ഗുജറാത്തിലെ ഉരുളക്കിഴങ്ങ് കര്ഷകര്ക്ക് പെപ്സികോ നഷ്ടപരിഹാരം നല്കണമെന്ന് കര്ഷക നേതാക്കള്
ദില്ലി: ഗുജറാത്തിലെ ഉരുളക്കിഴങ്ങ് കര്ഷകരെ പീഡിപ്പിച്ചതിനും ഭീഷണിപ്പെടുത്തിയതിനും പെപ്സികോ ഇന്ത്യ നഷ്ടപരിഹാരം നല്കണമെന്ന് കര്ഷക സംഘടന നേതാക്കള്. ഞായറാഴ്ച, ദില്ലിയില് നടന്ന ഒരു കോണ്ഫറന്സില് മറ്റൊരു 'പെപ്സികോ ഇന്ത്യ Vs ഫാര്മേഴ്സ് എപ്പിസോഡ്' ഇന്ത്യയില് ആവര്ത്തിക്കാന് അനുവദിക്കില്ലെന്ന് കര്ഷക നേതാക്കള് ഉറപ്പുനല്കി.
കമ്പനി രജിസ്റ്റര് ചെയ്ത വിവിധതരം ഉരുളക്കിഴങ്ങ് അനധികൃതമായി വളര്ത്തിയെന്നാരോപിച്ച് ഭക്ഷ്യ പാനീയ ഭീമനായ പെപ്സികോ നാല് കര്ഷകരെ നേരത്തെ കോടതിയിലേക്ക് വലിച്ചിഴച്ചിരുന്നു. പ്ലാന്റ് വെറൈറ്റി പ്രൊട്ടക്ഷന് (പിവിപി) അവകാശങ്ങള് ഉന്നയിച്ച് വിവിധതരം ഉരുളക്കിഴങ്ങ് വളര്ത്തിയെന്നാരോപിച്ച് സബര്കന്ത, അരവല്ലി ജില്ലകളില് നിന്നുള്ള ഒമ്പത് കര്ഷകര്ക്കെതിരെയും പെപ്സികോ കേസ് നല്കി. എന്നാല് പേറ്റന്റ് ലംഘിച്ചുവെന്നാരോപിച്ച് നാല് ഇന്ത്യന് ഉരുളക്കിഴങ്ങ് കര്ഷകര്ക്കെതിരായ കേസ് പെപ്സികോ പിന്നീട് പിന്വലിച്ചു.
ഗുജറാത്തിലെ ഒമ്പത് ഉരുളക്കിഴങ്ങ് കര്ഷകര്ക്കെതിരായ പെപ്സികോ ഇന്ത്യ നിയമ കേസ് കര്ഷക നേതാക്കള് പുന -പരിശോധിക്കുകയും ഭാവിയില് ആവര്ത്തിക്കാതിരിക്കാനുള്ള കര്മപദ്ധതിയെക്കുറിച്ചും ഇന്നലെ നടന്ന യോഗത്തില് ചര്ച്ച ചെയ്തു. ഇന്ത്യയിലെ സസ്യവൈവിധ്യ സംരക്ഷണവും കര്ഷകാവകാശ സംരക്ഷണ നിയമവും (പിപിവി, എഫ്ആര്) മുന്നിര്ത്തി കര്ഷകരുടെ അവകാശങ്ങള് സംരക്ഷിക്കാന് തങ്ങള് കൂട്ടായി പ്രവര്ത്തിക്കുമെന്ന് കര്ഷക സംഘടനകളെ പ്രതിനിധീകരിക്കുന്ന നേതാക്കള് പറഞ്ഞു.
പിപിവി, എഫ്ആര് അതോറിറ്റിയുടെ അംഗീകാരമില്ലാതെ കര്ഷകര്ക്കെതിരെ നിയമനടപടികള് ആരംഭിക്കാന് കഴിയാത്തവിധം നിയമത്തില് വ്യവസ്ഥ ഏര്പ്പെടുത്തണം. ഏതെങ്കിലും രജിസ്റ്റര് ചെയ്ത ബ്രീഡര്മാര്ക്ക് പ്രത്യേക അവകാശങ്ങള് നേടുന്നുണ്ടെങ്കില്, രാജ്യത്ത് എവിടെയും കര്ഷകര്ക്ക് വിവിധ തരത്തിലുള്ള പിന്തുണ നല്കുന്നതിന് നിയമത്തിലെ എട്ടാം വകുപ്പ് പ്രകാരം കര്ഷകരെ സഹായിക്കാന് സ്വമേധയാ കേസെടുക്കാനുള്ള അധികാരങ്ങള് അതോറിറ്റിക്ക് നല്കണമെന്നും നേതാക്കള് കൂട്ടിച്ചേര്ത്തു.
എല്ലാ പിവിപി സര്ട്ടിഫിക്കറ്റുകളിലും സെക്ഷന് 39 (1) (iv) അനുസരിച്ച് സര്ട്ടിഫിക്കറ്റ് താല്ക്കാലികമാക്കുന്ന ഒരു നിബന്ധന അടങ്ങിയിരിക്കണം. രജിസ്റ്റര് ചെയ്ത ബ്രീഡര് അല്ലെങ്കില് പ്രതിനിധി ഇത് പരിപാലിക്കുന്നില്ലെങ്കില് പിവിപി സര്ട്ടിഫിക്കറ്റ് റദ്ദാക്കണമെന്ന് അവര് ആവശ്യപ്പെട്ടു. ഭേദഗതി വരുത്തിയ വിത്ത് ബില് പോലെ പാര്ലമെന്റില് ഏതെങ്കിലും നിയമനിര്മ്മാണങ്ങളിലൂടെ കര്ഷകരുടെ വിത്ത് അവകാശത്തില് വിട്ടുവീഴ്ച ചെയ്യാന് കഴിയില്ലെന്നും അവര് പറഞ്ഞു.
രാജ്യത്തിന്റെ വിവിധ സംസ്ഥാനങ്ങളില് നിന്നുള്ള കര്ഷക നേതാക്കള് യോഗത്തില് പങ്കെടുത്തു. സംസ്ഥാന സര്ക്കാര് ഏജന്സികളായ പഞ്ചാബ് സ്റ്റേറ്റ് ഫാര്മേഴ്സ് കമ്മീഷന്, കര്ണാടക കാര്ഷിക വില കമ്മീഷന് തുടങ്ങിയവയുടെ ചെയര്പേഴ്സണ് ഡോ. ടി എന് പ്രകാശ് അടക്കം യോഗത്തിലുണ്ടായിരുന്നു.
-
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
ബെംഗളൂരു രണ്ടാം എയർപോർട്ട്: ഇത്തവണ കർണാടക രണ്ടും കൽപ്പിച്ച്, പരിഗണനയിൽ ഈ 3 സ്ഥലങ്ങൾ -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര്
Click it and Unblock the Notifications
Sign in with Google