Click it and Unblock the Notifications
Just In
Don't Miss
-
അതെന്റെ ഭാവിയെ ഭയപ്പെടുത്തുന്നു എന്നത് സത്യാവസ്ഥയാണ്; റിയാസ് പറഞ്ഞത് തന്റെ വ്യക്തിപരമായ അനുഭവമെന്ന് നാദിറ -
17 കി.മീ മൈലേജുള്ള ഫാമിലി എസ്യുവി വാങ്ങുന്നവര്ക്ക് സന്തോഷ വാര്ത്ത! 1 മാസം കൊണ്ട് വണ്ടി കൈയ്യില് കിട്ടും -
വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും -
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ് -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
കോണ്‍ഗ്രസ്-എന്‍സിപി എംഎല്‍എമാര്‍ രാജിവച്ച് ബിജെപിയിലേക്ക്; മഹാരാഷ്ട്രയില്‍ പ്രതിപക്ഷം തകരുന്നു
മുംബൈ: മഹാരാഷ്ട്രയില്‍ പ്രതിപക്ഷമായ കോണ്‍ഗ്രസ്-എന്‍സിപി സഖ്യം തകരുന്നു. നാല് എംഎല്‍എമാര്‍ കൂടി ബിജെപിയില്‍ ചേരാന്‍ തീരുമാനിച്ചു. എന്‍സിപിയുടെ മൂന്ന് അംഗങ്ങളും കോണ്‍ഗ്രസിന്റെ ഒരംഗവുമാണ് രാജിവച്ചിരിക്കുന്നത്. ബിജെപി-ശിവസേന സഖ്യം വീണ്ടും മഹാരാഷ്ട്രയില്‍ അധികാരത്തിലെത്തുമെന്ന പ്രതീക്ഷയിലാണ് ഈ കൂറുമാറ്റം.
എന്‍സിപി എംഎല്‍എമാരായ ശിവേന്ദ്ര സിങ് രാജെ ഭോസാലെ, വൈഭവ് പിച്ചാഡ്, സന്ദീപ് നായിക്, കോണ്‍ഗ്രസ് എംഎല്‍എ കാളിദാസ് കോലംകര്‍ എന്നിവരാണ് ഇരുപാര്‍ട്ടികളില്‍ നിന്നും രാജിവച്ചത്. നിയമസഭാ സ്പീക്കര്‍ക്ക് നാലു പേരും രാജിക്കത്ത് സമര്‍പ്പിച്ചു. ഭോസാലെയുടെ ബന്ധു മഹാരാഷ്ട്രയിലെ സതാരയില്‍ നിന്നുള്ള എന്‍സിപി എംപിയാണ്. തന്റെ മണ്ഡലം സംരക്ഷിക്കാനാണ് തനിക്ക് താല്‍പ്പര്യമെന്ന് ഭോസാലെ പറയുന്നു.
മുന്‍ എന്‍സിപി മന്ത്രി മുധുകര്‍ പിച്ചാഡിന്റെ മകനാണ് വൈഭവ് പിച്ചാഡ്. പുതിയ കോണ്‍ഗ്രസ് സംസ്ഥാന അധ്യക്ഷന്‍ ബാലാസാഹിബ് തൊറാട്ടിന്റെ മണ്ഡലത്തോട് ചേര്‍ന്നാണ് വൈഭവിന്റെ അകോലെ മണ്ഡലം. കഴിഞ്ഞ ഏഴ് തവണ എംഎല്‍എയായിരുന്ന കോണ്‍ഗ്രസ് നേതവാണ് കാളിദാസ് കോലംകര്‍. ബുധനാഴ്ച നാല് പേരും ബിജെപിയില്‍ ചേരും.
മഹാരാഷ്ട്രയില്‍ നിയമസഭാ തിരഞ്ഞെടുപ്പിന് മാസങ്ങള്‍ മാത്രം ബാക്കി നില്‍ക്കെയാണ് കൂട്ടത്തോടെയുള്ള കൂടുമാറ്റം. മഹാരാഷ്ട്രയിലെ 288 അംഗ നിയമസഭയില്‍ 220 സീറ്റ് ഇത്തവണ നേടുമെന്നാണ് ബിജെപിയുടെ പ്രഖ്യാപനം. കഴിഞ്ഞദിവസം എന്‍സിപി മുംബൈ അധ്യക്ഷന്‍ സച്ചിന്‍ അഹിര്‍ ശിവസേനയില്‍ ചേര്‍ന്നിരുന്നു. മുന്‍ എന്‍സിപി മന്ത്രി ജയ്ദത്ത് ക്ഷിര്‍സാഗറും ശിവസേനയില്‍ ചേര്‍ന്നിട്ടുണ്ട്.
