ഹോളി ആഘോഷിച്ച് മടങ്ങിയ ദമ്പതികളുടെ മൃതദേഹം കുളിമുറിയിൽ! നഗ്നരായി പരസ്പരം ചേർന്നുകിടന്ന്...
ഇന്ദിരാപുരത്തെ അപ്പാർട്ട്മെന്റിൽ താമസിക്കുന്ന നീരജ് സിംഗാനിയ(37), രുചി(35) എന്നിവരെയാണ് കഴിഞ്ഞദിവസം രാത്രിയിൽ മരിച്ചനിലയിൽ കണ്ടെത്തിയത്.
ഗാസിയാബാദ്: ഹോളി ആഘോഷം കഴിഞ്ഞ് മടങ്ങിയ ദമ്പതികളെ ഫ്ലാറ്റിലെ കുളിമുറിയിൽ മരിച്ചനിലയിൽ കണ്ടെത്തി. ഗാസിയാബാദ് ഇന്ദിരാപുരത്തെ അപ്പാർട്ട്മെന്റിൽ താമസിക്കുന്ന നീരജ് സിംഗാനിയ(37), രുചി(35) എന്നിവരെയാണ് കഴിഞ്ഞദിവസം രാത്രിയിൽ മരിച്ചനിലയിൽ കണ്ടെത്തിയത്.
വെള്ളിയാഴ്ച വൈകീട്ട് വരെ ഹോളി ആഘോഷത്തിൽ പങ്കെടുത്തിരുന്ന ദമ്പതികൾ അഞ്ചു മണിയോടെയാണ് ഫ്ലാറ്റിലേക്ക് മടങ്ങിയത്. നീരജിന്റെ മാതാപിതാക്കളും കുടുംബവും ദമ്പതികൾക്കൊപ്പം ഇതേ ഫ്ലാറ്റിൽ തന്നെയാണ് താമസിക്കുന്നത്.
മടങ്ങി...
വൈകീട്ട് അഞ്ച് മണി വരെ കുടുംബാംഗങ്ങൾക്കൊപ്പം ഹോളി ആഘോഷത്തിൽ പങ്കെടുത്ത ദമ്പതികൾ അതിനുശേഷമാണ് ഫ്ലാറ്റിലെ മുറിയിലേക്ക് മടങ്ങിയത്. ഇതിനുപിന്നാലെ കുടുംബാംഗങ്ങളും ഫ്ലാറ്റിലെത്തിയിരുന്നു.
അകത്ത് നിന്നും പൂട്ടി...
മുറിയിൽ പ്രവേശിപ്പിച്ച ദമ്പതികൾ വാതിൽ അകത്ത് നിന്നും പൂട്ടിയിട്ടിരുന്നു. കുറേസമയം പിന്നിട്ടിട്ടും ദമ്പതികൾ പുറത്തുവരാത്തതിനാൽ ഇരുവരും വിശ്രമിക്കുകയായിരിക്കുമെന്നാണ് കുടുംബാംഗങ്ങൾ കരുതിയത്. തുടർന്ന് രാത്രി ഭക്ഷണം കഴിക്കാൻ വിളിക്കാനെത്തിയപ്പോൾ മുറിക്കുള്ളിൽ നിന്നും പ്രതികരണമുണ്ടായില്ല.
വെന്റിലേറ്ററിലൂടെ...
പലതവണ വിളിച്ചിട്ടും ദമ്പതികൾ വാതിൽ തുറക്കാത്തതിനാൽ കുടുംബാംഗങ്ങൾ പരിഭ്രാന്തരായി. തുടർന്ന് ചിലർ ബാത്ത്റൂമിലെ വെന്റിലേറ്റർ വഴി അകത്തേക്ക് നോക്കിയപ്പോഴാണ് ഇരുവരെയും ചലനമറ്റ് തറയിൽ കിടക്കുന്ന നിലയിൽ കണ്ടെത്തിയത്.
അകത്ത് കടന്നു...
ദമ്പതികൾ കുളിമുറിയിലെ തറയിൽ കിടക്കുന്നത് കണ്ടെത്തിയതോടെ കുടുംബാംഗങ്ങൾ ചേർന്ന് മുറിയുടെ വാതിൽ ചവിട്ടിപ്പൊളിച്ചു അകത്തുകടന്നു. തുടർന്ന് കുളിമുറിയുടെ വാതിലും ബലമായി പൊളിച്ചു അകത്തുകടന്നതോടെയാണ് ഇരുവരും മരിച്ചതായി ബോധ്യപ്പെട്ടത്.
നഗ്നമായ....
നഗ്നരായ നിലയിൽ കുളിമുറിയിൽ കണ്ടെത്തിയ ഇരുവരെയും ഉടൻതന്നെ ആശുപത്രിയിൽ കൊണ്ടുപോയെങ്കിലും കുറേസമയം മുൻപ് തന്നെ മരണം സംഭവിച്ചതായി ഡോക്ടർമാർ സ്ഥിരീകരിച്ചു. കുളിമുറിയിലെ തറയിൽ നഗ്നരായി പരസ്പരം ചേർന്നുകിടക്കുന്ന നിലയിലാണ് ദമ്പതികളെ കണ്ടതെന്നാണ് ബന്ധുക്കൾ പോലീസിന് മൊഴി നൽകിയത്.
കാരണം അവ്യക്തം...
ദമ്പതികളുടെ മരണകാരണം ഇപ്പോഴും അവ്യക്തമാണെന്നാണ് ഇന്ദിരാപുരം പോലീസ് അറിയിച്ചത്. ദമ്പതികളെ മരിച്ചനിലയിൽ കണ്ടെത്തിയ കുളിമുറിയിൽ പോലീസ് വിശദമായ പരിശോധന നടത്തിയെങ്കിലും ഒന്നും കണ്ടെത്താനായില്ല.
വൈദ്യുതാഘാതവുമല്ല...
വൈദ്യുതാഘാതമേറ്റാകാം മരണം സംഭവിച്ചതെന്ന വാദവും പോലീസ് ഉദ്യോഗസ്ഥർ തള്ളിക്കളഞ്ഞു. സംഭവദിവസം ഫ്ലാറ്റിനുള്ളിൽ ഇത്തരത്തിൽ ഒന്നും ഉണ്ടായിട്ടില്ലെന്ന് അന്വേഷണത്തിൽ വ്യക്തമായി. ശ്വാസം മുട്ടി മരിച്ചതാകാനുള്ള സാദ്ധ്യതയും പരിശോധിച്ചെങ്കിലും ഇതിലും വ്യക്തതയില്ലെന്നാണ് പോലീസ് ഉദ്യോഗസ്ഥർ അറിയിച്ചത്.
അന്വേഷണം...
പോസ്റ്റ്മോർട്ടം നടത്തിയതിന്റെ പ്രാഥമിക റിപ്പോർട്ടിലും മരണകാരണത്തെ സംബന്ധിച്ച് വ്യക്തതയില്ല. അതിനാൽ തന്നെ ഇരുവരുടെയും ആന്തരികാവയങ്ങൾ വിശദമായ പരിശോധനയ്ക്ക് വിധേയമാക്കുമെന്നാണ് പോലീസ് ഉദ്യോഗസ്ഥർ അറിയിച്ചത്. ഇതിനുശേഷം മാത്രമേ മരണകാരണമെന്താണെന്ന് വ്യക്തമാകുകയുള്ളു.
ഒന്നും കേട്ടില്ല...
വെള്ളിയാഴ്ച വൈകീട്ട് മുതൽ ദമ്പതികളെ മരിച്ച നിലയിൽ കണ്ടെത്തുന്നത് വരെ മുറിക്കുള്ളിൽ നിന്നും അസ്വാഭാവികമായ ഒന്നും ശ്രദ്ധിച്ചില്ലെന്നാണ് ബന്ധുക്കൾ പറഞ്ഞത്. ഒരു തരത്തിലുള്ള ശബ്ദമോ നിലവിളിയോ മുറിക്കുള്ളിൽ നിന്നും കേട്ടിട്ടില്ലെന്ന് കുടുംബാംഗങ്ങൾ മൊഴി നൽകിയിട്ടുണ്ട്.
ഉയർന്ന ജോലി...
ഇന്ദിരാപുരത്തെ അപ്പാർട്ട്മെന്റിൽ താമസിക്കുന്ന നീരജ് സിംഗാനിയ നോയിഡയിലെ ഒരു അന്താരാഷ്ട്ര ടെലികോം കമ്പനിയിലെ ഡെപ്യൂട്ടി മാനേജറായാണ് ജോലി ചെയ്തിരുന്നത്. നീരജിന്റെ ഭാര്യ രുചിയും നോയിഡയിലെ മൾട്ടിനാഷണൽ കമ്പനിയിലെ ഉദ്യോഗസ്ഥയായിരുന്നു.
പ്രണയം...
നോയിഡയിൽ ജോലി ചെയ്തുവരികയായിരുന്നു നീരജും രുചിയും 2010 ഡിസംബറിലാണ് വിവാഹിതരാകുന്നത്. ഏറെക്കാലത്തെ പ്രണയത്തിന് ശേഷമായിരുന്നു വിവാഹം. ഇവർക്ക് അഞ്ചു വയസുള്ള ഒരു മകളുമുണ്ട്.
ജീവിതത്തിൽ ഒരുമിക്കാൻ സമ്മതിച്ചില്ല! വീട് വിട്ടിറങ്ങിയ കമിതാക്കളുടെ മൃതദേഹം കനാലിൽ...
ടെക്കികളായ 47കാരിയും 28കാരനും തമ്മിൽ പ്രണയം! സ്വകാര്യനിമിഷങ്ങൾ ബന്ധുക്കളുടെ വാട്സാപ്പിൽ...
കമിതാക്കളുടെ ആത്മഹത്യയ്ക്ക് പിന്നിൽ അന്ധവിശ്വാസം! വിവാഹിതരായാൽ മരണമെന്ന് ജ്യോത്സൻ