• search
  • Live TV
കാര്യങ്ങൾ അതിവേഗം അറിയാൻ
Subscribe Now  
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഷാറൂഖിനെ പിന്തള്ളി സല്ലുവാണു സുല്‍ത്താന്‍... സ്‌റ്റൈല്‍ മന്നന്‍ മുപ്പതാമത്

  • By Sreenath

മുംബൈ: ഫോബ്‌സ് മാഗസിനെ സംബന്ധിച്ചടത്തോളം ഇന്ത്യയിലെ സെലിബ്രിറ്റികളില്‍ സല്‍മാന്‍ ഖാനാണു 2016ലെ സുല്‍ത്താന്‍. വരുമാനം പ്രശസ്തി എന്നിവയുടെ അടിസ്ഥാനത്തില്‍ ഫോബ്‌സ് തയാറാക്കിയ സെലിബ്രിറ്റികളുടെ വാര്‍ഷിക പട്ടികയില്‍ സല്‍മാനാണ് ഒന്നാമത്.

ഏറ്റവും പുതിയ ചിത്രമായ സുല്‍ത്താന്‍റെ വന്‍ വിജയമാണ് സല്‍മാനെ പട്ടികയില്‍ ഒന്നാമതെത്തിച്ചത്. കഴിഞ്ഞ വര്‍ഷം ഷാരൂഖ് ഖാനായിരുന്നു ഒന്നാമന്‍. സല്‍മാന്‍ രണ്ടാം സ്ഥാനത്തായിരുന്നു. ഇത്തവണ ഷാരൂഖ് രണ്ടാം സ്ഥാനത്തായി.

പട്ടികയില്‍ സ്റ്റൈല്‍ മന്നന്‍ രജനികാന്തും ഇടം പിടിച്ചിട്ടുണ്ട്. മുപ്പതാം സ്ഥാനത്താണു രജനി. 35 കോടി രൂപയാണ് രജനീകാന്തിന്‍റെ 2016 ലെ വരുമാനം. എന്നാല്‍ പ്രശസ്തിയുടെ കാര്യത്തില്‍ രജനി അന്‍പത്തി മൂന്നാം സ്ഥാനത്താണ്.

കോലി മൂന്നാമത് സച്ചിന്‍ എഴും

ഷാരൂഖ് ഖാനു പിന്നാലെ പട്ടികയിലെ മൂന്നാം സ്ഥാനത്ത് ക്രിക്കറ്റ് താരം വിരാട് കോലിയാണ്. ക്രിക്കറ്റില്‍ നിന്നു വിരമിച്ചെങ്കിലും സച്ചിന്‍ ടെന്‍ഡുല്‍ക്കര്‍ പട്ടികയില്‍ ഏഴാം സ്ഥാനത്തുണ്ട്. ഇന്ത്യന്‍ ഏകദിന ടീം ക്യാപ്റ്റന്‍ മഹേന്ദ്ര സിങ് ധോണി അഞ്ചാം സ്ഥാനത്താണ്. ബോളിവുഡ് താരം അക്ഷയ് കുമാറാണ് നാലാം സ്ഥാനത്ത്.

പിന്നെ പ്രിയങ്കയും ദീപികയും

ക്രിക്കറ്റ് ലോകത്തു നിന്നുള്ള സെലിബ്രിറ്റികള്‍ക്കു പിന്നാലെ താര സുന്ദരികളായ ദീപിക പദുകോണും പ്രിയങ്ക ചോപ്രയുമാണ് പട്ടികയിലുള്ളത്. ദീപിക ആറാം സ്ഥാനത്തും പ്രിയങ്ക എട്ടാം സ്ഥാനത്തുമാണ്.

ബിഗ് ബിക്കു പിന്നില്‍ ഋത്വിക്

ബോളിവുഡിന്റെ ബിഗ് ബി അമിതാഭ് ബച്ചന്‍ പട്ടികയില്‍ ഒന്‍പതാം സ്ഥാനത്താണ്. ഋത്വിക് റോഷനാണു പത്താം സ്ഥാനത്ത്. പുതിയ ചിത്രമായ ദംഗലിനു വന്‍ വരവേല്‍പാണു ലഭിച്ചതെങ്കില്‍ 2016ലെ കണക്കുകള്‍ പരിഗണിക്കുമ്പോള്‍ അമീര്‍ഖാന്‍ പട്ടികയല്‍ 14ാം സ്ഥാനത്തു വരുന്നു.

റഹ്മാന്‍ പതിമൂന്നാമത്

ലോക സംഗീതജ്ഞന്‍ എആര്‍ റഹ്മാന്‍ പട്ടികയില്‍ പതിമൂന്നാം സ്ഥാനത്താണ്. കപില്‍ ശര്‍മ പതിനൊന്നാമതും രണ്‍വീര്‍ സിങ് പന്ത്രണ്ടാം സ്ഥാനത്തുമുണ്ട്.

അമീറിനും രജനിക്കു മിടയില്‍

അര്‍ജിത്ത് സിങ്ങ്, രോഹിത് ശര്‍മ്മ, യുവരാജ് സിങ്ങ്, സോനം കപൂര്‍, രണ്‍ബീര്‍ കപൂര്‍, സോനാക്ഷി സിന്‍ഹ, ഷാഹിദ് കപൂര്‍, മാധുരി ദീക്ഷിത്, ശിഖര്‍ ധവാന്‍, ജാക്വിലീന്‍ ഫെര്‍ണാണ്ഡസ്, കത്രീന കൈഫ്, സുരേഷ് റെയ്ന, ആര്‍ അശ്വിന്‍, ശ്രേയ ഘോഷാല്‍, സാനിയ മിര്‍സ എന്നിവര്‍ 100 പേരുടെ പട്ടികയില്‍ അമീര്‍ഖാനും രജനീകാന്തിനും ഇടയിലായി സ്ഥാനം പിടിച്ചിരിക്കുന്നു.

English summary
Salman Khan won the first place in Forbes magazin's celebrity of 2016 list. SRK in second place.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X