സബ്‌സിഡി ഇല്ലാത്ത ഗ്യാസ് സിലിണ്ടറിന് 113 രൂപ കുറച്ചു

ദില്ലി: ജനങ്ങള്‍ക്ക് ആശ്വാസമേകി സബ്‌സിഡി ഇല്ലാത്ത പാചകവതക സിലിണ്ടറിന്റെ വില കുറച്ചു. 113 രൂപയാണ് കുറച്ചിരിക്കുന്നത്. പെട്രോളിനും ഡീസലിനും വില കുറഞ്ഞതിന് പിന്നാലെ ആണ് പാചകവാതകത്തിനും വില കുറഞ്ഞിരിക്കുന്നത്. അന്താരാഷ്ട്ര വിപണിയിലെ എണ്ണ വില കുറവാണ് ആഭ്യന്തര വിപണിയിലും പ്രതിഫലിച്ചത്. മൂന്നു വര്‍ഷത്തിനിടെ ഉണ്ടായ ഏറ്റവും താഴ്ന്ന നിലയില്‍ ആണ് പാചകവാതക വില എത്തിയിരിക്കുന്നത്.

നേരത്തെ 865 രൂപയായിരുന്നു സിലിണ്ടറിന്റെ വില. 14.2 കിലോ ഭാരമുള്ള പാചകവാതക സിലിണ്ടറിന് 752 രൂപ ആണ് പുതുക്കിയ വിലയെന്ന് ദില്ലി എണ്ണ കമ്പനികള്‍ വ്യക്തമാക്കുന്നു. വര്‍ഷത്തില്‍ ലഭിക്കുന്ന 12 സബ്‌സിഡി സിലിണ്ടറുകള്‍ക്ക് പുറമെ ഉപഭോക്താക്കള്‍ വാങ്ങുന്ന പാചകവതക സിലിണ്ടറിന് ആണ് 113 രൂപകുറഞ്ഞിരിക്കുന്നത്.

സബ്‌സിഡി ഇല്ലാത്ത പാചകവാതകത്തിന് ഇതിനു മുന്‍പും വില കുറച്ചിരുന്നു. അഞ്ചാമത്തെ തവണ ആണ് വില കുറയ്ക്കുന്നത്. ഒരു സിലിണ്ടറിന് 170.5 രൂപയുടെ കുറവാണ് വരുത്തിയിരിക്കുന്നത്. ഇതോടൊപ്പം വിമാന ഇന്ധത്തിന്റെ വിലയും കുറച്ചിട്ടുണ്ട്. 4.1 ശതമാനത്തിന്റെ കുറവാണ് വരുത്തിയിരിക്കുന്നത്. 2,594.93 കിലോ ലിറ്റര്‍ ആയിരുന്നു നിലവിലെ വില.

English summary

Price of non-subsidised cooking gas was today cut by a steep 113 per cylinder