ക്ലിയോപാട്രയ്ക്ക് സമാനമായ സൗന്ദര്യം പശു മൂത്രത്തില് നിന്നും സ്വന്തമാക്കാമെന്ന് ഗുജറാത്ത് ബോര്ഡ്
അഹമ്മദാബാദ്: ക്ലിയോപാട്രയ്ക്ക് സമാനമായ സൗന്ദര്യം പശു മൂത്രത്തില് നിന്നും സ്വന്തമാക്കാമെന്ന് ഗുജറാത്തിലെ ഗോ സേവാ ബോര്ഡ്. പശു സംരക്ഷണവുമായി ബന്ധപ്പെട്ട് പുതിയ നടത്തിയ പുതിയ പരമാര്ശത്തിലാണ് ഇക്കാര്യം പറഞ്ഞത്.
സ്ത്രീയുടെ ബാഹ്യ സൗന്ദര്യം സംരക്ഷിക്കുന്നതിന് വേണ്ടി പശുവില് നിന്നും ലഭിക്കുന്ന പാല്, വെണ്ണ, മൂത്രം, വിസര്ജനം എന്നിവ സഹായിക്കുമെന്നാണ് പറയുന്നത്. സാധാരണയായി സ്ത്രീകള് ഉപയോഗിക്കുന്ന സൗന്ദര്യ വര്ദ്ധക വസ്തുക്കളില് ഈ ഉത്പനങ്ങളാണ് ഉപയോഗിക്കുന്നത് എന്നും പറഞ്ഞു.
ഈജിപ്ത് രാജകുമാരി ക്ലിയോപാട്ര തന്റെ സൗന്ദര്യ സംരക്ഷണത്തിനായി പാലിലാണ് കുളിച്ചിരുന്നത് എന്നാണ് ബോര്ഡ് പറയുന്നത്. മാത്രമല്ല ആരോഗ്യ ഗീതയില് പറയുന്നത് പ്രകാരം മനുഷ്യകുലത്തിന്റെ എല്ലാ രോഗങ്ങള്ക്കും ഉപയോഗിക്കാവുന്ന ഉത്തമ മരുന്നാണ് പശു മൂത്രം. ഇറ്റലി, റഷ്യ, അമേരിക്ക എന്നിവിടങ്ങളില് നടത്തിയ പഠനത്തില് തെളിഞ്ഞ കാര്യമാണെന്നും പറയുന്നു.
സ്ത്രീകള്ക്കുള്ള ഫേഷ്യല് ട്രീറ്റ്മെന്റിന് ആരോഗ്യ ഗീത നിര്ദേശിക്കുന്ന മൂന്ന് കാര്യങ്ങള് ഇവയാണ്, ആദ്യം പാല് ഉപയോഗിച്ച് 15 മിനിട്ട് നേരം മസാജ് ചെയ്യുക. പിന്നീട് മഞ്ഞളും വെണ്ണയും ഉപയോഗിച്ച് 15 മിനിട്ട് നേരം മസാജ് ചെയ്യുക, അവസാനത്തെ 15 മിനിട്ട് പശുവിന് മൂത്രം ഉപയോഗിച്ച് മസാജ് ചെയ്യുക, പിന്നീട് ചാണകം ഉപയോഗിച്ച് മുഖത്ത് പാക്ക് ഇടാനാണ് നിര്ദേശിക്കുന്നത്.
Click it and Unblock the Notifications
Sign in with Google