ആള്ദൈവം ആശാറാം ബാപ്പുവിന്റെ ആശ്രമത്തില് തീയിട്ടു
രുദ്രാപൂര്: ലൈംഗിക പീഡനക്കേസില് അറസ്റ്റിലായി ജയിലില് കഴിയുന്ന സ്വയംപ്രഖ്യാപിത ആള്ദൈവം ആശാറാം ബാപ്പുവിന്റെ ആശ്രമത്തിന് തീയിട്ടു. ഉത്തരാഞ്ചല് രുദ്രാപൂര് വില്ലേജിലെ ആശ്രമത്തിനാണ് ഗ്രാമവാസികള് തീയിട്ടത്. നൂറോളം ഗ്രാമവാസികള് ആശ്രമത്തെ തീയിട്ടു നശിപ്പിക്കുകയായിരുന്നു.
ആശ്രമത്തിനുള്ളിലെ ഫയലുകളെല്ലാം കത്തി നശിച്ചിട്ടുണ്ടെന്ന് പോലീസ് പറയുന്നു. വില പിടിപ്പുളള ചില വസ്തുക്കള് കാണാതായിട്ടുമുണ്ട്. സാമൂഹ്യവിരദ്ധരുടെ കേന്ദ്രമായി ബാപ്പുവിന്റെ ആശ്രമം മാറിയെന്ന് ഗ്രാമവാസികള് ആരോപിക്കുന്നു.
കഴിഞ്ഞ ദിവസം വീട്ടിലേക്ക് പോകുകയായിരുന്ന കേസിലെ സാക്ഷി കൃപാല് സിങ്ങിനെ ബൈക്കിലെത്തിയ സംഘം വെടിവെക്കുകയുണ്ടായി. ഗുരുതരുമായി പരിക്കേറ്റ കൃപാല് സിങ് ആശുപത്രി ചികിത്സയില് കഴിയവെയാണ് മരണത്തിന് കീഴടങ്ങിയത്.
ആശാറാം ബാപ്പു പ്രതിയായ പീഡനക്കേസില് സിങ് നിര്ണ്ണായക മൊഴി നല്കിയിരുന്നു. ഇതില് പ്രതിഷേധിച്ച് ബാപ്പുവിന്റെ ആളുകളാണ് അദ്ദേഹത്തെ ആക്രമിച്ചതെന്ന് ആരോപണമുണ്ടായിരുന്നു. ഇതിനിടയില്, ആശാറാം ബാപ്പുവിനെതിരായ പീഡനക്കേസ് അന്വേഷിക്കുന്ന വനിതാ പോലീസ് ഉദ്യോഗസ്ഥര്ക്ക് ഭീഷണി കത്തും എത്തിയിരുന്നു. അന്വേഷണം അവസാനിപ്പിക്കമെന്നായിരുന്നു ഭീഷണി.