ചെന്നൈ അപ്പാര്ട്ട്മെന്റില് തീപ്പിടുത്തം!! രണ്ടു കുട്ടികളടക്കം നാലു മരണം, മരിച്ചത് പൊള്ളലേറ്റല്ല!!
തിങ്കളാഴ്ച പുലര്ച്ചെയാണ് അഗ്നിബാധയുണ്ടായത്
ചെന്നൈ: ചെന്നൈയിലെ വടപളനിയില് അപ്പാര്ട്ട്മെന്റിലുണ്ടായ തീപ്പിടുത്തത്തില് നാലു പേര് മരിച്ചു. ഇവരില് രണ്ടു പേര് കുട്ടികളാണ്. മീനാക്ഷി (60), ശെല്വി (30), ശാലിനി (10), സഞ്ജയ് (4) എന്നിവരാണ് മരിച്ചത്.
അഞ്ചു പേര്ക്കു കൂടി അപകടത്തില് പരിക്കേറ്റിട്ടുണ്ട്. ഇവരെ ആശുപത്രിയില് പ്രവേശിപ്പിച്ചിരിക്കുകയാണ്.
ആശുപത്രിയില് വച്ചാണ് നാലു പേര് മരണത്തിനു കീഴടങ്ങിയത്. അമിതമായി പുക ശ്വസിച്ചതു മൂലം ശ്വാസം മുട്ടിയാണ് ഇവര് മരിച്ചതെന്നു ഡോക്ടര്മാര് അറിയിച്ചു.
അപ്പാര്ട്ടമെന്റിന്റെ താഴത്തെ നിലയിലാണ് അഗ്നിബാധയുണ്ടായത്.
തിങ്കളാഴ്ച പുലര്ച്ചെ 4.45ഓടെയായാണ് സൗത്ത് പെരുമാള് സ്ട്രീറ്റിലെ അപ്പാര്ട്ട്മെന്റില് തീപ്പിടുത്തമുണ്ടായത്. ഇലക്ട്രിസിറ്റി ബോക്സില് നിന്നുണ്ടായ തീ പിന്നീട് മറ്റിടങ്ങളിലേക്കു വ്യാപിക്കുകയായിരുന്നു.
തീപ്പിടുത്തമുണ്ടായപ്പോള് കടുത്ത പുക അപ്പാര്ട്ട്മെന്റിലെ മറ്റു നിലകളിലേക്കും വ്യാപിക്കുകയായിരുന്നു. അപ്പാര്ട്ട്മെന്റിനു താഴെ നിര്ത്തിയിട്ടിരുന്ന 14 വാഹനങ്ങള് തീപ്പിടുത്തതില് കത്തി നശിച്ചു.
Click it and Unblock the Notifications
Sign in with Google