രക്ഷയില്ല; 18ാം ദിനവും ഇന്ധനവില വര്ധന; ഡീസല് വില മാത്രം കൂട്ടി
ദില്ലി: തുടര്ച്ചയായ 18ാം ദിനവും ഇന്ധനവില വര്ധന. ഡീസല് വില മാത്രം കൂട്ടി.ലിറ്ററിന് 45 പൈസയാണ് കൂട്ടിയത്. പെട്രോള് വിലയില് മാറ്റമില്ല.
18 ദിവസം കൊണ്ട് ഡീസലിന് 9 രൂപ 92 പൈസയാണ് വര്ധിച്ചത്. ജൂണ് 7 മുതലാണ് ഇന്ധന വില ഉയരാന് തുടങ്ങിയത്. നിലവില് രാജ്യത്തെ ഇന്ധനവില 10 മാസത്തെ ഏറ്റവും ഉയര്ന്ന നിരക്കിലാണ്.
10 മാസം മുന്പ് അന്താരാഷ്ട്ര വിപണിയില് ബാരലിന് 90 ഡോളറായിരുന്നു നിരക്കെങ്കില് നിലവില് ബ്രെന്റ് ക്രൂഡിന് ബാരലിന് 45 ഡോളറില് താഴെയാണ് വില.
Recommended Video
കേന്ദ്രസര്ക്കാര് എക്സൈസ് തിരുവ കൂട്ടിയതാണ് ഇന്ധന വില വര്ധനവിന് കാരണമായി പറയുന്നത്. എന്നാല് രാജ്യാന്തര വിപണിയില് ക്രൂഡ് ഓയില് വില ഗണ്യമായി കുറയുന്ന സാഹചര്യത്തില് അടുത്തയാഴ്ച്ച മുതല് ഇന്ധന വില കുറഞ്ഞേക്കാം. എന്നാല് ആഗോള വിപണിയില് ഇന്ധന വില കുത്തനെ കുറഞ്ഞ് സാഹചര്യത്തിലാണ് ഇന്ത്യന് വിപണിയില് വില ഉയരുന്നത്. ഇത് വലിയ പ്രതിഷേധങ്ങള്ക്ക് വഴി വെക്കുകയാണ്. രാജ്യം മൊത്തം പ്രതിസന്ധിയിലായ വേളയില് നികുതി കൂട്ടിയത് അനീതിയും ക്രൂരതയുമാണെന്ന് പ്രതിപക്ഷം വിമര്ശിച്ചു.
ഡീസല് വില കുത്തനെ ഉയരുന്നത് ചരക്ക് നീക്കത്തെ ബാധിക്കും. ലോക്ക്ഡൗണ് കാലമായതിനാല് തന്നെ ഇന്ധന വില വര്ധനവിനൊപ്പം യാത്രക്കാരുടെ എണ്ണത്തിലുള്ള വലിയ കുറവും പൊതുഗതാഗത മേഖലയെ കൂടുതല് നഷ്ടത്തിലാക്കും. ലോക് ഡൗണിന്റെ പശ്ചാത്തലത്തില് ഉണ്ടായ നഷ്ടം നികത്താനും വരും ദിവസങ്ങളില് ഇന്ധന വില കമ്പനികള് കുത്തനെ ഉയര്ത്തുമെന്നാണ് കണക്കാക്കപ്പെടുന്നത്.
ഗുണയിലെ ബിജെപി എംഎൽഎയുടെ വോട്ട് കോൺഗ്രസിന്! അന്തംവിട്ട് ബിജെപി, നടപടിയില്ല, പേടി കമൽനാഥിനെ!
പ്രിയങ്കയുടെ കൗണ്ടര് സ്ട്രൈക്ക്, യോഗിയെ പൂട്ടിക്കെട്ടിക്കും, ഞെട്ടിക്കാന് പോല് ഖോല്, വജ്രായുധം!
മണിപ്പൂരില് കോണ്ഗ്രസ് വിട്ട് എന്പിപി എംഎല്എമാര്, ഇബോബി സിംഗിന് 332 കോടിയുടെ കേസ്, ബിജെപി ഗെയിം