ചരിത്രത്തില്‍ ആദ്യമായി ബജറ്റില്‍ ഇടവേള

ദില്ലി: ചരിത്രത്തില്‍ ആദ്യമായി കേന്ദ്ര ബജറ്റ് അവതരണത്തിനിടെ ഇടവേള. ആദ്യമായാണ് ധനമന്ത്രി ബജറ്റ് അവതരണത്തിനിടെ ഇടവേള ആവശ്യപ്പെടുന്നത്. ബജറ്റ് അവതരണം മുക്കാല്‍ മണിയ്ക്കൂര്‍ എത്തിയപ്പോഴാണ് കേന്ദ്ര ധനമന്ത്രി അരുണ്‍ ജെയ്റ്റ്ലി അഞ്ച് മിനിറ്റ് ഇടവേള ആവശ്യപ്പെടുന്നത്. സ്പീക്കര്‍ സുമിത്ര മഹാജന്‍ ഇടവേള അനുവദിച്ചു.

ആരോഗ്യ പ്രശ്‌നങ്ങള്‍ ഉള്ളതിനാലാണ് അരുണ്‍ ജെയ്റ്റ്ലി അഞ്ച് മിനിട്ട് ഇടവേള ആവശ്യപ്പെട്ടത്. തുടര്‍ന്ന് ഇരുന്നുകൊണ്ട് ബജറ്റ് അവതരിപ്പിയ്ക്കാനും അനുമതി നല്‍കി.

നികുതി പരിഷ്‌കരണത്തിന് ഊന്നല്‍ നല്‍കുന്നതാണ് ബജറ്റ്. സ്ത്രീ സുരക്ഷയ്ക്കായി 200 കോടി രൂപയും ബജറ്റില്‍ അനുവദിച്ചു. 8 ലക്ഷം കോടി രൂപ കാര്‍ഷിക വായ്പ നല്‍കും.

നൂറ് സ്മാര്‍ട്ട് സിറ്റികള്‍ വികസിപ്പിയ്ക്കാന്‍ 7060 കോടി രൂപ, പ്രതിരോധം-ഇന്‍ഷുറന്‍സ് എന്നിവയില്‍ നേരിട്ടുള്ള വിദേശ നിക്ഷേപം കൂട്ടും. കേരളത്തിന് ഐഐടി എന്നിവയും ബജററില്‍ പറയുന്നുണ്ട്. എന്നാല്‍ കേരളം ഏറെ പ്രതീക്ഷയോടെ കാത്തിരുന്ന വിഴിഞ്ഞം പദ്ധതിയെപ്പറ്റി ബജറ്റില്‍ പരാമര്‍ശം ഇല്ല.

English summary

Budget 2014: Finance Minister Takes Unprecedented Break During Speech