Click it and Unblock the Notifications
Just In
Don't Miss
-
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കര്‍ണാടകയില്‍ ആപ്പ് സ്ഥാനാര്‍ഥികളായി
ബാംഗ്ലൂര്‍: കോണ്‍ഗ്രസിന് മാത്രമല്ല, സാധാരണക്കാരുടെ കൂട്ടായ്മയായ ആം ആദ്മി പാര്‍ട്ടിക്കുമുണ്ട് സ്ഥാനാര്‍ഥി പട്ടികയില്‍ ഒരു ഇന്‍ഫോസിസ് ബന്ധം. ബാംഗ്ലൂര്‍ സെന്‍ട്രലില്‍ നിന്നും മത്സരിക്കുന്ന വി ബാലകൃഷ്ണനാണ് അത്. ഇന്‍ഫോസിസ് ബോര്‍ഡ് ഓഫ് ഡയറക്ടേഴ്‌സ് അംഗവും സി എഫ് ഓയുമായിരുന്നു വി ബാലകൃഷ്ണന്‍. ഇന്‍ഫോസിസ് സ്ഥാപകരിലൊരാളായ നന്ദന്‍ നിലേകനി കോണ്‍ഗ്രസ് ടിക്കറ്റില്‍ ബാംഗ്ലൂര്‍ സൗത്തില്‍ നിന്നാണ് മത്സരിക്കുന്നത്.
ഇന്‍ഫോസിസ് മുന്‍ സി എഫ് ഒ മാത്രമല്ല, റിട്ടയേര്‍ഡ് പോലീസും, പ്രൊഫസറും സാമൂഹ്യപ്രവര്‍ത്തകരും എന്തിന് കര്‍ഷകര്‍ വരെ ഉള്‍പ്പെടുന്നതാണ് കര്‍ണാടകത്തില്‍ ആം ആദ്മി പാര്‍ട്ടിയുടെ സ്ഥാനാര്‍ഥി പട്ടിക. നാഷണല്‍ ലോ സ്‌കൂള്‍ ഓഫ് ഇന്ത്യ യൂണിവേഴ്‌സിറ്റി ഫാക്കല്‍ട്ടിയായിരുന്ന പ്രൊ. ബാബു മാത്യു ബാംഗ്ലൂര്‍ നോര്‍ത്തിലാണ് മത്സരിക്കുക.
സോഷ്യല്‍ ആക്ടിവിസ്റ്റായ നിനാ പി നായകാണ് ആം ആദ്മി നിരയിലെ ശ്രദ്ധേയമായ മറ്റൊരു മുഖം, ബാംഗ്ലൂര്‍ സൗത്തില്‍ നന്ദന്‍ നിലേകനിക്കും അനന്ത് കുമാറിനും എതിരായാണ് നിനാ പി നായക് മത്സരിക്കുക. കന്നഡ എഴുത്തുകാരനും ടെക്കിയുമായ രവികൃഷ്ണ റെഡ്ഡി ബാംഗ്ലൂര്‍ റൂറലില്‍ ആപ്പ് സ്ഥാനാര്‍ഥിയാകും.
റായ്ചൂര്‍ മണ്ഡലത്തില്‍ നിന്നും ആപ്പിന് വേണ്ടി മത്സരിക്കുന്നത് കര്‍ഷകനായ ഭീമരായ ആണ്. പരിസ്ഥിതി പ്രവര്‍ത്തകനായ ശ്രീധരകല്ലഹാല ഷിമോഗയില്‍ മുന്‍ മുഖ്യമന്ത്രി ബി എസ് യെഡിയൂരപ്പയ്‌ക്കെതിരായി മത്സരിക്കും. വീരപ്പന്‍ - രാജ്കുമാര്‍ എപ്പിസോഡിലൂടെ പ്രശസ്തനായ ഐ ജി കെ അര്‍കേഷാണ് ചിക്കബല്ലാപൂരില്‍ ആപ്പ് സ്ഥാനാര്‍ഥി.
