എംഎല്‌എമാരുടെ പിന്തുണയാണ് പ്രതിപക്ഷത്തിന് ഉള്ളത്. 26 അംഗ നിയമസഭയാണ് പുതുച്ചേരിയിലേത്.

English summary

'Expulsion of government is illegal'; Congress moves Supreme Court over Puducherry crisis