റഫേല് യുദ്ധ വിമാനം പറത്തുന്ന രാജ്യത്തെ ആദ്യ വനിതാ പൈലറ്റാകാൻ ശിവാംഗി സിംഗ്, വരാണസിക്ക് അഭിമാനം
ദില്ലി: റഫേല് യുദ്ധ വിമാനം പറത്തുന്ന രാജ്യത്തെ ആദ്യത്തെ വനിതാ പൈലറ്റ് എന്ന റെക്കോര്ഡ് സ്വന്തമാക്കാന് ഫ്ളൈറ്റ് ലെഫ്റ്റനന്ഡ് ശിവാംഗി സിംഗ്. ആദ്യമായി ഒരു വനിതാ പൈലറ്റ് റഫേല് പറത്തുമെന്ന വാര്ത്തകള് നേരത്തെ പുറത്ത് വന്നിരുന്നു. എന്നാല് ആരാണാ വനിത എന്ന വിവരം പുറത്ത് വന്നിരുന്നില്ല. 2017ലാണ് ഫ്ളൈറ്റ് ലെഫ്റ്റനന്ഡ് ശിവാംഗി സിംഗ് ഇന്ത്യന് വ്യോമസേനയുടെ ഭാഗമായത്.
Recommended Video
ഇന്ത്യന് വ്യോമസേനയിലെ വനിതാ പൈലറ്റുകളുടെ രണ്ടാമത്തെ ബാച്ചിലെ അംഗമാണ് ഫ്ളൈറ്റ് ലെഫ്റ്റനന്ഡ് ശിവാംഗി സിംഗ്. ഉത്തര്പ്രദേശിലെ വരാണസി സ്വദേശിനിയാണ് ശിവാംഗി സിംഗ്. നിലവില് അംബാലയിലെ 17 സ്ക്വാഡ്രോണിലെ റാഫേല് വിമാനം പറത്തുന്ന ഗോള്ഡണ് ആരോസിന്റെ ഭാഗമാകാനുളള പരിശീലനത്തിലാണ് ശിവാംഗി സിംഗ്. റാഫേല് വിമാനം പറത്തുന്നതിനുളള കണ്വേര്ഷന് പരിശീലനത്തിലാണ് ശിവാംഗി.. ഒരു വിമാനം പറത്തുന്നതില് നിന്ന് മറ്റൊന്നിലേക്ക് മാറുന്നതിന്റെ ഭാഗമായാണ് കണ്വേര്ഷന് പരിശീലനം നല്കുന്നത്.
ചിത്രത്തിന് കടപ്പാട്: Twitter
ഓഗസ്റ്റ് മുതല് റാഫേല് യുദ്ധ വിമാനം പറത്താനുളള പരിശീലനം നേടുകയാണ് ശിവാംഗി. നേരത്തെ മിഗ് 21 വിമാനം പറത്തുന്ന വനിതാ പൈലറ്റാണ് ശിവാംഗി.
കഴിഞ്ഞ വര്ഷം ഫെബ്രുവരി 27ന് പാകിസ്താന് വിമാനം വെടിവെച്ച് വീഴ്ത്തുകയും തുടര്ന്ന് പാക് കസ്ററഡിയിലാവുകയും ചെയ്ത വിംഗ് കമാന്ഡര് അഭിനന്ദന് വര്ധമാനൊപ്പം ശിവാംഗി സിംഗ് വിമാനം പറത്തിയിട്ടുളളതായി റിപ്പോര്ട്ടുകളുണ്ട്. കുട്ടിക്കാലം മുതല് പൈലറ്റാവുക എന്നത് തന്നെ ആയിരുന്നു ശിവാംഗി സിംഗിന്റെ സ്വപ്നം. 2016ല് ആണ് ശിവാംഗി സിംഗ് എയര് ഫോഴ്സ് അക്കാദമിയില് ചേര്ന്നത്. ബനാറസ് ഹിന്ദു സര്വ്വകലാശാലയില് പഠനം പൂര്ത്തിയാക്കിയ ശേഷമായിരുന്നു അത്.
2016ലാണ് യുദ്ധവിമാനങ്ങള് പറത്തുന്നതിന് വനിതാ പൈലറ്റുമാരേയും കേന്ദ്ര സര്ക്കാര് അനുവദിച്ച് തുടങ്ങിയത്. അന്ന് മുതല് ഇന്ത്യന് വ്യോമസേന 10 വനിതാ പൈലറ്റുമാരെ ആണ് സേനയില് ഉള്പ്പെടുത്തിയിരിക്കുന്നത്. നിരവധി പേര് പരിശീലനം നേടിക്കൊണ്ടിരിക്കുന്നുമുണ്ട്. നിലവില് ഇന്ത്യന് വ്യോമസേനയുടെ ഭാഗമായിട്ടുളള വനിതാ പൈലറ്റുകള് സു-30എംകെഐ വിമാനങ്ങളും മിഗ്-29 യുപിജി അടക്കമുളള വിമാനങ്ങളും പറത്തുന്നവരാണ്. 2016ല് ഫ്ളൈറ്റ് ലഫ്. അവനി ചതുര്വേദി, ഫ്ളൈറ്റ് ലഫ്.ഭവന്ന കാന്ത്, ഫ്ളൈറ്റ് ലഫ്. മോഹന സിംഗ് എന്നിവരാണ് രാജ്യത്തെ ആദ്യമായി പോര്വിമാനങ്ങള് പറത്തിയ വനിതാ പൈലറ്റുകള്.
ജൂലൈയിലാണ് ഫ്രാന്സില് നിന്നും 5 റാഫേല് യുദ്ധ വിമാനങ്ങള് അംബാലയിലെ ഗോള്ഡണ് ആരോസ് സ്ക്വാഡ്രോണിലെത്തിയത്. ആഗസ്റ്റ് മുതല് ലഡാക്കിലടക്കം റാഫേല് വിമാനങ്ങള് പറക്കല് നടത്തിയിരുന്നു. പൂര്ണമായും സേവന സജ്ജമാക്കുന്നതിന്റെ ഭാഗമായി ലേയില് റാഫേല് എത്തിച്ചിരുന്നു. ഒക്ടോബറിലും നവംബറിലുമായി കൂടുതല് റഫാല് വിമാനങ്ങള് രാജ്യത്തെത്തും. 2021ഓട് കൂടി കരാര് പ്രകാരമുളള 36 റഫാല് വിമാനങ്ങളും രാജ്യത്തെത്തും.
-
പുതിയ വീട് വാങ്ങാൻ സാധിക്കും, സാമ്പത്തിക ഇടപാടുകൾ സൂക്ഷിക്കുക, തൊഴിലിൽ നഷ്ടം, സാമ്പത്തിക വാരഫലം -
മഞ്ജു വാര്യരുടെ ഇൻസ്റ്റഗ്രാമിൽ ദിലീപിൻ്റെ മുഖം;ഡിവോഴ്സ് ആയതിന് ശേഷം ആദ്യം..കാരണം -
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
സ്വർണ വില ഇനി പരമാവധി പോയാൽ 1.10 ലക്ഷം വരെ..ഈ വർഷം 2 ലക്ഷമൊന്നും ആകില്ല; പ്രവചനം -
രഞ്ജിത്തിനെതിരെ ഇത് മൂന്നാമത്തെ പീഡനക്കേസ്; രക്ഷപ്പെടാനുള്ള നീക്കം പാളി, ഒടുവിൽ പോലീസ് കുടുക്കി -
പാലക്കാട് രമേഷ് പിഷാരടി തൂക്കും, തൃത്താല ബൽറാം തിരിച്ച് പിടിക്കും, ശോഭ പിന്നെയും തോൽക്കും, മനോരമ സർവ്വേഫലം -
'500 രൂപയില് തുടങ്ങിയ പിഷാരടി ദിവസവും ഒന്നര ലക്ഷം വാങ്ങാന് ആരംഭിച്ചു'; ആ വളര്ച്ച അസൂയാവഹം -
'ഒറ്റയ്ക്ക് വഴി വെട്ടി വന്നവളാണ്, അതിന്റെ അഹങ്കാരം നല്ലോണമുണ്ട്', തെറിവിളികളോട് നടി ലക്ഷ്മി പ്രിയ -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
പിണറായി 3.0 സാധ്യമോ? മധ്യ കേരളത്തിൽ യുഡിഎഫ് മുന്നേറ്റമുണ്ടാക്കും; ഇടത് കോട്ടകൾ വീഴുമെന്ന് സർവേ -
ഇറാനിൽ അമേരിക്കൻ സൈന്യം വന്നാൽ റഷ്യ ഇടപെടും? പ്രഖ്യാപനത്തിൽ നടുങ്ങി ലോകം -
ബെംഗളൂരു ജീവിതം കൈപ്പൊള്ളിക്കും; വെള്ളം മുതൽ വൈദ്യുതി വരെ എല്ലാത്തിനും നാളെ മുതൽ വില ഉയരും
Click it and Unblock the Notifications
Sign in with Google