Click it and Unblock the Notifications
Just In
Don't Miss
-
'താരപത്നിക്ക് എന്തുകൊണ്ടാണ് പെട്ടന്ന് ഒരു മനംമാറ്റം'; വിജയ് ഇല്ലാതെ ശങ്കറിന്റെ മകളുടെ വിവാഹത്തിനെത്തി സംഗീത! -
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
IPL 2024: 24 ബോളില് 49! അശ്വിന് എന്തിന് ടീമില്? യൂട്യൂബ് ചാനലില് ശ്രദ്ധിക്കൂ, രൂക്ഷവിമര്ശനം -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
കശ്മീര്‍ സമാധാന ചര്‍ച്ച:പാകിസ്താനില്ലെങ്കില്‍ സഹകരിക്കില്ല! നിലപാടുമായി ഹുറിയത്ത്
ശ്രീനഗര്‍: കശ്മീര്‍ പ്രശ്നം പരിഹരിക്കുന്നതിനുള്ള ചര്‍ച്ചകള്‍ക്കായി കേന്ദ്രസര്‍ക്കാര്‍ മുന്‍ ഇന്‍റലിജന്‍സ് ബ്യൂറോ പ്രതിനിധിയെ നിയമിച്ചതോടെ പ്രതിഷേധവുമായി വിഘടനവാദികള്‍. ജോയിന്‍റ് റെസിസ്റ്റന്‍റ് ലീഡര്‍ഷിപ്പാണ് ഒക്ടോബര്‍ 27ന് കടയടപ്പു സമരത്തിന് ആഹ്വാനം ചെയ്തിട്ടുള്ളത്. കശ്മീരിലെ ഹുറിയത് നേതാക്കളായ സയീദ് ഗീലാനി, മുഹമ്മദ് യാസീന്‍ മാലിക്, മിര്‍വൈസ് ഉമര്‍ ഫറൂഖ് എന്നിവരാണ് ഇതിന് പിന്നില്‍.
മുന്‍ ഇന്‍റലിജന്‍സ് ബ്യൂറോ മേധാവിയായും കേരള കേഡര്‍ ഐപിഎസ് ഉദ്യോഗസ്ഥനുമായിരുന്ന ദിനേശ്വര്‍ ശര്‍മയെയാണ് സ്ഥിരം പ്രതിനിധിയായി കേന്ദ്രസര്‍ക്കാര്‍ മധ്യസ്ഥ ചര്‍ച്ചകള്‍ക്കായി നിയമിച്ചിട്ടുള്ളത്. കേന്ദ്ര ആഭ്യന്തര മന്ത്രി രാജ്നാഥ് സിംഗാണ് ഇക്കാര്യം പ്രഖ്യാപിച്ചത്.
കശ്മീരിലെ ഹുറിയത്ത് നേതാക്കളുമായി നേരിട്ടുള്ള ചര്‍ച്ചകള്‍ക്ക് തയ്യാറല്ലെന്ന് വ്യക്തമാക്കിയ കേന്ദ്രസര്‍ക്കാര്‍ ചര്‍ച്ചയ്ക്കുള്ള പദ്ധതി തയ്യാറാക്കാന്‍ ദിനേഷ് ശര്‍മയോട് ആവശ്യപ്പെട്ടിട്ടുണ്ട്. കശ്മീരിലെ സമാധാന ചര്‍ച്ചകളില്‍ ആരെല്ലാം പങ്കെടുക്കണമെന്ന് തീരുമാനിക്കുമെന്നും ചൊവ്വാഴ്ച രാജ്നാഥ് സിംഗ് വ്യക്തമാക്കിയിരുന്നു. അനിവാര്യത അനുസരിച്ച് ഹുറിയത്ത് കോണ്‍ഫറന്‍സ് നേതാക്കള്‍ക്ക് പുറമേ കശ്മീരിലെ രാഷ്ട്രീയ നേതാക്കളുമായും അദ്ദേഹം കൂടിക്കാഴ്ച നടത്തുമെന്നും ആഭ്യന്തര മന്ത്രി കൂട്ടിച്ചേര്‍ത്തു.
എന്നാല്‍ ടൈംസ് നൗ റിപ്പോര്‍ട്ട് ചെയ്യുന്നത് പ്രകാരം കശ്മീര്‍ പ്രശ്നം പരിഹരിക്കുന്നതിനുള്ള സമാധാന ചര്‍ച്ചകള്‍ ഹുറിയത് തള്ളിക്കളഞ്ഞിട്ടുണ്ട്. പാകിസ്താന്‍ ചര്‍ച്ചയുടെ ഭാഗമാകുന്നതുവരെ ഒരു ചര്‍ച്ചയും നടക്കില്ലെന്നും ഹുറിയത് പ്രഖ്യാപിച്ചിട്ടുണ്ട്. പാകിസ്താനെക്കൂടി ഉള്‍പ്പെടുത്തിക്കൊണ്ടുള്ള ത്രികക്ഷി ചര്‍ച്ചയാണ് കശ്മീര്‍ പ്രശ്നം പരിഹരിക്കുന്നതിന് അനിവാര്യമെന്നും ഹുറിയത് നേതാവ് മൗലവി അബ്ബാസ് അന്‍സാരി ചൂണ്ടിക്കാണിക്കുന്നു.
