കടയുടമയെ വെടിവച്ച യുവാക്കള് അറസ്റ്റില്
ദില്ലി: കടയുടമയെ വെടിവച്ച് കൊല്ലാന് ശ്രമിച്ച കേസില് നാല് യുവാക്കള് അറസ്റ്റില്. വെസ്റ്റ് ദില്ലിയിലെ തിലക് നഗറിലാണ് സംഭവം നടന്നത്. ബൈക്കില് അഭ്യാസം നടത്തുകയും സ്ത്രീകളെ അസഭ്യം പറയുകയും ചെയ്ത യുവാക്കളെ ചോദ്യം ചെയ്ത കടയുടമയ്ക്ക് നേരെയാണ് വെടിവയ്പ്പ് ഉണ്ടായത്. സംഭവത്തത്തെത്തുടര്ന്ന് ഒളിവിലായിരുന്ന നാല് യുവാക്കളാണ് പിടിയിലായത്.മൂന്ന് പേര് സംഭവം നടന്ന ദിവസം തന്നെ അറസ്റ്റിലായി. എട്ടംഗ സംഘടമാണ് കടയുടമയെ മര്ദ്ദിച്ചത്.
ഗുല്ഷന് (30), സാഹില് (22), നവീണ് കുമാര് (30), ഗുര്മീത് (23) എന്നിവരാണ് അറസ്ററിലായത്. സംഭവ ദിവസം തന്നെ ഇവരുടെ സംഘത്തില്പെട്ട മൂന്ന് പേര് അറസ്റ്റിലായിരുന്നു. ഗുല്ഷന്റെ നേതൃത്വത്തിലാണ് അക്രമം നടന്നത്.
റോഡിലൂടെ സ്ത്രീകളുടെ ശ്രദ്ധ പിടിച്ച് പറ്റാന് ബൈക്കില് അഭ്യാസം നടത്തുകയായിരുന്നു സംഘത്തിലെ രണ്ട് പേര്. അഭ്യാസം നടത്തുക മാത്രമല്ല സ്ത്രീകളെ ഇവര് അസഭ്യം പറയുകയും ചെയ്തു.വിഷ്ണു നഗറിന് സമീപമാണ് സംഭവം. പ്രദേശത്ത് കച്ചവടം ചെയ്യുന്ന സച്ചിന് വലേച്ച യുവാക്കളെ ചോദ്യം ചെയ്യുകയും സ്ഥലത്ത് നിന്ന് ആട്ടിപ്പായിക്കുകയും ചെയ്തു.
മടങ്ങിപ്പോയ യുവാക്കള് അല്പ്പസമയത്തിനകം തന്നെ സുഹൃത്തുക്കളോടൊപ്പം തിരിച്ചെത്തി. തുടര്ന്ന് സച്ചിനോട് വാക്കേറ്റമായി. വഴക്ക് മൂത്ത് വെടിവയ്പ്പില് എത്തുകയായിരുന്നു. യുവാക്കള് വെടിവച്ചതിനെത്തുടര്ന്ന് സച്ചിനും വഴിയാത്രക്കാരനായ അക്ഷയ് എന്ന യുവാവിനും പരിക്കേറ്റു. ആളുകള് ഓടിക്കൂടിയപ്പോഴേയു്ക്കും അക്രമികളില് പലരും രക്ഷപ്പെട്ടിരുന്നു. പൊലീസ് നടത്തിയ തെരച്ചിലിലാണ് പ്രതികള് അറസ്റ്റിലായത്.