Click it and Unblock the Notifications
Just In
-
-
-
Don't Miss
-
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഐതിഹാസിക സമരത്തിന് സാക്ഷ്യം വഹിക്കാന്‍ ദില്ലി; കര്‍ഷകരുടെ ഒരു ലക്ഷത്തോളം ട്രാക്ടറുകള്‍ തലസ്ഥാനത്തേക്ക്
ദില്ലി: കേന്ദ്രം പാസാക്കിയ കാര്‍ഷിക നിയമങ്ങള്‍ക്കെതിരായി ദില്ലി അതിര്‍ത്തികളില്‍ സമരം ചെയ്യുന്ന കര്‍ഷകരുടെ ട്രാക്ടര്‍ റാലി ഇന്ന്. റിപ്പബ്ലിക്ക് പരേഡിന് പിന്നാലെ 12 മണിയോടെ രാജ്യ തലസ്ഥാനത്ത് ട്രാക്ടര്‍ പരേഡ് ആരംഭിക്കും. ഇതോടെ ഇതുവരെ കാണാത്ത പ്രതിഷേധ സമരങ്ങള്‍ക്കാണ് ദില്ലി സാക്ഷ്യം വഹിക്കുക. ഒരു ലക്ഷത്തോളം ട്രാക്ടറുകളാണ് ഇന്ന് പരേഡില്‍ അണിനിരക്കുന്നത്. ഒരു ട്രാക്ടറില്‍ നാല് പേരാണ് ഉണ്ടാകുക.
സിംഗു, ടിക്രി, ഗാസിപൂര്‍ എന്നീ അതിര്‍ത്തികളിലാണ് റാലിക്ക് അനുമതി നല്‍കിയിരിക്കുന്നത്. 2500ല്‍ അധികം വോളണ്ടിയര്‍മാരെ നിയോഗിച്ചിട്ടുണ്ട്. പരേഡിനെ തുടര്‍ന്ന് ദില്ലി പൊലീസ് സുരക്ഷ ശക്തമാക്കിയിട്ടുണ്ട്. അതേസമയം, ട്രാക്ടര്‍ റാലി സമാധാനപരമായിട്ടായിരിക്കും നടത്തുകയെന്ന് കര്‍ഷക നേതാക്കള്‍ അറിയിച്ചിട്ടുണ്ട്. ചരിത്ര സമരത്തിന് ദില്ലി സാക്ഷ്യം വഹിക്കുന്നതോടെ പരേഡില്‍ പങ്കെടുക്കാന്‍ ദില്ലി അതിര്‍ത്തികളിലേക്ക് കര്‍ഷകരുടെ ഒഴുക്കാണ്.
രാജ്പദില്‍ റിപ്പബ്ലിക്ക് ദിന പരേഡ് അവസാനിക്കുമ്പോള്‍ തന്നെ ദില്ലി അതിര്‍ത്തികളില്‍ കര്‍ഷകരുടെ ട്രാക്ടര്‍ റാലി ആരംഭിക്കും. വലിയ രീതിയിലുള്ള മുന്‍ കരുതലാണ് കര്‍ഷകരും പൊലീസ് നടത്തിയിരിക്കുന്നത്. ദില്ലിക്ക് അകത്ത് പ്രവേശിച്ച് തിരിച്ച് സമരഭൂമിയിലേക്ക് തിരിച്ചെത്തുന്ന രീതിയിലാണ് കര്‍ഷകര്‍ ട്രാക്ടര്‍ റാലി സംഘടിപ്പിക്കുന്നത്. ദേശീയ പതാകയും കര്‍ഷക സംഘടനകളുടെ കൊടിയും മാത്രമാണ് ട്രാക്ടറുകളില്‍ ഉപയോഗിക്കുക. അതേസമയം, 5000 ട്രാക്ടറുകള്‍ക്കാണ് പൊലീസ് അനുമതി നല്‍കിയത്. എന്നാല്‍ ഒരു ലക്ഷം ട്രാക്ടറുകള്‍ പങ്കെടുക്കുമെന്നാണ് കര്‍ഷക സംഘടനകള്‍ പ്രഖ്യാപിച്ചിരിക്കുന്നത്.
