പൊലീസ് റെയ്ഡ് ഫലം കണ്ടു; അന്തര് സംസ്ഥാന ഓണ്ലൈന് സെക്സ് റാക്കറ്റിലെ നാല് പേര് അറസ്റ്റില്
ഹൈദരാബാദ്: ഉന്നതരുള്പ്പെട്ട അന്തര് സംസ്ഥാന സെക്സ് റാക്കറ്റ് നടത്തിപ്പുകാര് പിടിയില്. ഹൈദരാബാദ് പൊലീസ് നടത്തിയ റെയ്ഡിനിടെ സ്ത്രീകളുള്പ്പെടെ നാല് പേരാണ് അറസ്റ്റിലായത്.
അയേഷ ബീഗം, ഉപേന്ദ്ര കുമാര്, അനീഷ് കുമാര് യാദവ്, ഇമ്രാന് മുസ്തഫ എന്നിവരാണ് പൊലീസ് കസ്റ്റഡിയിലുള്ളത്.
സുപ്രധാന നഗരങ്ങളില്
ഹൈദരാബാദ്, ബീഹാര്, കൊല്ക്കത്ത, മുംബൈ, ദില്ലി എന്നീ സുപ്രധാന നഗരങ്ങളിലായി പ്രവര്ത്തിക്കുന്ന സംഘം പിടിയിലാവുന്നത് സമ്പന്ന മേഖലയായ സൈബറാബാദില് നിന്നാണ്.
പരസ്യങ്ങള് വിനയാവുന്നു
ഹൈദരാബാദ് നഗരത്തില് വെബ്ബ്സൈറ്റുകള് കേന്ദ്രീകരിച്ച് അനാശാസ്യം നടത്തുന്ന റാക്കറ്റുകള് സജീവമാണെന്ന ഹൈദരാബാദ് പൊലീസിന്റെ മാര്്ക്കറ്റിംഗ് ഇന്റലിജന്സിന്റെ കണ്ടെത്തലാണ് അറസ്റ്റിന് വഴിയരുക്കിയത്.
പൊലീസ് റെയ്ഡ്
ഓണ്ലൈന് പരസ്യങ്ങള് പരിശോധിക്കുന്നതിനിടെ ബ്ലിസ്ഫുള് എസ്കോര്ട്ട്സ് എന്ന വെബ്ബ്സൈറ്റിന്റെ പരസ്യം കേന്ദ്രീകരിച്ച് സൈബര് ക്രൈം പൊലീസ് നടത്തിയ അന്വേഷണത്തിലാണ് നാല് പേര് അറസ്റ്റിലായത്. ഹൈദരാബാദ് കേന്ദ്രമാക്കി പ്രവര്ത്തിക്കുന്ന സ്ത്രീകളുടെ എസ്കോര്ട്ട് സര്വ്വീസിലേക്ക് കസ്റ്റമേഴ്സിനെ ആവശ്യമുണ്ടെന്നുള്ളതായിരുന്നു പരസ്യം.
കസ്റ്റമേഴ്സിനൊപ്പം
ആവശ്യക്കാര് സമീപിക്കുന്നതോടെ വാട്ട്ആപ്പ് വഴി സ്ത്രീകളുടെ ഫോട്ടോ അയച്ചുനല്കി വിലയുറപ്പിച്ചാണ് മാംസവ്യാപാരം. 25,000 രൂപയാണ് ഒരു രാത്രിക്ക് വില.
അറസ്റ്റിന് ശേഷം
നാല് പുരുഷന്മാരെയും ഒരു സ്ത്രീയെയുമാണ് പൊലീസ് അറസ്റ്റ് ചെയ്തത്. ഇന്ത്യന് ശിക്ഷാ നിയമത്തിലെ അനാശസ്യപ്രവര്ത്തനങ്ങള് തടയുന്നതിനുള്ള വിവിധ വകുപ്പുകള് ചുമത്തിയാണ് പ്രതികളെ അറസ്റ്റ് ചെയ്തത്.
റൂമില് നിന്ന്
സാംസംഗ് ഫോണുകള്, പെണ്കുട്ടികളുടെ നഗ്നഫോട്ടോകള്, ചാറ്റിംഗ് വിവരങ്ങള് എന്നിവ പൊലീസ് റെയ്ഡ് ചെയ്ത സ്ഥലത്തുനിന്നും കണ്ടെടുത്തിട്ടുണ്ട്.
അന്വേഷണം നീളുന്നു
ഓണ്ലൈന് സെക്സ് റാക്കറ്റിലെ മുഖ്യകണ്ണികള്ക്ക് വേണ്ടിയുള്ള അന്വേഷണം പൊലീസ് വ്യാപകമാക്കിയിട്ടുണ്ട്. സലീം വെബ്ബ് ഡിസൈനര് ടോട്ടു എന്നിവര്ക്ക് വേണ്ടിയുള്ള തിരച്ചിലാണ് വ്യാപിച്ചിട്ടുള്ളത്.