വിമാനത്തില് സോനു നിഗത്തിന്റെ ഗാനമേള, അഞ്ച് എയര്ഹോസ്റ്റ്സുമാര്ക്ക് സസ്പെന്ഷന്
മുംബൈ: കഴിഞ്ഞ മാസം ബോളിവുഡ് ഗായകന് സോനു നിഗം വിമാനത്തില്വെച്ച് പാട്ടുപാടിയത് ഏറെ ചര്ച്ചാ വിഷയമായിരുന്നു. മുംബൈയില് നിന്നും ജോദ്പൂരിലേക്കുള്ള വിമാനയാത്രയ്ക്കിടെയായിരുന്നു സോനുവിന്റെ ആകാശ പെര്ഫോമന്സ്. യാത്രക്കാര്ക്ക് നല്ലൊരു നിമിഷം സോനു സമ്മാനിച്ചെങ്കിലും പാടാന് അനുവദിച്ചത് വിവാദമായിരുന്നു.
സംഭവത്തെതുടര്ന്ന് അഞ്ച് എയര്ഹോസ്റ്റ്സുമാരെ അധികൃതര് പുറത്താക്കിയിരിക്കുകയാണ്. ജെറ്റ് എയര്വെയ്സിലെ എയര്ഹോസ്റ്റസുകളാണ് സോനു നിഗത്തെ പാട്ടു പാടാന് അനുവദിച്ചത്. അറിയിപ്പുകള് നല്കുന്ന മൈക്ക് ഉപയോഗിച്ചാണ് സോനു ഗാനമേള അവതരിപ്പിച്ചിച്ചത്. അനൗണ്സ്മെന്റ് സിസ്റ്റം ദുരുപയോഗം ചെയ്തതിനെതിരെയാണ് ജീവനക്കാര്ക്കെതിരെ നടപടിയെടുത്തത്.
വിമാനത്തില് ഗാനമേള
ജെറ്റ് എയര്വെയ്സ് വിമാനത്തില് കഴിഞ്ഞ മാസമാണ് സോനു നിഗം ഗാനമേള നടത്തിയത്. മുംബൈയില് നിന്നും ജോദ്പൂരിലേക്കുള്ള വിമാനയാത്രയ്ക്കിടെയായിരുന്നു സോനുവിന്റെ ഗാനാലാപനം.
മൈക്കിലൂടെ
വിമാനത്തിലെ അനൗണ്സ്മെന്റ് സിസ്റ്റം ഉപയോഗിച്ചാണ് സോനു പാടിയത്. സോനു നിഗത്തിനെ കണ്ട യാത്രക്കാര് പാടാന് ആവശ്യപ്പെടുകയായിരുന്നു.
എയര് ഹോസ്റ്റസുമാരുടെ അനുമതിയോടെ
യാത്രക്കാര് ആവശ്യപ്പെട്ടതോടെ സോനു എയര് ഹോസ്റ്റസുമാരുടെ അനുമതിയോടെ പാടുകയായിരുന്നു. രണ്ട് ഹിറ്റ് പാട്ടുകളാണ് സോനു ആലപിച്ചത്. പാട്ടില് മുഴുകിയ യാത്രക്കാര് സോനുവിനൊപ്പം പാടുകയായിരുന്നു.
ദുരുപയോഗം
അനൗണ്സ്മെന്റ് സിസ്റ്റം ദുരുപയോഗം ചെയ്തെന്ന് പറഞ്ഞ് അഞ്ച് എയര്ഹോസ്റ്റസുമാരെ ജെറ്റ് എയര്വേസ് പുറത്താക്കുകയാണ് ചെയ്തത്. ഇനിയും ഇത്തരം ദുരുപയോഗം ഉണ്ടാകാം എന്ന വിശകലനത്തിനുശേഷമാണ് അധികൃതര് നടപടിയെടുത്തത്.
വീഡിയോ വൈറല്
വിമാനത്തിലുണ്ടായിരുന്ന ഒരു യാത്രക്കാരി ഈ ദൃശ്യങ്ങള് പകര്ത്തി ഫേസ്ബുക്കിലും യൂട്യൂബിലും ഇട്ടതോടെയാണ് സംഗതി പുലിവാലായത്. വീഡിയോ ഇതിനോടകം വൈറലായി കഴിഞ്ഞു. സോനു നിഗത്തിന്റെ വിമാന ഗാനമേള കണ്ടു നോക്കൂ.
ലൈക്ക് വണ്ഇന്ത്യ
വേറിട്ടൊരു
വാര്ത്താ
വായനാനുഭവത്തിന്
മലയാളം
വണ്ഇന്ത്യയുടെ
ഫേസ്
ബുക്ക്
എക്കൗണ്ട്
ലൈക്ക്
ഇവിടെ
ക്ലിക്ക്
ചെയ്യൂ
ഫോളോ
ട്വിറ്റര്