കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഗുലാം അലി കൊല്‍ക്കത്തയില്‍ പാടും

  • By Anwar Sadath
Google Oneindia Malayalam News

കൊല്‍ക്കത്ത: മുംബൈയില്‍ പാടാനെത്തിയശേഷം അപമാനിതനായി തിരിച്ചുപോകേണ്ടിവന്ന പാക് ഗസല്‍ ഗായകന്‍ ഗുലാം അലി വീണ്ടും ഇന്ത്യയില്‍ പാടാനെത്തുന്നു. ഈ മാസം 12ന് കൊല്‍ക്കത്തയില്‍ നടക്കുന്ന പരിപാടിയിലാണ് ഗുലാം അലി പരിപാടി അവതരിപ്പിക്കുന്നത്. തൃണമൂല്‍ കോണ്‍ഗ്രസിന്റെ ക്ഷണപ്രകാരമാണ് ഗുലാം അലി കൊല്‍ക്കത്തയില്‍ എത്തുന്നതെന്നാണ് റിപ്പോര്‍ട്ട്.

മുംബൈയില്‍ ശിവസേന വിലക്കിയശേഷം ഗുലാം അലിയെ ദില്ലിയിലേക്ക് ക്ഷണിച്ചിരുന്നെങ്കിലും അവിടെയും ശിവസേന പ്രതിഷേധവുമായെത്തിയതോടെ അദ്ദേഹം പാക്കിസ്ഥാനിലേക്ക് തിരിച്ചുപോവുകയായിരുന്നു. ഇനി ഇന്ത്യയിലേക്ക് പാടാന്‍ എത്തില്ലെന്നും അദ്ദേഹം അറിയിച്ചു. എന്നാല്‍ കേരളത്തില്‍ പാടാന്‍ ക്ഷണം വന്നതോടെ അദ്ദേഹം തീരുമാനം മാറ്റിയിരുന്നു.

ghazal-singer-ghulam-ali

ജനുവരി 15ന് തിരുവനന്തപുരത്തും 17ന് കോഴിക്കോട്ടും ഗുലാം അലി പരിപാടി അവതരിപ്പിക്കുന്നുണ്ട്. ഡിവൈഎഫ്‌ഐ ഉള്‍പ്പെടെയുള്ള യുവജന സംഘടനകളുടെ ക്ഷണപ്രകാരമാണ് അദ്ദേഹം കേരളത്തിലെത്താമെന്ന് സമ്മതിച്ചത്. ശിവസേന പ്രതിഷേധം ഉയര്‍ത്തുകയാണെങ്കില്‍ പ്രതിരോധിക്കുമെന്നാണ് സംഘടന അറിയിച്ചിട്ടുള്ളത്.

കൊല്‍ക്കത്തയിലും ഗുലാം അലിയെ ക്ഷണിച്ചത് അസഹിഷ്ണുതയ്ക്കുള്ള പ്രതിരോധമെന്ന നിലയ്ക്കാണ്. ഗുലാം അലിയെ മുംബൈയില്‍ പാടാന്‍ അനുവദിക്കാത്തിതിന് പിന്നാലെ പശ്ചിമ ബംഗാള്‍ മുഖ്യമന്ത്രിയും തൃണമൂല്‍ കോണ്‍ഗ്രസ് മുതിര്‍ന്ന നേതാവുമായ മമത ബാനര്‍ജി ഗായകനെ കൊല്‍ക്കത്തയിലേക്ക് ക്ഷണിക്കുകയായിരുന്നു.

English summary
Ghazal maestro Ghulam Ali to perform in Kolkata on January 12
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X