കര്ഷകനില് നിന്ന് മുഖ്യമന്ത്രിയിലേക്ക്..; ആരാണ് വിഷ്ണു ദേവ് സായി?
ന്യൂദല്ഹി: ഇന്നാണ് ഛത്തീസ്ഗഢിന്റെ മുഖ്യമന്ത്രിയായി വിഷ്ണു ദേവ് സായിയെ ബി ജെ പി തിരഞ്ഞെടുത്തത്. തിരഞ്ഞെടുപ്പ് ഫലം പുറത്ത് വന്ന് ഒരാഴ്ചക്ക് ശേഷമാണ് ബി ജെ പി മുഖ്യമന്ത്രിയെ പ്രഖ്യാപിച്ചത്. സംസ്ഥാനത്തെ പ്രമുഖ ഗോത്രവര്ഗ മുഖവും കേന്ദ്രമന്ത്രിയുമായിരുന്നും വിഷ്ണു ദേവ് സായി.
അപ്രതീക്ഷിതമായാണ് സര്ക്കാരിനെ നയിക്കാന് വിഷ്ണു ദേവ് തിരഞ്ഞെടുക്കപ്പെടുന്നത്. മുഖ്യമന്ത്രി സ്ഥാനാര്ത്ഥികളില് വിഷ്ണു ദേവ് ഉണ്ടായിരുന്നുവെങ്കിലും രമണ് സിംഗും രേണുക സിംഗും തമ്മിലുള്ള മത്സരത്തില് മുന്നിരക്കാരനായി പരിഗണിച്ചില്ല. 2020 മുതല് 2022 വരെ ബി ജെ പിയുടെ സംസ്ഥാന അധ്യക്ഷനായിരുന്നു വിഷ്ണു ദേവ് സായി. അജിത് ജോഗിക്ക് ശേഷം ഛത്തീസ്ഗഢിലെ രണ്ടാമത്തെ ആദിവാസി മുഖ്യമന്ത്രി കൂടിയാകുകയാണ് വിഷ്ണു ദേവ് സായി.
ഒന്നാം നരേന്ദ്ര മോദി സര്ക്കാരില് കേന്ദ്ര സ്റ്റീല് സഹമന്ത്രിയായിരുന്നു വിഷ്ണു ദേവ് സായി. റായ്ഗഢില് നിന്നുള്ള ലോക്സഭാംഗമായിരുന്നു. മധ്യപ്രദേശില് നിന്ന് ഛത്തീസ്ഗഢ് വിഭജിക്കപ്പെടുന്നതിന് മുമ്പ് 1990-98 കാലഘട്ടത്തില് മധ്യപ്രദേശ് നിയമസഭയിലെ അംഗമായാണ് വിഷ്ണു ദേവ് സായി തന്റെ രാഷ്ട്രീയ ജീവിതം ആരംഭിച്ചത്. ഈ തിരഞ്ഞെടുപ്പില് വടക്കന് ഛത്തീസ്ഗഡിലെ കുങ്കുരി മണ്ഡലത്തില് നിന്ന് ജയിച്ചു.
കോണ്ഗ്രസിന്റെ സിറ്റിംഗ് എം എല് എയായ യു ഡി മിഞ്ചിനെ പരാജയപ്പെടുത്തിയാണ് വിഷ്ണു ദേവ് നിയമസഭയില് എത്തിയത്. 1999 മുതല് 2014 വരെ റായ്ഗഢ് മണ്ഡലത്തില് നിന്ന് തുടര്ച്ചയായി നാല് ലോക്സഭാ തിരഞ്ഞെടുപ്പുകളില് വിഷ്ണു ദേവ് വിജയിച്ചു. 2019 ലോക്സഭാ തിരഞ്ഞെടുപ്പില് വിഷ്ണു ദേവിന് ടിക്കറ്റ് നല്കിയില്ല. ജഷ്പൂരിലാണ് ജനനം.
2003 മുതല് 2018 വരെ മുഖ്യമന്ത്രിയായിരുന്ന രമണ് സിംഗിന്റെ അടുത്ത അനുയായികളില് ഒരാളാണ് വിഷ്ണു ദേവ് സായ്. സര്പഞ്ചായി രാഷ്ട്രീയ ജീവിതം ആരംഭിച്ച വിഷ്ണു ദേവ് സായി ആര് എസ് എസുമായി അടുപ്പം പുലര്ത്തുന്ന നേതാവ് കൂടിയാണ്. രാഷ്ട്രീയത്തില് പ്രവേശിക്കുന്നതിന് മുമ്പ് കര്ഷകനായിരുന്നു.
കന്വാര് ഗോത്രത്തില് നിന്നുള്ളയാളാണ് വിഷ്ണു ദേവ് സായി. ഛത്തീസ്ഗഢിലെ ജനങ്ങള്ക്ക് മുന്നില് വെച്ച വാഗ്ദാനങ്ങള്ക്കായി അഹോരാത്രം പ്രവര്ത്തിക്കുമെന്ന് മുഖ്യമന്ത്രിയായി തിരഞ്ഞെടുക്കപ്പെട്ടതിന് പിന്നാലെ വിഷ്ണു ദേവ് പറഞ്ഞു. 18 ലക്ഷം വീടുകള് എന്ന വാഗ്ദാനത്തിനായിരിക്കും ആദ്യ പരിഗണന നല്കുക എന്നും അദ്ദേഹം കൂട്ടിച്ചേര്ത്തു.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google