അന്യജാതിയില്പ്പെട്ട യുവാവിനെ വിവാഹം ചെയ്ത ദളിത് പെണ്കുട്ടിയെ വിവസ്ത്രായാക്കി തെരുവിലൂടെ നടത്തിച്ചു
ലെഖ്നൗ: ഏകദേശം ഒരു വര്ഷം മുന്പാണ് ഷാജഹാന്പൂര് ഹരേവ ജില്ലയില് 5 ദളിത് സ്ത്രീകളെ വിവസ്ത്രായാക്കി തെരുവിലൂടെ നടത്തിച്ചത്. ദളിതര്ക്കു നേരെയുള്ള ആക്രമണത്തിന്റെ തുടര്ച്ചയെന്നോണം തിങ്കളാഴ്ച അന്യജാതിയില്പ്പെട്ട യുവാവിനെ വിവാഹം കഴിച്ചതിന് പെണ്കുട്ടിയെ വിവസ്ത്രയാക്കി തെരുവിലൂടെ നടത്തിച്ചു.
പെണ്കുട്ടിയുടെ വീട്ടില് ഭര്ത്താവും മറ്റു ബന്ധുക്കളും ഇല്ലാത്ത സമയത്ത് വീട്ടില് എത്തിയ അജ്ഞാതന് പെണ്കുട്ടിയെ മര്ദിച്ച് വിവസ്ത്രായാക്കി തെരുവിലൂടെ നടത്തിച്ചത്. വടി ഉപയോഗിച്ച് അടിച്ചിരുന്നതായും പറയുന്നു. ബോധംക്കെട്ട് തളര്ന്ന് വീണപ്പോള് അടുത്തുള്ള കുളത്തില് തള്ളിയിട്ട് ഇയാള് രക്ഷപ്പെട്ടു.
ബോധം തിരിച്ച് കിട്ടിയതിന് ശേഷം അടുത്ത ബന്ധുവിന്റെ സഹായത്തോടെ പോലീസില് പരാതി നല്കാന് പോയെങ്കിലും പരാതി സ്വീകരിച്ചില്ല. പരാതി രജിസ്റ്റര് ചെയ്യാതെ പെണ്കുട്ടിയെ തിരിച്ചയക്കുകയാണ് ചെയ്തത്.
വീട്ടുക്കാര് തമ്മിലുള്ള തര്ക്കമാണ് പ്രശ്നത്തിന് പിന്നിലെന്നാണ് പോലീസ് പറയുന്നത്. സംഭവത്തെക്കുറിച്ച് ഗ്രാമത്തില് അന്വേഷിച്ചപ്പോള് ആരും മൊഴി നല്കാനും തയ്യാറായില്ല എന്നും പറയുന്നു. ഒബിസി വിഭാഗത്തില്പ്പെട്ട യുവാവാണ് പെണ്കുട്ടിയെ വിവാഹം ചെയ്തിരിക്കുന്നത്. ഇതിലുള്ള ദേഷ്യമാണ് യുവാവിന്റെ വീട്ടുക്കാര് തീര്ത്തത്തെന്നും പറയുന്നു.