ശ്വാസകോശത്തില് അണുബാധ? സോണിയ ഗാന്ധിയെ ആശുപത്രിയില് പ്രവേശിപ്പിച്ചു
ന്യൂദല്ഹി: മുന് എ ഐ സി സി അധ്യക്ഷ സോണിയ ഗാന്ധിയെ ആശുപത്രിയില് പ്രവേശിപ്പിച്ചു. ദല്ഹിയിലെ സര് ഗംഗാറാം ആശുപത്രിയില് ആണ് സോണിയ ഗാന്ധിയെ പ്രവേശിപ്പിച്ചിരിക്കുന്നത്. പതിവ് പരിശോധനകള്ക്ക് വേണ്ടിയാണ് സോണിയ ഗാന്ധിയെ ആശുപത്രിയില് പ്രവേശിപ്പിച്ചിരിക്കുന്നത് എന്നാണ് വൃത്തങ്ങള് അറിയിക്കുന്നത്.
എന്നാല് സോണിയാ ഗാന്ധിക്ക് ശ്വാസകോശ സംബന്ധമായ അണുബാധയുണ്ട് എന്നും റിപ്പോര്ട്ടുകള് പുറത്ത് വരുന്നുണ്ട്. മകളും എ ഐ സി സി ജനറല് സെക്രട്ടറിയുമായ പ്രിയങ്ക ഗാന്ധി വധേരയും ആശുപത്രിയില് എത്തിയതായാണ് റിപ്പോര്ട്ട്. ജനുവരി 3 മുതല് സോണിയാ ഗാന്ധിക്ക് സുഖമില്ലായിരുന്നു എന്നാണ് വൃത്തങ്ങള് പറയുന്നത്.
അതിനാലാണ് ചൊവ്വാഴ്ച വൈകുന്നേരം ഉത്തര്പ്രദേശില് പ്രവേശിച്ച ഭാരത് ജോഡോ യാത്രയില് ഏഴ് കിലോമീറ്റര് നടന്ന് രാഹുല് ഗാന്ധിയും പ്രിയങ്ക ഗാന്ധിയും ഡല്ഹിയിലേക്ക് മടങ്ങിയത് എന്നും റിപ്പോര്ട്ടുകള് സൂചിപ്പിക്കുന്നു. ഡിസംബര് 28 ന് കോണ്ഗ്രസ് സ്ഥാപക ദിനത്തിലാണ് സോണിയ ഗാന്ധി അവസാനമായി പൊതുവേദിയില് എത്തിയത്. ഡിസംബര് 24ന് ദല്ഹിയില് രാഹുല് ഗാന്ധിയുടെ നേതൃത്വത്തില് നടന്ന ഭാരത് ജോഡോ യാത്രയിലും സോണിയ ഗാന്ധി പങ്കെടുത്തിരുന്നു.
അതേസമയം സോണിയാ ഗാന്ധി പെട്ടെന്ന് സുഖം പ്രാപിക്കട്ടേയെന്ന് കോണ്ഗ്രസ് നേതാവും മുന് കര്ണാടക മുഖ്യമന്ത്രിയുമായ സിദ്ധരാമയ്യ ട്വീറ്റ് ചെയ്തു. നേരത്തെ കഴിഞ്ഞ വര്ഷം ജൂണ് 12 ന് കൊവിഡ് സങ്കീര്ണതകളോടെ സോണിയ ഗാന്ധിയെ സര് ഗംഗാറാം ആശുപത്രിയില് പ്രവേശിപ്പിച്ചിരുന്നു. പിന്നീട് ജൂണ് 18 ന് ആണ് ഡിസ്ചാര്ജ് ചെയ്തിരുന്നത്. കഴിഞ്ഞ വര്ഷം രണ്ട് തവണ സോണിയ ഗാന്ധിക്ക് കൊവിഡ് ബാധിച്ചിരുന്നു.
കൊവിഡ് ബാധിച്ചത് മുതല് ആരോഗ്യപ്രശ്നങ്ങള് പലതും സോണിയാ ഗാന്ധിയെ അലട്ടുന്നുണ്ട്. ഏതാനും മാസങ്ങള്ക്ക് മുമ്പാണ് സോണിയ ഗാന്ധി കഴുത്ത് പരിശോധനയ്ക്കായി വിദേശത്തേയ്ക്ക് പോയത്.. കര്ണാടകയിലെ മാണ്ഡ്യയില് നടന്ന ഭാരത് ജോഡോ യാത്രയിലും സോണിയാ ഗാന്ധി പങ്കെടുത്തിരുന്നു. എ ഐ സി സി അധ്യക്ഷനായ മല്ലികാര്ജ്ജുന് ഖാര്ഗെ തെരഞ്ഞെടുക്കപ്പെട്ടതിനെ തുടര്ന്ന് കഴിഞ്ഞ വര്ഷം ഒക്ടോബറിലാണ് സോണിയ ഗാന്ധി പാര്ട്ടി അധ്യക്ഷ സ്ഥാനത്ത് നിന്ന് രാജിവെച്ചത്.
1998 ല് സോണിയാ ഗാന്ധി കോണ്ഗ്രസ് അധ്യക്ഷയായി ചുമതലയേറ്റത്. പിന്നീട് 2017 വരെ അധ്യക്ഷ സ്ഥാനത്ത് തുടര്ന്നു. 2017 ല് മകന് രാഹുല് ഗാന്ധിക്ക് സോണിയ ഗാന്ധി അധ്യക്ഷ സ്ഥാനം കൈമാറിയിരുന്നു. എന്നാല് 2019 ലെ ലോക്സഭാ തെരഞ്ഞെടുപ്പിലേറ്റ തോല്വിയെ തുടര്ന്ന് അധ്യക്ഷ സ്ഥാനം രാഹുല് ഗാന്ധി രാജിവെച്ചതോടെ താല്ക്കാലിക അധ്യക്ഷയായി സോണിയ ഗാന്ധി ചുമതലയേറ്റെടുക്കുകയായിരുന്നു
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google