സൗരവ് ഗാംഗുലിക്ക് ഹൃദയാഘാതം; ആശുപത്രിയില് പ്രവേശിപ്പിച്ചു, ക്രിക്കറ്റ് ലോകം ഞെട്ടലില്
കൊല്ക്കത്ത: മുന് ഇന്ത്യന് ക്രിക്കറ്റ് നായകനും ബിസിസിഐ പ്രസിഡന്റുമായ സൗരവ് ഗാംഗുലിയെ ആശുപത്രിയില് പ്രവേശിപ്പിച്ചു. ഹൃദയാഘാത്തെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. ഗാംഗുലിയെ ആന്ജിയോ പ്ലാസ്റ്റിക്ക് വിധേയനാക്കുമെന്നും റിപ്പോര്ട്ടുണ്ട്.
Recommended Video
കൊല്ക്കത്തയിലെ വുഡ്ലാന്ഡ് ആശുപത്രിയിലാണ് പ്രവേശിപ്പിച്ചത്. വീട്ടില് സജ്ജീകരിച്ച ജിമ്മില് വര്ക്ക് ഔട്ട് ചെയ്യുന്നതിനിടെ ഹൃദയ സംബന്ധമായ പ്രശ്നങ്ങള് നേരിട്ടതിനെ തുടര്ന്ന് ആശുപത്രിയില് പ്രവേശിപ്പിക്കുകയായിരുന്നു.
അതേസമയം, അദ്ദേഹത്തിന്റെ ആരോഗ്യനിലയില് പേടിക്കാനില്ലെന്ന് ഡോക്ടര്മാര് അറിയിച്ചു. ഗാംഗുലിയുടെ ആരോഗ്യസ്ഥിതി തൃപ്തികരമാണെന്നും അധികം വൈകാതെ തന്നെ ആശുപത്രി വിടാന് സാധിക്കുമെന്നാണ് പ്രതീക്ഷയെന്ന് മുന് താരം ബോറിയ മജുംദാര് ട്വീറ്റ് ചെയ്തു.
മുഷ്താഖ് അലി ട്രോഫിയുമായി ബന്ധപ്പെട്ട് ചര്ച്ചകള് നടത്തുന്നതിനായി അഹമ്മദാബാദില് ചേര്ന്ന ബിസിസിഐ യോഗത്തില് ഗാംഗുലി പങ്കെടുത്തിരുന്നു. കൊവിഡിനെ തുടര്ന്ന് താറുമാറായ ക്രിക്കറ്റിനെ പൂര്വ സ്ഥിതിയിലേക്ക് കൊണ്ടുവരുന്നതിന്റെ പരിശ്രമത്തിലായിരുന്നു ഗാംഗുലി. കൊവിഡിനെ തുടര്ന്ന് കഴിഞ്ഞ ഐപിഎല് യുഎഇയില് വച്ച് നടത്തുന്നതിന് ചുക്കാന് പിടിച്ചവരില് പ്രധാന പങ്കാളിയായിരുന്നു സൗരവ്.
സുവേന്ദുവിന്റെ സഹോദരനും തൃണമൂല് വിട്ടു, മമതയെ കുരുക്കിലാക്കി 14 കൗണ്സിലര്മാരും ബിജെപിയില്!!
എല്ഡിഎഫില് എന്സിപി പിടിമുറുക്കുന്നു, അഞ്ച് സീറ്റ് ചോദിക്കുമെന്ന് ശശീന്ദ്രന്, ജോസും ചോദിക്കട്ടെ!!
'മേളയെ പറിച്ചു നടരുത്';ഐഎഫ്എഫ്കെ നാല് മേഖലകളിലായി നടത്തുന്നതിനെതിരെ ശബരിനാഥന് എംഎല്എ
ഉമ്മൻ ചാണ്ടിയോ ചെന്നിത്തലയോ?;താരിഖ് അൻവറിന്റെ നിർദ്ദേശം ഇങ്ങനെ.. ഹൈക്കമാന്റിന് റിപ്പോർട്ട്