സ്ത്രീധനം പോരാ...ഭാര്യയെ അഞ്ചാം നിലയിൽ നിന്ന് തള്ളിയിട്ടു കൊന്നു !! തീർന്നില്ല ഭർത്താവിന്റെ ക്രൂരത
ഫാഷന് ഡിസൈനര് ആയ വിജയ് ശങ്കറും രൂപയും തമ്മില് രണ്ട് വര്ഷം മുമ്പാണ് വിവാഹിതരായത്.
നോയ്ഡ: സ്ത്രീധനത്തിന്റെ പേരില് 23കാരിയെ ഭര്ത്താവ് അഞ്ച് നില കെട്ടിടത്തിന്റെ മുകളില് നിന്ന് തള്ളിയിട്ട് കൊന്നു. ബീഹാര് സ്വദേശിയായ രൂപ കുമാരിയാണ് മരിച്ചത്. ഇവര്ക്ക് നേരെ ആക്രമണം നടക്കുന്ന സമയക്ക് യുവതിയുടെ ഇളയ സഹോദരി ഫ്ളാറ്റില് ഉണ്ടായിരുന്നു.
ഫാഷന് ഡിസൈനര് ആയ വിജയ് ശങ്കറും രൂപയും തമ്മില് രണ്ട് വര്ഷം മുമ്പാണ് വിവാഹിതരായത്. വിവാഹശേഷം സ്ത്രീധനം ആവശ്യപ്പെട്ട് ഭര്ത്താവും വീട്ടുകാരും നിരന്തരം യുവതിയെ ഉപദ്രവിയ്ക്കാറുണ്ടായിരുന്നു. ഇവര്ക്ക് ഒന്പത് മാസം പ്രായമായ ഒരു കുഞ്ഞുണ്ട്.
ചൊവ്വാഴ്ച വൈകീട്ടും വിജയിയും രൂപയും തമ്മില് വഴക്കുണ്ടായി. ഇതിനിടേ ഭര്ത്താവ് രൂപയെ അഞ്ചാം നിലയിലെ ഫ്ളാറ്റിന് മുകളില് നിന്ന് താഴേക്ക് തള്ളിയിടുകയായിരുന്നു.
കുഞ്ഞിനെ നോക്കാനായി ഇവരുടെ ഫ്ളാറ്റില് എത്തിയിരുന്നു രൂപയുടെ അനിയത്തി ഇതിനെല്ലാം ദൃക്സാക്ഷിയാണ്. രാവിലെ തന്നെ വിജയ് മദ്യപിച്ചിരുന്നെന്ന് സഹോദരി പറയുന്നു. തള്ളിയിടുന്നതിന് മുമ്പ് യുവാവ്, രൂപയെ ക്രൂരമായി മര്ദ്ദിച്ചിരുന്നു.
വിവാഹത്തിന് ശേഷം വിജയും വീട്ടുകാരും രൂപയെ സ്ത്രീധനത്തിന്റെ പേരില് പീഡിപ്പിച്ചിരുന്നതായി രൂപയുടെ സഹോദരന് മൊഴി നല്കിയിട്ടുണ്ട്. ഇടക്ക് കുറച്ച് പണം നല്കി പ്രശ്നം പരിഹരിയ്ക്കാന് നോക്കിയിരുന്നു. എന്നാല് വീണ്ടും വീണ്ടും പണം ആവശ്യപ്പെടുകയായിരുന്നു.
മരണം നടന്ന അന്ന് രാവിലെ തന്നെ വീട്ടില് വിളിച്ച് രൂപ എല്ലാ കാര്യങ്ങളും പറഞ്ഞിരുന്നു. സ്ത്രീധന പീഡനത്തിന് വിജയ്ക്ക് എതിരെ പോലീസ് കേസ് എടുത്തിട്ടുണ്ട്.