അനാശാസ്യം ക്യാമറ പിടിച്ചു, കളിക്കാരിക്കും കോച്ചിനും സസ്പെന്ഷന്
ഹൈദരാബാദ്: കോച്ചിന്റെ മുറിയില് നിന്നും സംശയാസ്പദമായ രീതിയില് വനിതാ ടേബിള് ടെന്നീസ് താരങ്ങള് ഇറങ്ങിവരുന്നത് സി സി ടി വി ക്യാമറയില്. ആന്ധ്രപ്രദേശില് വെച്ച് നടന്ന എഴുപത്താറാമത് നാഷണല് കേഡറ്റ് ആന്ഡ് സബ് ജൂനിയര് ചാമ്പ്യന്ഷിപ്പിനിടെയാണ് സംഭവം. 19 കാരനായ കോച്ച്, സ്വന്തം മുറിയില് നിന്നും ഒരു കളിക്കാരിയെ പുറത്തേക്ക് വലിക്കുന്ന ദൃശ്യങ്ങളാണ് ക്യാമറയില് പതിഞ്ഞിട്ടുള്ളത്.
ഛത്തീസ്ഗഡിന്റെ വനിതാ ടേബിള് ടെന്നീസ് ടീമിലെ അംഗങ്ങളാണ് ക്യാമറയില് പെട്ടത്. പ്രാഥമിക അന്വേഷണത്തിന് ശേഷം ഛത്തീസ്ഗഡ് സംസ്ഥാന ടേബിള് ടെന്നീസ് അസോസിയേഷന് കോച്ചിനെയും കളിക്കാരിയെയും വിലക്കിയിട്ടുണ്ട്. ദേശീയ ഗെയിംസില് ഇരുവര്ക്കും പങ്കെടുക്കാനാവില്ല. 2014 ഡിസംബര് 26 ന് രാത്രിയാണ് സംഭവം.
ഇത് സംബന്ധിച്ച റിപ്പോര്ട്ട് തനിക്ക് ഡിസംബര് 31 നാണ് കിട്ടിയത് എന്ന് ഛത്തീസ്ഗഡ് സംസ്ഥാന ടേബിള് ടെന്നീസ് അസോസിയേഷന് പ്രസിഡണ്ട് ശരദ് ശുക്ല പറഞ്ഞു. കളഇക്കാരിയും കോച്ചും മൊബൈല് ഫോണിനെക്കുറിച്ച് തര്ക്കിക്കുകയായിരുന്നു എന്ന് തങ്ങള്ക്ക് വിവരം കിട്ടിയിട്ടുണ്ട്. അതാണ് സി സി ടി വി ദൃശ്യങ്ങളില് കാണുന്നത്. എന്തായാലും കോച്ചിനെയും താരത്തെയും സസ്പെന്ഡ് ചെയ്തിട്ടുണ്ട്.
ഛത്തീസ്ഗഡ് സംസ്ഥാന ടേബിള് ടെന്നീസ് അസോസിയേഷന് ജനറല് സെക്രട്ടറി അമിതാഭ് ശുക്ല ഈ സംഭവത്തെ തുടര്ന്ന് രാജിവെച്ചിരുന്നു. ഇക്കാര്യം അന്വേഷിച്ച് റിപ്പോര്ട്ട് സമര്പ്പിക്കാനായി മൂന്നംഗ സംഘത്തെ ചുമതലപ്പെടുത്തിയിട്ടുണ്ട്. രണ്ട് ദിവസം മുമ്പാണ് തങ്ങള് ഈ സംഭവത്തെ കുറിച്ച് അറിഞ്ഞതെന്ന് ദേശീയ ടബിള് ടെന്നീസ് അസോസിയേഷന് ഭാരവാഹികള് പറഞ്ഞു.