ബില്യണ് ഡേയ്സ്; ഫ്ളിപ്കാര്ട്ട് ആദ്യ 10 മണിക്കൂറില് വിറ്റത് 10 ലക്ഷം ഉത്പന്നങ്ങള്
ദില്ലി: 'ബിഗ് ബില്യണ് ഡേയ്സ്' എന്ന പേരില് അഞ്ചുദിവസം മെഗാ ഡിസ്കൗണ്ട് മേള ഒരുക്കിയ ഇ കോണേഴ്സ് വെബ്സൈറ്റ് ഫ്ളിപ്കാര്ട്ടിന് ആദ്യ ദിവസം തന്നെ വന് വില്പന. ഓഫര് തുടങ്ങി ആദ്യ പത്തു മണിക്കൂറിനുള്ളില് 10 ലക്ഷം ഉത്പന്നങ്ങള് വിറ്റഴിച്ചെന്ന് ഫ്ളിപ്കാര്ട്ട് മേധാവി മുകേഷ് ബന്സാല് അറിയിച്ചു.
രാജ്യത്ത് എല്ലാ ഭാഗത്തുനിന്നും 6 മില്യണ് പേജ് വ്യൂവേഴ്സ്, കൂടാതെ ഓരോ സെക്കറ്റിലും 25 ഐറ്റംസ് വിറ്റുപോയെന്നും കമ്പനി അവകാശപ്പെടുന്നു. ഇത്രയധികം പിന്തുണ ആദ്യദിവസം തന്നെ ലഭിച്ചതില് അത്ഭുതപ്പെട്ടിരിക്കുകയാണെന്ന് മുകേഷ് പറയുന്നു. മൊബൈല് ആപ്പിലൂടെ മാത്രമേ ഓഫര് ലഭ്യമാകൂ എന്നതിനാല് ആപ് ഡൗണ് ലോഡ് ചെയ്തതിലുമുണ്ട് റെക്കോര്ഡ് വര്ധന.
കഴിഞ്ഞ രണ്ടു ദിവസത്തിനകം 1.6 മില്യണ് പേരാണ് മൊബൈല് ആപ്ലിക്കേഷന് ഡൗണ്ലോഡ് ചെയ്തിരിക്കുന്നത്. ബെംഗളുരു, ദില്ലി, ചെന്നൈ എന്നീ മെട്രോ സിറ്റികളില് നിന്നാണ് മികച്ച പ്രതികരണം. ഫാഷന് ഐറ്റംസിന് കൂടുതല് ഓഫറുകള് നല്കുന്നതിനാലാകണം ഇതെന്നാണ് കമ്പനിയുടെ വിലയിരുത്തല്.
മെന്സ് ക്ലോത്തിങ്ങ് ആന്ഡ് ആക്സസറീസിനാണ് ഏറ്റവും മികച്ച ഓഫറുകള് നല്കിയിരിക്കുന്നത്. ബുക്ക്സ്, ഇലക്ടോണിക്സ്, ഹോം അപ്ലയന്സ് എന്നിവയ്ക്കുള്ള ഓഫറുകള് പ്രത്യേക ദിവസം മാത്രമേ ഉണ്ടായിരിക്കുകയുള്ളുവെന്നും കമ്പനി അറിയിച്ചു. ഫ് ളിപ്കാര്ട്ടിന്റെ ചുവടുപിടിച്ച് ആമസോണ് കമ്പനിയും ഓഫറുകള് നല്കുന്നുണ്ട്. ഗ്രേറ്റ് ഇന്ത്യന് ഫെസ്റ്റിവെല് സെയില് എന്ന പേരില് വിവധ ഉത്പന്നങ്ങള് കമ്പനി സൈറ്റിലൂടെയും ആപ്പിലൂടെയും വിറ്റഴിക്കുകയാണ്.