Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
അനുപം ഖേറിനും ഭാര്യയ്ക്കും എതിരെ ചീമുട്ടയേറ്
ചണ്ഡിഗഡ്: താരദമ്പതികളായ അനുപം ഖേര്‍ - കിരണ്‍ ഖേര്‍ എന്നിവര്‍ക്കെതിരെ ബി ജെ പി പ്രവര്‍ത്തകര്‍ ചീമുട്ടയെറിഞ്ഞു. ചണ്ഡിഗഡിലെ തങ്ങളുടെ സ്വന്തം സ്ഥാനാര്‍ഥിയായ കിരണ്‍ ഖേറിനോടുള്ള പ്രതിഷേധത്തിന്റെ ഭാഗമായിട്ടാണ് ബി ജെ പി പ്രവര്‍ത്തകര്‍ ഈ ആക്രമണം നടത്തിയത്. കിരണ്‍ ഖേര്‍ ഗോ ബാക്ക് എന്ന് മുദ്രാവാക്യം വിളിച്ചും കരിങ്കൊടി കാണിച്ചുമാണ് ഇവര്‍ കിരണ്‍ ഖേറിനെയും ഭര്‍ത്താവ് അനുപം ഖേറിനെയും നേരിട്ടത്.
ലോക്‌സഭ തിരഞ്ഞെടുപ്പിനുള്ള ക്യാംപെയ്ന്‍ തുടങ്ങാനായി ഭര്‍ത്താവ് അനുപം ഖേറിനൊപ്പം ചണ്ഡിഗഡില്‍ എത്തിയതായിരുന്നു കിരണ്‍ ഖേര്‍. എന്നാല്‍ തങ്ങളുടെ സ്ഥാനാര്‍ഥിയായി കിരണ്‍ ഖേര്‍ വേണ്ട എന്നാണ് ചണ്ഡിഗഡിലെ പാര്‍ട്ടി പ്രവര്‍ത്തകര്‍ക്ക്. കരിങ്കൊടിയും ചീമുട്ടയുമായാണ് അവര്‍ സ്ഥാനാര്‍ഥിയെ എതിരേറ്റത്.
ചണ്ഡിഗഡ് ബി ജെ പി പ്രസിഡണ്ട് സഞ്ജയ് ടണ്ഠന്‍, മുന്‍ എം പി സത്യപാല്‍, മുന്‍ കേന്ദ്രമന്ത്രി ഹര്‍മോഹന്‍ ധവാന്‍ എന്നിവര്‍ക്കും മത്സരിക്കാന്‍ താല്‍പര്യമുണ്ടായിരുന്ന മണ്ഡലമാണ് ഇത്. പ്രതിഷേധക്കാരില്‍ കൂടുതലും ഉണ്ടായിരുന്നത് ധവാന്റെ അനുയായികളാണ് എന്നും റിപ്പോര്‍ട്ടുണ്ട്.
സീരിയല്‍ - സിനിമാ നടിയായ ഗുല്‍ പനാഗാണ് ചണ്ഡിഗഡിലെ സെലിബ്രിറ്റി സ്ഥാനാര്‍ഥി. ഗുല്‍ പനാഗിനെ ആം ആദ്മ പാര്‍ട്ടി സ്ഥാനാര്‍ഥിയായി പ്രഖ്യാപിച്ചതിന് തൊട്ടുപിന്നാലെയാണ് മുതിര്‍ന്ന നടിയായ കിരണ്‍ ഖേറിനെ ബി ജെ പി തങ്ങളുടെ സ്ഥാനാര്‍ഥിയായി പ്രഖ്യാപിച്ചിരിക്കുന്നത്. പവന്‍ കുമാര്‍ ബന്‍സാലാണ് കോണ്‍ഗ്രസിന്റെ സ്ഥാനാര്‍ഥി.
