• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പാക് ക്രിക്കറ്റ് താരങ്ങളുടെ ഭാര്യമാർക്കൊപ്പം ശശി തരൂർ എംപി, പ്രചരിക്കുന്ന ചിത്രത്തിന് പിന്നിലെ സത്യം

ദില്ലി: കോണ്‍ഗ്രസിന്റെ തിരുവനന്തപുരം എംപിയായ ശശി തരൂര്‍ എന്നും വിവാദങ്ങളുടെ തോഴനാണ്. തിരുവനന്തപുരത്ത് നിന്നും രണ്ടാമതും ലോക്‌സഭയിലേക്ക് തിരഞ്ഞെടുക്കപ്പെട്ട ശശി തരൂര്‍ സത്യപ്രതിജ്ഞ ചെയ്യാന്‍ ഒരു ദിവസം വൈകിയത് വിവാദമായിരുന്നു. ഇന്ത്യ-പാകിസ്താന്‍ ലോകകപ്പ് മത്സരം കാണാന്‍ തരൂര്‍ ഇംഗ്ലണ്ടിലേക്ക് പോയിരുന്നു. ഇത് കാരണം മറ്റ് കോണ്‍ഗ്രസ്സ് എംപിമാര്‍ക്കൊപ്പം തരൂരിന് സത്യപ്രതിജ്ഞ ചെയ്യാന്‍ സാധിച്ചില്ല.

ഇംഗ്ലണ്ടില്‍ നിന്ന് മടങ്ങി വന്ന ശേഷം ഒരു ദിവസം വൈകിയായിരുന്നു ശശി തരൂരിന്റെ സത്യപ്രതിജ്ഞ. അതിന് സോഷ്യല്‍ മീഡിയയില്‍ പഴി കേട്ട് കൊണ്ടിരിക്കെയാണ് മറ്റൊരു വിവാദം തരൂരിനെ തേടി എത്തിയിരിക്കുന്നത്. ഒരു കൂട്ടം സ്ത്രീകള്‍ക്കൊപ്പം തരൂര്‍ നില്‍ക്കുന്ന ഒരു ചിത്രം സോഷ്യല്‍ മീഡിയയില്‍ വ്യാപകമായി പ്രചരിപ്പിക്കപ്പെടുന്നുണ്ട്.

പാകിസ്താന്‍ ക്രിക്കറ്റ് താരങ്ങളുടെ ഭാര്യമാര്‍ക്കൊപ്പം ശശി തരൂര്‍ എന്ന അടിക്കുറിപ്പോടെയാണ് ഈ ചിത്രം പ്രചരിക്കുന്നത്. ഫേസ്ബുക്കില്‍ ആദ്യം പ്രത്യക്ഷപ്പെട്ട ഈ ചിത്രം പിന്നീട് വിവിധ സാമൂഹ്യ മാധ്യമങ്ങളിലൂടെ വ്യാപകമായി പ്രചരിപ്പിക്കപ്പെട്ടു. എന്ന് മാത്രമല്ല ചിത്രത്തിന് ദ്വയാര്‍ത്ഥ സൂചകവും അശ്ലീലവും നിറഞ്ഞ കമന്റുകളാണ് ആളുകള്‍ ചെയ്ത് കൊണ്ടിരിക്കുന്നത്.

ശശി തരൂരിനേയും ഒപ്പമുളള സ്ത്രീകളേയും അധിക്ഷേപിക്കുന്ന തരത്തിലുളള പ്രതികരണങ്ങളോടെയാണ് വാട്‌സ്ആപ്പിലും ട്വിറ്ററിലും അടക്കം ചിത്രം പ്രചരിക്കുന്നത്. യഥാര്‍ത്ഥത്തില്‍ തരൂരിനൊപ്പം ചിത്രത്തിലുളളത് പാക് ക്രിക്കറ്റ് താരങ്ങളുടെ ഭാര്യമാര്‍ ആണോ. അല്ല എന്ന് തന്നെയാണ് ഉത്തരം. ഒരു വര്‍ഷം മുന്‍പ് അതായത് 2018ല്‍ ശശി തരൂര്‍ തന്നെ ട്വീറ്റ് ചെയ്തതാണ് ഈ ചിത്രം. ഇന്‍ഡോര്‍ എന്റര്‍പ്രണേഴ്‌സ് ഓര്‍ഗനൈസൈഷനിലെ വനിതകള്‍ക്കൊപ്പം എന്ന അടിക്കുറിപ്പോടെ പങ്കുവെച്ച ചിത്രമാണ് തെറ്റായ രീതിയില്‍ പ്രചരിപ്പിക്കുന്നത്.

English summary
Fact Check: The women in viral photo of Sashi Tharoor is not Pak cricketers' wives
Get Instant News Updates
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more