ഫാഷന്‍ഡിസൈനറെ വേശ്യാവൃത്തിക്ക് ഇരയാക്കി

മുംബൈ: ഫാഷന്‍ ഡിസൈനറായ 27കാരിയെ ബുട്ടീക്ക് ഉടമ പെണ്‍വാണിഭത്തിന് ഉപയോഗിച്ചതായി പരാതി. മുംബൈക്കാരിയായ യുവതിയാണ് പരാതിയുമായി രംഗത്തെത്തിയിരിയ്ക്കുന്നത്. ഖറിലും ദുബായിലും ബുട്ടീക്കുകള്‍ ഉള്ള സ്ത്രീയാണ് യുവതിയെ പെണ്‍വാണിഭത്തിന് ഉപയോഗിച്ചത്.

ഫാഷന്‍ ഡിസൈനിംഗ് പൂര്‍ത്തിയാക്കിയെ പെണ്‍കട്ടിയെ ഒരു സുഹൃത്താണ് ഖറിലെ ബുട്ടീക്ക് ഉടമയെ പരിചയപ്പെടുത്തുന്നത്. തുടര്‍ന്ന് പ്രതിമാസം നാല് ലക്ഷം രൂപ ശമ്പളത്തില്‍ തന്റെ ദുബായിലെ ഷോപ്പില്‍ ജോലി തരാമെന്ന് ബുട്ടീക്ക് ഉടമയായസ്ത്രീ വാഗ്ദാനം ചെയ്തു. ജോലി തരപ്പെടുത്തിയതിന് രണ്ട് തവണകളായി ഇവര്‍ പെണ്‍കുട്ടിയുടെ പക്കല്‍ നിന്നും പത്ത് ലക്ഷം രൂപ കൈപ്പറ്റിയിരുന്നു.

ജൂണ്‍ മാസത്തിലാണ് പെണ്‍കുട്ടി ദുബായില്‍ എത്തുന്നത്. പഞ്ചനക്ഷത്ര ഹോട്ടലിലാണ് സ്ത്രീ പെണ്‍കുട്ടിയെ താമസിപ്പിച്ചത്. ഹോട്ടല്‍ മുറിയില്‍ പെണ്‍കുട്ടിയെ 25 ദിവസത്തോളം സ്ത്രീ താമസിപ്പിച്ചു. ഈ കാലയളവില്‍ പലരുമായും ശാരീരിക ബന്ധത്തിലേര്‍പ്പെടാന്‍ സ്ത്രീ പെണ്‍കുട്ടിയെ നിര്‍ബന്ധിയ്ക്കുകയായിരുന്നു.

ജൂലൈയോടെ പെണ്‍കുട്ടി നാട്ടിലേയ്ക്ക് മടങ്ങി. ആദ്യം പൊലീസില്‍ പരാതിപ്പെടാന്‍ മടിച്ച പെണ്‍കുട്ടി ഇപ്പോള്‍ സുഹൃത്തുക്കളുടെ പിന്തുണയോടെയാണ് ബുട്ടീക്ക് ഉടമയ്‌ക്കെതിരെ പരാതിയുമായി രംഗത്തെത്തിയത്. ഖര്‍ പൊലീസ് സ്റ്റേഷനിലാണ് പെണ്‍കുട്ടി പരാതി നല്‍കിയത്.

English summary

Fashion designer pushed into prostitution.