കിടപ്പറ പങ്കിടാന് നിര്ബന്ധിച്ചു, വീഡിയോ മോര്ഫ് ചെയ്തു; 42 പേര്ക്കെതിരെ ടെക്കിയുടെ പരാതി
വീഡിയോ മോര്ഫ് ചെയ്ത് പ്രചരിപ്പിച്ച് സഹപ്രവര്ത്തകരായ 43 പേര് ലൈംഗികമായി പീഡിപ്പിച്ചെന്ന് യുവതിയുടെ പരാതി. നോയിഡയിലെ ഒരു ഐഡി കമ്പനിയില് സോഫ്റ്റുവെയര് എഞ്ചിയനാറായി ജോലിചെയ്യുന്ന യുവതിയാണ് സഹപ്രവര്കര്ക്കെതിരെ പോലീസില് പരാതി നല്കിയിരിക്കുന്നത്. കമ്പനിയിലെ ഉയര്ന്ന ഉദ്യോഗസ്ഥര് ഉള്പ്പടേയുള്ളവരുടെ പീഡനം നേരിടേണ്ടി വന്നുവെന്നാണ് യുവതിയുടെ വെളിപ്പെടുത്തല്.
പോലീസില് നല്കിയ പരാതിയില് കമ്പനിയിലെ 21 സഹപ്രവര്ത്തകരുടെ പേരുകള് യുവതി വ്യക്തമാക്കിയിട്ടുണ്ട്. ബാക്കിയുള്ള 22 ആള്ക്കാരുടെ പേര് അറിയില്ല. 2017 നവംബര് മുതല് ഓഫീസ് സമയത്ത് പലരും തന്നെ ലൈംഗികമായി ചൂഷണം ചെയ്തു. പലസഹപ്രവര്ത്തകരോടും കിടക്ക പങ്കിടാന് കമ്പനിയിലിലെ ഉയര്ന്ന ഉദ്യോഗസ്ഥര് ഉള്പ്പടേയുള്ളവര് നിര്ബന്ധിച്ചെന്ന് യുവതി പോലീസില് നല്കിയ പരാതിയില് വ്യക്തമാക്കുന്നു.
തന്റെ മോര്ഫ് ചെയ്ത ചിത്രങ്ങളും വീഡിയോകളും ഉപയോഗപ്പെടുത്തി പലരും ഭീഷണിപ്പെടുത്തി. സഹപ്രവര്ത്തകരില് പലരും ഈ ചിത്രങ്ങളും വീഡിയോകളും സോഷ്യല് മീഡിയയിലൂടെ പ്രചരിപ്പിച്ചു. വനിത കമ്മീഷനിലും ഉത്തര്പ്രദേശ്, ദില്ലി മുഖ്യമന്ത്രിമാരുടെ അടുത്തും പരാതി നല്കിയെങ്കിലും ഫലമൊന്നും ഉണ്ടായില്ലെന്നും യുവതി പറയുന്നു.