ചതിക്കുമോ എന്ന് സംശയം; കാമുകന് കാമുകിയെ കുത്തിയത് 9 തവണ!
സൂറത്ത്: കാമുകന് ക്രൂരമായി ആക്രമിച്ച 20 കാരിയെ ഗുരുതരാവസ്ഥയില് ആശുപത്രിയില് പ്രവേശിപ്പിച്ചു. വിവാഹം കഴിക്കാതെ തന്നെ ചതിക്കുമോ എന്ന് സംശയിച്ചാണ് സുരേഖ എന്ന 20 കാരിയ കാമുകന് കത്തി കൊണ്ട് കുത്തിയത്. ഗുജറാത്തിലെ സൂറത്തിലാണ് സംഭവം. ഒമ്പത് തവണയാണ് കാമുകനായ ഇനേഷ് ഗാമിത് സുരേഖയെ കുത്തിയതെന്ന് പോലീസ് അറിയിച്ചു.
അതീവ ഗുരുതരമായി പരിക്കേറ്റ സുരേഖയെ സൂറത്തിലെ ന്യൂ സിവില് ആശുപത്രിയില് പ്രവേശിപ്പിച്ചിരിക്കുകയാണ്. സൂറത്തിലെ വങ്കല് സ്വദേശിനിയാണ് സുരേഖ. കഴിഞ്ഞ രണ്ട് വര്ഷമായി സുരേഖ ഗാമിതുമായി അടുപ്പത്തിലാണ്. തയ്യല്ക്കാരനായ ഗാമിത് സുരേഖയുടെ വീട്ടില് ജോലി ചെയ്യാന് വന്നപ്പോഴാണത്രെ ഇവര് തമ്മില് പരിചയമായത്.
വെള്ളിയാഴ്ച സുരേഖയെ തോട്ടത്തില് കൊണ്ടുപോയാണ് ഗാമിത് ആക്രമിച്ചതെന്ന് പോലീസ് പറഞ്ഞു. കത്തി കൊണ്ട് ഒമ്പത് തവണ ഇയാള് സുരേഖയെ കുത്തി. കൈകളിലും തോളത്തുമാണ് കുത്തേറ്റത്. ഒമ്പത് മുറിവുകളാണ് സുരേഖയുടെ ശരീരത്തിലുള്ളതെന്നും ആംബുലന്സില് ആശുപത്രിയിലെത്തിച്ച സുരേഖ അത്യാഹിത വിഭാഗത്തിലാണ് എന്നും ആശുപത്രി അധികൃതര് അറിയിച്ചു.
ഇരുവരുടെയും വിഹാഹത്തിന് വീട്ടുകാര് സമ്മതിച്ചിരുന്നു എന്നാണ് അറിയുന്നത്. രണ്ട് വീട്ടുകാര്ക്കും ഗാമിതിന്റെയും സുരേഖയുടെയും ബന്ധത്തില് എതിര്പ്പുണ്ടായിരുന്നില്ലത്രെ. വിവാഹത്തിന്റെ തീയതി പോലും തീരുമാനിക്കപ്പെട്ടിരുന്നു. സുരേഖയ്ക്ക് വിവാഹത്തിന് താല്പര്യക്കുറവുണ്ട് എന്ന് സംശയിച്ചാണ് ഗാമിത് സുരേഖയെ കൊല്ലാന് ശ്രമിച്ചത് എന്ന് പോലീസ് പറയുന്നു. ഗാമിതിനെ പോലീസ് അറസ്റ്റു ചെയ്തിട്ടുണ്ട്.