ഭ്രാന്തമായ ആരാധന, അമിതാഭ് ബച്ചനെ ശൗചാലയത്തില്‍ കയറുമ്പോഴും വെറുതെവിട്ടില്ല

By Sruthi K M

Updated: Thursday, February 25, 2016, 14:20 [IST]

ആരാധകരുടെ സ്‌നേഹം പലപ്പോഴും സെലിബ്രിറ്റികള്‍ക്ക് തലവേദനയായിട്ടുണ്ട്. പ്രത്യേകിച്ച് സൂപ്പര്‍സ്റ്റാറുകള്‍ക്ക്, ഒന്നു പുറത്തിറങ്ങി നടക്കാന്‍ പറ്റാത്ത അവസ്ഥ. ബോളിവുഡ് ബിഗ്ബി അമിതാഭ് ബച്ചന് ലോകം മുഴുവനും ആരാധകരുണ്ട്. ഇന്ത്യന്‍ സിനിമയില്‍ കോടിക്കണക്കിന് ആരാധകരുള്ള താരം ബിഗ്ബി എന്നു ഒരു സംശയുമില്ലാതെ പറയാം.

താരത്തിനോടുള്ള ആരാധനയും ഏറെ വലുതാണ്. എന്നാല്‍, ആരാധന പുലിവാലു പിടിച്ച അവസ്ഥകളും ഉണ്ടായിട്ടുണ്ട്. അങ്ങനെയൊരു സന്ദര്‍ഭത്തെക്കുറിച്ച് അമിതാഭ് ബച്ചന്‍ തന്നെ തന്റെ ബ്ലോഗില്‍ കുറിച്ചു. ശൗചാലയത്തില്‍ പോലും പോകാന്‍ വിടാത്ത ആരാധന ആര്‍ക്കും ഇഷ്ടപ്പെട്ടെന്നു വരില്ല. ശൗചാലയത്തില്‍ പോലും താരവുമായി ഫോട്ടോ എടുക്കാന്‍ ആഗ്രഹിക്കുന്നവരുണ്ട്.

ശൗചാലയത്തില്‍ നിന്നു താരത്തിനൊപ്പം സെല്‍ഫിയെടുക്കാന്‍ ആരാധകര്‍ക്ക് ഒരു ഔചിത്യവുമില്ല. അത്തരമൊരു ദുര്‍വിധി നേരിട്ടതിനെക്കുറിച്ചാണ് താരം ബ്ലോഗില്‍ കുറിച്ചത്. ശൗചാലയത്തില്‍വെച്ച് തന്നോട് സെല്‍ഫിക്ക് ആവശ്യപ്പെട്ടതായി താരം പറയുന്നു. ഇത്രയും വര്‍ഷത്തെ സിനിമാ ജീവിതത്തില്‍ ചില ബന്ധങ്ങള്‍, ചില ആരാധനകള്‍, ചില സംഭവങ്ങള്‍ എന്നിവ അമ്പരപ്പിച്ചിട്ടുണ്ട്.

അതിലേക്ക് ഞെട്ടിപ്പിക്കുന്ന ഒരു സെല്‍ഫി കഥ കൂടിയുണ്ടെന്ന് താരം പറയുന്നു. ശൗചാലയത്തില്‍വെച്ച് പിന്നീട് സെല്‍ഫിക്ക് വേണ്ടി തിരക്കു കൂട്ടുകയായിരുന്നു. ശരിക്കും ഇതു ഭ്രാന്തമായ ആരാധനയാണെന്ന് ബിഗ്ബി പറയുന്നു. ഇത്തരം ഇടങ്ങളില്‍ വെച്ച് എങ്ങനെ ആവശ്യപ്പെടാനാകുമെന്നാണ് താരം ചോദിക്കുന്നത്. ഇത്തരം സ്ഥലങ്ങളില്‍ ഇതിനുവേണ്ടി കുറച്ച് ക്ഷമയല്ലേ വേണ്ടതെന്നും അമിതാഭ് ചോദിക്കുന്നു.