• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ചലച്ചിത്ര താരം സണ്ണി ഡിയോള്‍ ബിജെപിയില്‍ ചേര്‍ന്നു: ഗുരുദാസ് പൂരില്‍ നിന്ന് മത്സരിച്ചേക്കും!!

  • By S Swetha

ദില്ലി: ദിവസങ്ങള്‍ നീണ്ട അഭ്യൂഹങ്ങള്‍ക്ക് വിരാമമിട്ട് ചലച്ചിത്ര താരം സണ്ണി ഡിയോള്‍ ബിജെപിയില്‍ ചേര്‍ന്നു. ബിജെപി അധ്യക്ഷന്‍ അമിത്ഷായുമായി കൂടിക്കാഴ്ച നടത്തിയതിന് പിന്നാലെയാണ് പാര്‍ട്ടി പ്രവേശന പ്രഖ്യാപനം. പഞ്ചാബിലെ ഗുരുദാസ് പൂരില്‍ നിന്നും സണ്ണി ബിജെപി സ്ഥാനാര്‍ഥിയായേക്കുമെന്നും റിപ്പോര്‍ട്ടുകളുണ്ട്.

കശ്മീരില്‍ തിരഞ്ഞെടുപ്പ് ബഹിഷ്കരണം? അനന്ത്നാഗില്‍ പോളിംഗ് നിരക്ക് ൦%, ഒറ്റ വോട്ടര്‍മാരില്ലെന്ന്!!

തന്റെ പിതാവ്(ധര്‍മേന്ദ്ര) എങ്ങനെയാണോ അടല്‍ ബിഹാരി വാജ്‌പേയിയോട് ചേര്‍ന്ന് പ്രവര്‍ത്തിച്ചിരുന്നത് അതേ പോലെ തന്നെ താനും പ്രധാനമന്ത്രി നരേന്ദ്ര മോദിയോട് ചേര്‍ന്ന് പ്രവര്‍ത്തിക്കാന്‍ ആഗ്രഹിക്കുന്നതായി പാര്‍ട്ടി പ്രവേശനത്തിന് ശേഷം സണ്ണി ഡിയോള്‍ പ്രതികരിച്ചു. യുവാക്കള്‍ക്ക് മോദിയെ പോലുള്ള നേതാക്കളെയാണ് ആവശ്യമെന്നും, അദ്ദേഹം കുറച്ചു സംസാരിക്കുകയും കൂടുതല്‍ പണിയെടുക്കുകയും ചെയ്യുന്നയാളാണെന്നും സണ്ണി കൂട്ടിച്ചേര്‍ത്തു.

കഴിഞ്ഞ ആഴ്ച അമിത്ഷായുമായി നടത്തിയ കൂടിക്കാഴ്ചയ്ക്കു ശേഷം സണ്ണി ഡിയോള്‍ രാഷ്ട്രീയ പ്രവേശനം നടത്തുന്നുവെന്ന തരത്തിലുള്ള വാര്‍ത്തകള്‍ പ്രചരിച്ചിരുന്നു. ''ഞാന്‍ രാഷ്ട്രീയത്തില്‍ പ്രവേശിക്കുന്നുവെന്ന തരത്തിലുള്ള കിംവദന്തികള്‍ പ്രചരിക്കുന്നുണ്ട്. അദ്ദേഹത്തെ(അമിത് ഷാ) ഞാന്‍ കണ്ടിരുന്നു, ഞങ്ങള്‍ ഒന്നിച്ച് ഫോട്ടോയെടുത്തു. അത്ര മാത്രമേയുള്ളു. ഇതായിരുന്നു കൂടിക്കാഴ്ചക്ക് ശേഷം സണ്ണി ഡിയോളിന്റെ പ്രതികരണം.

പഞ്ചാബില്‍ ശിരോമണി അകാലിദളുമായി സഖ്യമുണ്ടാക്കിയ ബിജെപി 13 പാര്‍ലമെന്ററി സീറ്റുകളില്‍ അമൃത്സര്‍, ഗുര്‍ദാസ്പൂര്‍, ഹോഷിയാര്‍പൂര്‍ എന്നീ 3 ഇടങ്ങളിലാണ് മത്സരിക്കുന്നത്. 2017ല്‍ അന്തരിച്ച ചലച്ചിത്ര താരം വിനോദ് ഖന്നയുടെ നിയോജക മണ്ഡലമാണ് ഗുര്‍ദാസ് പൂര്‍. 62കാരനായ സണ്ണിയുടെ അഭിനയ മികവ് തെളിയിച്ച ചിത്രങ്ങളായിരുന്നു ഗദ്ദര്‍: ഏക് പ്രേംകഥ, ദാമിനി, ഗായല്‍, ബോര്‍ഡര്‍ എന്നിവ.

English summary
Film actor Sunny Deol joins BJP, may get ticket from Gurdaspur

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more